¿Cãrẽda oɗibara Ãcõrẽba bia unumãrẽã?

Bʉa orada Ãcõrẽba quĩrĩãcara (1 Corinto 6:9, 10)

Dadjirãba cãga panʉbʉrʉ Ãcõrẽa, idjia quĩrĩãcara oɗacaa.

Ãcõrẽba quĩrĩãcaada ne drʉaɗaéda, beunũmaéda, cãyia doɗaéda.

Ãcõrẽba quĩrĩãcaada warra ʉradʉgaéda, umaquĩrãda aɓari umaquĩrãme, wẽrãda aɓari wẽrãme ɓeaɗaéda, djãrã beaɗáeda. Idjia biɗa quĩrĩãcaa paratada cãgaɗaéda, jʉwaichia djãrã poɓaéda.

Chĩrãboroɗe coɓeɗaébara jʉwaba oɗa ãcõrẽ quĩrãca idjaɓa jai oɗaéda.

Ẽberãrãba ne cadjirua o ɓeara ẽjũã quĩrãwãrẽãra pananaéda.

Ne bia oɗibara dewarau carea (Mateo 7:12)

Jeowaba quĩrĩã ɓʉa oɗida idjia obari quĩrãca.

Bʉra so bia ɓai bara idjaɓa aɗuba diai bara. Jãʉ̃gʉra acʉbi bʉ bio quĩrĩã ɓʉ.

Wãrãda jaradua, cũrũgarãnadua.

Quĩrãndoadua dewarau ne cadjirua oɗara.

Ãcõrẽnebemada beɗeaida (Romano 10:13-15).