Isaías

13 “¡Acʉɗadua! Mʉ̃ beɗea ũrĩbadara ne coɗida, baribʉrʉ bãrãra jarra panania. ¡Acʉɗadua! Mʉ̃ beɗea ũrĩbadara ne doɗida, baribʉrʉ bãrãra opichia panania. 17 ¡Acʉɗadua! mʉ̃a bajã djiwiɗida, ẽjũã djiwiɗi siɗa oya; jũma naẽna ɓaɗara quĩrãnebaɗaẽ́da, ni dadji sora sopuaɗaẽ́da. 20 Ẽberãda beuida cien poaga ɓʉda jãʉ̃gʉra caibe quiru quĩrãca, ẽberã ne cadijrua obarira, jãʉ̃ Ãcõrẽba quĩrĩãcada cien poaga ɓʉmĩna. 21 De oɗapeɗa pananida maʉ̃ne; ne uɗapeɗa maʉ̃gʉɗebemada coɗida. 22 De oɗaẽ́da dewara panani carea, ni ne uɗaẽ́da dewararãba coɗamãrẽã. Mʉ̃ puru ewarira bacuru ewari quĩrãca ɓʉa, mʉ̃a ãdjirãba bia quĩrĩãnia ãdjirã traju carea. 23 Ãdjirã waa zarea trajaɗaẽ́a, ni warra ununaẽ́a naʉ̃ ẽjũãne mĩã djuburiarãmãrẽã, ãdjirãra dji yõnara Ãcõrẽ beɗea ĩjãna bẽrã, maʉ̃ bʉrʉ ãdjirãra ne biada ero panʉda Jeowaɗebemada.