BEƊEA 6
¿Beuɗarãra ʉ̃rẽbaɗida?
1. ¿Beuɗarãra ʉ̃rẽbaɗida?
Ewari aɓaʉɗe, Jesura Betania puruɗe wãsida, Jerusaleʉ̃ caita ɓasida Lazarora jãma ɓasia. Jesura jũẽsiɗe, Lazarora ewari quĩmãrẽ ɓasida beuɗada. Jesura wãsida Lazaro djabawẽrãrãme —Marta, Maria— Lazaro jouɗamae, idjaɓa ẽberãrãra wãsiɗada ãdjime ununamãrẽã. Martara Maria siɗa bio capipia panasiɗada Jesuba ʉ̃rẽbabisiɗe ãdji djabaa. Leadua Juaʉ̃ 11:21-24, 38-44.
Ãcõrẽ Beɗeaba jara ɓʉda ẽberã beuɗarãra ʉ̃rẽbaɗida. Martaba cawa ɓasida Jeowaba ʉ̃rẽbabiya ẽberã beuɗarã nama ẽjũãne pananamãrẽã. Leadua Juaʉ̃ 11:24.
2. ¿Cãrẽ mãwãida ẽberã beubʉrʉɗe?
Ãcõrẽba Adaʉ̃ jarasia: “Bʉra egoro poraɗebemaa. Maʉ̃ carea bʉra wayacusa egoro pora baya” (GENESI 3:19).
Ẽberãra “egoro poraɗebemaa” (Genesi 2:7; 3:19). Dadji cacua beuɗacare zocai ɓaẽ́da, dadji boromorro beubʉrʉɗe quĩchacaa, maʉ̃ bẽrã beudarãra ne poya oɗacaa ni djuburiaɗacaa. Maʉ̃ bʉrʉ Lazarora ʉ̃rẽbasiɗe jaracaa ɓasia sãmaare ɓasida. Leadua Salmo 146:4; Juaʉ̃ 11:11-14.
Ʉ̃cʉrʉba quĩchabadada Ãcõrẽba ẽberãra ɓatabueya tʉbʉ uruada ẽjũã erica, jãʉ̃gʉra sewada. Ununa quĩrãca beuɗarãba ne oɗacada. Ẽberãba jãʉ̃ jãwã quĩchabadara cũrũga panʉda dewarara jarabada bẽrã Jeowaba cadjirua obarida. Jeowaba bio quĩrĩã ɓʉda ẽberãrãra maʉ̃ carea ne cadjirua diacaa dadjirãba djuburiaɗi carea. Leadua 1 Juaʉ̃ 4:8.
Acʉdua dji video ¿Cãrẽ mãwãida ẽberã beubʉrʉɗe?
3. ¿Poya beɗeaɗida beuɗarãme?
Beuɗarãra poya beɗeaɗacaa ni poya ũrĩnacaa (Salmo 115:17). Maʉ̃nebemada ʉ̃cʉrʉ bajãnebema nezocarã cadjiruarãda poya beɗeaɗida ẽberãrãme jãʉ̃ ẽberã beuɗa quĩrãca (2 Pedro 2:4). Maʉ̃ carea Ãcõrẽba quĩrĩãcada dadjirãra beuɗarãme beɗeaɗira. Leadua Galata 5:20, 21.
4. ¿Cairãdrʉ ʉ̃rẽbaɗida?
Zocãrã barada ẽberãrã beuɗarãra ʉ̃rẽbaɗira nama ẽjũãne panani carea idjaɓa ʉ̃rẽbaɗida ẽberãra adua panasiɗada Jeowaɗeda, ãdjirãra zocai panasiɗamisa ne cadjirua osiɗada baribʉrʉ wãya piradrʉɗia. Leadua Luca 23:43; Hecho 24:15.
Ʉ̃rẽbaɗabara poya cawaɗida wãrãda Ãcõrẽnebemada idjaɓa poya ĩjãnida Jesuɗera (Apocalipsi 20:11-13). Jãʉ̃gʉra oɗibʉrʉ dãrã ɓʉsriɗa pananida nama ẽjũãne. Leadua Juaʉ̃ 5:28, 29.
5. ¿Cãrẽda cawabi Jeowaba oira ʉ̃rẽbabira?
Jeowaba oira ʉ̃rẽbabira ẽberãrãra jãʉ̃gʉba jaradia ɓʉda idjia bio quĩrĩã ɓʉda ẽberãrãra idjaɓa idjira so bia ɓʉda dadjirãme, dadjirãra idjimaarã jipaẽ́ panʉmĩna. Ãcõrẽba diabueɗa bẽrã idji warrara beui carea dadjirã carea maʉ̃ bʉrʉ dadjirãba ne bia jʉ̃ã panʉda. Bʉa, ¿caida unu quĩrĩã ɓʉda Ãcõrẽba ʉ̃rẽbabʉrʉɗe ẽberãrã? Leadua Juaʉ̃ 3:16; Romano 6:23.