Salmo

13 Bʉabʉrʉ oɗa bẽrã mʉ̃ cotruara; bʉa mʉ̃ra  wagasida mʉ̃ra mʉ̃ papa ɓita eɗa basiɗe. 14 Mʉ̃a bʉ́a bia beɗea ɓʉa bio bia oɗa bẽrã mʉ̃ra. Bʉa oɗara bio biya quirua, jãʉ̃ra mʉ̃a bio cawa ɓʉa. 15 Mʉ̃ ɓʉwʉrʉra mĩrũ baẽ́ ɓasida bʉ quĩrãpita mʉ̃ra osiɗe, ni aɓaʉba ununaẽ́ basída, mʉ̃ra casidaɗe ẽjũã edari. 16 Bʉ dauba unusida biteɗa mʉ̃ra waɗi wãwãẽ́ ɓasiɗe; jũma mʉ̃ cacuaraɗebemara ɓʉ́ basida bʉ libroɗe – idjaɓa cawasida sãʉ̃be ewariɗe uyai ɓasida- naãrã jaʉ̃ra mawasita toi naẽna. 17 Maʉ̃ carea, ¡bʉ quĩchara bio bia qiruda, mʉ̃ carea! Oh, Ãcõrẽ, ¡bio zocãrã ɓʉda bʉ quĩchara!