Dji Beɗea Djabarã Wagabarirã Bororã ɗebema

Djabarãra:

Dadjirãra Ãcõrẽra quĩrĩã panʉ bẽrã idjaɓa cãga panʉ bẽrã ẽberãra ĩjã o panʉda Ãcõrẽ beɗea jarabʉ quĩrãca; jũma puru ɓeaza wãnapeɗa Jaradiadua mʉ̃da ẽpẽna mãrẽã idjaɓa borocueɗadua (Mat. 28:​19, 20; Marco 12:​28, 31). Dadjirãba bio quĩrĩã panʉbʉrʉ ãba bio careba panʉda ẽberãraa maʉ carea dadjirãba soɗeba quĩrĩã beɗeaɗibʉrʉ ẽberãra jãʉ̃ra bio careba bʉda “ẽberãrãba wãrãda ĩjã quĩrĩã ɓeara zocai beaɗi carea ewariza Ãcõrẽme” (Hecho 13:48).

Naãrã dadjirãba bio crĩchabadjiɗada Ãcõrẽ beɗea jaradiaɗi carea ẽberãra idjaɓa cartara jarabʉdaɗe isabe diabadjiɗada baribʉrʉ ʉ̃rãrã quĩcha cawa beɗeabadada jaradiabʉdaɗe idjaɓa jaradia panʉda ãdjia beɗea quĩrĩã panʉra. Ẽberãra awara quĩcha panʉda idjaɓa awara beɗeabadada maʉ̃ bʉrʉ dadjirãba jaradiabʉdaɗe quĩchaɗida ãdjia quĩrĩã beɗea panʉra. ¡Dadjirãba ɓʉsiɗada naʉ̃ cartara soɗeba jaradiaɗi carea ẽberãra!

Naʉ̃ cartara 12 beɗeara eroɓʉda jãʉ̃ neba bio carebaida dadjirãra ẽberãra jaradiaɗi carea soɗeba idjaɓa bia beɗeaɗi carea. Dji beɗeaza awara nẽbʉrʉda eroɓʉda, ejemplo Jesuba oɗara idjaɓa critianorãba oɗara Ãcõrẽ beɗea jaradiaɗe wa panasiɗaɗe. Dadjirãba iɗira dadji boroɗeba jaradiaɗaẽ́da isabe biɗa jaradiaɗaẽ́da. Naʉ̃ cartara jũma bio biara bʉmĩna ʉ̃cʉrʉ beɗeara bio biara carebaida, jaradiaɗi carea, jẽda acʉɗe jaradiaɗe wãni carea idjaɓa curso Ãcõrẽ ɗebema jaradiaɗi carea.

Beɗeaza cawabʉrʉɗe quĩchaida jãʉra sãwã poya carebaida Ãcõrẽ beɗea jaradiai carea ẽberãra bʉ ɓabarimae. Dadjirãba bio quĩrĩã panʉ bera Jeowa idjaɓa ẽberãra siɗa maʉ̃ bʉrʉ bio biara bʉda soɗeba jaradiaɗida dadji quĩchaɗeba jaradiaɗi cãyãbara maʉ bẽrã bio biara bʉda esfuerzo oɗida mãsa quĩrĩãni carea, jãʉ̃da oɗibʉrʉ poya carebaɗida ẽberãra Ãcõrẽ beɗea cawaɗamãrẽã idjaɓa boro cueɗi carea.

Jũmaʉba Ãcõrẽ beɗea ĩjãnira jãʉra bio biara bʉda (Sof 3:9). Bãrãra Jeowaba bio acʉ bʉda Ãcõrẽ beɗea jaradiaɗe wãbʉdaɗe idjaɓa carebabʉdaɗe ẽberãra boro cueɗi carea.