¿Sãwã poya capipia pananida dadji cuariarãme?

1. ¿Cãrẽã mĩã cãĩda ley quĩrãpita?

Jeowara capipia ɓʉda maʉ̃ bʉrʉ idjia quĩrĩã ɓʉda cuariara ɓʉsriɗa panʉda (1 Timoteo 1:11). Idjia osia dji cuariara. Ẽberã mĩã cãĩ ɓʉɗe ley quĩrãpita jãʉ̃gʉba careba ɓʉda dji zezerã dji warrarã siɗa dauperaɗira neẽ́ panani carea idjaɓa bio quĩrĩãni carea ãdjirãya. Dji bororãba jarabadada cãrẽda oɗi mĩã cãĩni carea, critianorãba jũma ĩjãnida panʉa. Leadua Luca 2:1, 4, 5.

Ãcõrẽmaarã ẽberã mĩã cãĩ ɓʉɗe idji quimame ɓaibara aɓa beubʉrʉɗaa. Ãcõrẽba quĩrĩãcada auɗua o ɓaɗara (Hebreo 13:4). Jeowaba quĩrĩãcada ẽberãda dji quima amaira (Malaquías 2:16). Baribʉrʉ aɓaʉba poya amaida dji quimada dji quimaba daunemaibʉrʉ. Leadua Mateo 19:3-6, 9.

2. ¿Sãwã oɗida panʉ dji quimara ãdjirãba?

Umaquĩrãrãba wẽrãrã siɗa ne zocãrã poya oɗi bia capipia pananamãrẽã dji cuariame (Genesi 2:18). Jeowaba ɓʉsida umaquĩrã dji boro ɓai carea idji cuariaraɗe, maʉ̃ carea idjia trajaibara carebai carea idji cuariara idjaɓa jaradiaibara Ãcõrẽ Beɗea ãdjirãra. Umaquĩrãrãba quĩrĩã ɓeaɗida panʉa idji wẽrã. Wẽrãba idji quimara wayaida ɓʉa. Umaquĩrã wẽrã siɗa jipaẽ́ panʉda maʉ̃ bʉrʉ dji quimara cadjirua oibʉrʉ quĩrãdoaɗadua. Leadua Epeso 4:31, 32; 5:22-25, 33; 1 Pedro 3:7.

3. ¿Bʉra capipiaẽ́ ɓʉbʉrʉ bʉ quimame poya amaida?

Ne cadjirua mãwã panʉne dadji quimame ibiya beɗeaɗida panʉa (1 Corinto 13:4, 5). Bibliaba jara ɓʉda ne baridua carea poya amaiẽ́ ɓʉda dadji quimaa. Leadua 1 Corinto 7:10-13.

4. ¿Cãrẽda quĩrĩã ɓʉ Ãcõrẽba dji warrarã carea?

Jeowaba quĩrĩã ɓʉda dji warrarãra capipia pananida maʉ̃ carea ãdjirãra biara pananamãrẽã ĩjã oɗida panʉa dji zezerã, ãdjirãra bio cawa panʉ bẽrã dji warrarã cãyãbara (Colosa 3:20). Idjaɓa ĩjãnibara Ãcõrẽra –idjia oɗa bẽrã- Jesuɗe siɗa. Leadua 2 Timoteo 3:14, 15; Mateo 19:13-15; 21:15, 16.

5. ¿Sãwã poya carebaɗida djibarirã dji warrarã capipia pananamãrẽã?

Zezerãba dji warrarãra diaɗibara coɗira, deɗe idjaɓa wua jʉ̃ni carea (1 Timoteo 5:8). Baribʉrʉ ãdjirãba jaradiaɗibara ãdji warrarã bio cawaɗamãrẽã Ãcõrẽnera idjaɓa bio quĩrĩãni carea idjira (Epeso 6:4). Djibarirãba ne bia o panʉbʉrʉ dji warrarãba aɓarida oɗida. Bʉa bia jaradia ɓʉbʉrʉ bʉ warrãra ãdjirãra bia capipia pananida. Leadua Deuteronomio 6:4-7; Proverbios 22:6.

Warrarãba ne bia o panʉbʉrʉ dji zezerãba bia jaraɗida, eɗauɗe quẽãnibara dji warrarã ne cadjirua oɗaẽ́ carea (Proverbios 22:15). Baribʉrʉ biẽ́ oẽ́da. Leadua Colosa 3:21.

Beɗea ɓeara Jeowaɗebemaba zocãrã cartara oɗara dji zezerã carea idjaɓa dji warrarã carea. Jũmarã Ãcõrẽ Beɗeaɗebema. Leadua Santiago 1:25.