Salmo
34 Quĩcha cawaa diadua mʉ̃́a ĩjã oi carea bʉa jara ɓʉra idjaɓa bʉ leyra mʉ̃ soɗeba ĩjãi carea. 97 ¡Mʉ̃ra bio quĩrĩã ɓʉda bʉ ley! Ewari entero bio quĩcha ɓʉda jãʉ̃da. 98 Bʉ beɗeaba bio necawaabi ɓʉa mʉ̃ quĩrũrã cãyãbara ewariza mʉ̃me ɓʉ bẽrã. 99 Mʉ̃ra quĩcha cawa ɓʉ mʉ̃ jaradiabada cãyãbara. Mʉ̃a quĩrãcuita ɓʉ bʉa quĩrãnebabiɗara. 100 Mʉ̃a o ɓʉra acʉbi ɓʉda bio cawa ɓʉa drõãrã cãyãbara ĩjã ɓʉ bẽrã bʉ beɗea. 105 Bʉ beɗeara ĩbĩrã quĩrãca ɓʉda idjaɓa careba ɓʉda unui carea oɗe sãmaare wãi. 160 Bʉ beɗea jũma wãrãda, bʉa jipa jaraɗara dãrã ɓaita. 176 Mʉra oveja adua nĩna quĩrãca ɓʉda. Bʉ nezocara jʉrʉɗe zedua, bʉ beɗeara mʉ̃a quĩrãdoaẽ́ basía.