¿Bʉmaarã caida Jesu?

Jeowaba Jesura diabuesi naʉ̃ ẽjũãna (1 Juaʉ̃ 4:9)

Dadjirãba sobiabi quĩrĩã panʉra Ãcõrẽda ũrĩnibara idji warrada. Jeowaba Jesu osia jaure zarea basida ʉ̃tari bemada, Adaʉ̃ oi naẽna.

Dãrãɓaɗacarea, Ãcõrẽba idji warrada diabuesia naʉ̃ ẽjũãna tomãri wãwã zaque quĩrãca. Trʉ̃ jarabada Jesu, tosia puru Beleʉ̃ne. Dji nana María basi, ãwẽrã basi (Juaʉ̃ 6:38).

Jesu basiɗe naʉ̃ ẽjũãne, acʉbisi so biabadjida ibiya beɗea ɓabadjida, Jeowa quĩrãca. Maʉ̃ bʉrʉ ẽberãrãba caita quĩrĩã panasiɗaa idjia. Idjaɓa neé wayaé jaradiasida wãrãda Ãcõrẽnebemada.

Jesuba ne bia odamĩna, zocãrã ẽberãrã quĩrãmasiɗaa (1 Pedro 2:21-23)

Jesuba biabibadjida cãyã ɓeadara idjaɓa ʉ̃rẽbabisi beudarãra.

Pariseorãra, sacerdote bororã siɗa quĩrãmasiɗaa Jesura, idjia jarada bẽrã ãdjirãba sewa jaradiabadjiɗaa idjaɓa ne cadjirua o panabadjiɗaa.

Maʉ̃ bʉrʉ, pariseorãra, sacerdote bororã siɗa pobisiɗaa beabisiɗaa Jesura romanonebema.