“Mʉ̃maarã ɓʉda Aɓa jãʉ̃ oɗara”

¿Caibe ɓʉɗe eɗaa  ĩjã basida Ãcõrẽra?

Mʉ̃ nana bio catolica basida. Mʉ̃a cawasida ara ãdjiduɓa quinibadjiɗada. 14 poa eroɓasiɗe cawasida Ãcõrẽra neẽ́da. Religioʉ̃ sewaida ɓeaba obada ɓaɗara. Mʉ̃a cawasida ecuelaɗe dadjirãra zesiɗada yarreɗeba. Jãʉ̃gʉda mʉ̃a jãwã crĩcha ɓesida.

¿Cãrẽ cãrẽã mãsa cawai quĩrĩã basida naʉ̃ ẽjũãnebemada?

Mʉ̃ 7 poa eroɓasiɗe mʉ̃́a bari diasiɗada microscopioda. Jãʉ̃gʉra mʉ̃a bio quĩrĩã eroɓasida acʉi carea bagabagada, dewara animarã zaque siɗa.

¿Sãʉ̃be cawa quĩrĩãsiɗa naʉ̃ ẽjũãnebemada?

Mʉ̃ 22 poa eroɓasiɗe, unusida aɓa wẽrã cientifica Jeowaɗebema. Idjira cientifica ɓʉmĩna idjia cawa basida Ãcõrẽra ɓʉda. Mʉ̃a cawabi quĩrĩã basida Ãcõrẽra neẽ́da. Maʉ̃ bʉrʉ mʉ̃a ne jũma quĩrãtanoa iwiɗisida. Baribʉrʉ idjia jũma panusida mʉ̃a idiɗara. Maʉ̃ bʉrʉ mʉ̃a cawa quĩrĩã ɓʉda cãrẽã ẽberãrãba ĩjã panʉda Ãcõrẽra.

Mãwãnacarea unusia dewaraʉ umaquĩrã beɗea bea Jeowaɗebemara, idjira nẽãrã diabari. Mʉ̃a idjime beɗea quĩrĩãsida, cawabi carea Ãcõrẽra neẽ́da.

¿Bʉa cawabisida Ãcõrẽra neẽ́da?

Mawaẽ́a. Maʉ̃ carea cawasida caiba osida ne jũma naʉ̃ ẽjũãne. Ʉ̃cʉrʉba jarabadada dadjirãra zesiɗada celulaɗeba djubibi quiruɗeba. Baribʉrʉ jãʉ̃ra cawaɗaẽ́da caiba jãwã o ɓʉ cãrẽda. Ʉ̃cʉrʉba jarabadada jãʉ̃ celula djubibi quirumĩna zesida ne neẽ́neba.

¿Cientificorãba jãʉ̃gʉra aɓari quĩrãca jãwã crĩchabadada?

Ʉ̃cʉrʉ cientificorãba aɓarica crĩchabadada jãwã. Ni aɓaʉba oẽ́ basida naʉ̃ ẽjũãnebemarã. Maʉ̃ cãyãbara crĩchaɗida ne quĩrãtanoa ɓʉra, naʉ̃ ẽjũãne jãʉ̃ra idjiduɓa jãwã ɓesida. Mʉ̃a cawasida ãdjirãba cawaɗaẽ́ panʉda. Maʉ̃ careabʉrʉ crĩchasida mʉ̃a Ãcõrẽ Beɗeaɗe cãrẽda jara ɓʉda.

¿Cãrẽda cawasi Bibliaɗe?

Mʉ̃a mãsa cawasida Ãcõrẽ Beɗeaɗe wãrã arada. Ʉ̃cʉrʉ cientificorãba, jãwã crĩcha baɗada naʉ̃ ẽjũãne ne quĩrãtanoa ɓʉra. Jãʉ̃ra aɓa ɓʉba jãwã osida. Baribʉrʉ jãʉ̃ra dãrãbʉrʉɗedabemada, jãwã ɓʉda Bibliaba jara bʉ quĩrãca: “Naãrãeɗa Ãcõrẽba bajãda idjaɓa naʉ̃ ẽjũãda osia”.^[1]

Bʉra bio estudiaɗa cientificoɗebema. Baribʉrʉ bʉmaarã, ¿zarea ɓʉda ĩjãira Ãcõrẽnebemada?

Mawaẽ́a. Mãsa mʉ̃a estudiaibʉrʉ Ãcõrẽ Beɗeada, cawaida cacuaɗebema, naʉ̃ ẽjũãnebema. Jãʉ̃gʉɗeba cawa ɓʉda wãrãda ɓʉda Ãcõrẽra.

¿Cãrẽ cãrẽã jãʉ̃ra jãwã jaraida?

Dadji cacuaɗe oa bʉra eɗauɗe biẽ́ ɓʉda. Jãʉ̃ba cacua puabibarida. Baribʉrʉ, mʉ̃a cawasida oa biẽ́ ɓʉra boro morroɗaa wãcada. Aɓaʉba jãʉra jãwã osida cacuaɗe.

¿Cãrẽã quĩrĩãda jãʉ̃da bio?

Cientificorãba cawasiɗada nẽãrãda cacuaɗe suɗibʉrʉ jãʉ̃ra biraida entero. Baribʉrʉ dadji boro morrora bio waga baera, jãmara biracada enfermaramãrẽã boro morrora. Baribʉrʉ, bio biara ɓʉda oa boro morroɗaa jũẽcaa. Maʉ̃ba ¿sãwã zocai panʉda?

¿Sãwã jãʉ̃ba biara baida?

Dadji cacuaɗe ɓʉda quẽgu. Quẽguɗe bʉda oa. Jãʉgʉra bira ɓʉda cacua entero. Quẽguɗe ɓʉda quẽgu zaque djubibi quiruda. Dadji boro morroɗe ɓʉda quẽgu awara. Ejemploda: bacuru carra unu ɓʉda zocãrã ɓʉda. Jãʉ̃gʉ quĩrãca ɓʉda quẽgura: Waiɓʉara ɓʉda, caibeara ɓʉda, djubibiara quiruda. Boro morroɗe oa ɓʉmĩna oa biẽ́ ɓʉra jãma jũẽcada. Naʉ̃gʉɗeba mʉ̃a cawasida wãrãda ɓʉda Ãcõrẽra.