¿Bʉmaarã caida Ãcõrẽ?

Aɓabe ɓʉda Ãcõrẽ wãrãda, idji trʉ̃ra Jeowa (Exodo 6:3; Salmo 83:18). Dadji Ãcõrẽ quĩrãca neéa idjia jũma oɗa bẽrã. Idjira jaureda, maʉ̃ carea poya ununaca. Dadji Ãcõrẽba bio cãga ɓʉa ẽberãrãa idjaɓa quĩrĩã ɓʉ dadjirãba bio cãgaɗida idjira. Dadjirã biɗa cãgaɗibara dewarau ẽberãrãa (Mateo 22:35-40).

Nãbema Ãcõrẽba osia aɓa jaure zarea basida. Iɗidera cawa panʉ Jesucrito quĩrãca. Idjaɓa Ãcõrẽba osia dewarau nezocarã bajãnebema.

Jeowaba osia jũma bajãne bemada jũma ẽjũãne bemada (Apocalipsi 4:11)

Jeowaba osia bajãda, ẽjũãda idjaɓa jũma ẽjũãne bemada (Genesi 1:1).

Idjia osia umaquĩrã nãbema egoro poraɗebemada. Idji trʉ̃ Adaʉ̃ abada (Genesi 2:7).