BEƊEA 9

¿Ẽjũãda quĩrãwãrẽã sãʉ̃be ɓaya?

Beɗea droma iɗibema acʉbi ɓʉ Ãcõrẽ Jũmarã Boroda caita ɓʉa (Luca 21:10, 11; 2 Timoteo 3:1-5)

Beɗea dromara naʉ̃ ewaridera: jemenei parata carea, djõnia, beuda, jarrabada, warrarã ĩjãnaé ɓeadia, jʉwaichia ɓeadia

Dãrãbʉrʉɗeda, Ãcõrẽ Beɗeaba jara basia naʉ̃ ewaridera sãwã mãwãida. Jarasia warrarãba ĩjãnaé ɓeadia dji zezede, ẽberãrãba jʉwaichia ɓeadia, parata cãga ɓeadia idjaɓa o quĩrĩã panʉ ãdjia quĩrĩã panʉ quĩrãca.

Idjaɓa jarasia de uremia, djõnida, jarrabada, zocãrã cãyã siɗa baraya. Iɗibema quĩrãca.

Ẽberã aɓa beɗea ɓeara Jeowaɗebemada beɗea bia jaradia ɓʉ Ãcõrẽ Jũmarã Boroda

Jesuba jarasia: “Maʉ̃ne beɗea bia Ãcõrẽba pe eroɓʉɗebemada jũma naʉ̃ ẽjũãne jaraɗia puru ɓeaza ũrĩnamãrẽã” (Mateo 24:14).

Ãcõrẽ Jũmarã Boroba jũma ne cadjirua jõbiya (2 Pedro 3:13)

Cadjiruarã quinini Armagedoʉ̃ne, mãwãmina Diauru idji caiɗubemara jũma quininia

Dãrãéne Jeowaba jũma ẽberã cadjiruarã jõbiya.

Diauru ãdji caiɗubemarãme quininia.

Jesu bajãne ãbuguede ɓ?ba Jesu bajãne ãbuguede ɓʉba idjaba zocãrã Ẽberãrã puru ɓeaza capipia panʉ

Ĩjã o ɓeara Ãcõrẽne ẽjũãne bia pananida. Jama ni aɓaʉba wayaɗacaa ɓaya. Jũmarãda jipa wãnida, cãga panani ãdjirãya idjaɓa poya ĩjãni dewarau beɗea.