¿Ewari aɓaʉɗe idu ɓʉida djuburiara?

BIBLIABA JARA ƁɄRA

“Ãcõrẽba ãdji dauɓara idjia jũma jareya. Jũma naẽna ɓaɗara jõna bẽrã waa beuɗaéa, jĩãnaéa, aujĩãnaéa, idjaɓa puara neé ɓaya” (Apocalipsi 21:3, 4, Ãcõrẽ Beɗea).

CÃRẼÃ BIA ƁɄDA CAWAIRA

Cawaɗia Ãcõrẽba beɗea dromara diacaa (Santiago 1:13).

Cawaɗia Ãcõrẽba sopuabarida dadjirã carea (1 Pedro 5:7).

Cawaɗia ewari djiwiɗi zebʉrʉɗe djuburia neé ɓaya (Salmo 37:9-11).

¿BIBLIABA JARA ƁɄRA POYA ĨJÃNIDA WÃRÃDA?

Mãẽ, umé beɗeaɗe:

• Ãcõrẽba ne cadjirua quĩrĩãcada. ¿Jeowaba sãwã sentisi naẽnaena bié osiɗaɗe idji puru? Ãcõrẽ Beɗeaba jara ɓʉda Ãcõrẽra sopua ɓesida unubadjiɗe dji quĩrũba “ãdjirã bié o panʉne” (Juece 2:18).

  Ãcõrẽba quĩrĩãcada ẽberãrãba djuburia o panʉra dewaraura. Naʉ̃ quĩrãca ɓʉa, Ãcõrẽ Beɗeaba jara ɓʉda “Mʉ̃abʉrʉ cadjirua o ɓeara cawa oya. Mʉ̃abʉrʉ cawa oya ãdjia cadjirua opeɗaɗa quĩrãca” (Romano 12:19).

• Ãcõrẽra sopuabari aɓa aɓaʉ carea. Ĩjã ɓʉ mina ara bʉdji iduɓa cawa ɓʉa bʉdji puara, Jeowa biɗa cawa ɓʉda (2 Cronica 6:29, 30).

  Dji Boroɗeba, Ãcõrẽba jõbiya djuburiara aɓa aɓa ẽberãra (Mateo 6:9, 10). Maʉ̃ misa, idjia sobiabibari ẽberãrãa jʉrʉ panʉbʉrʉ soɗeba (Hecho 17:27; 2 Corinto 1:3, 4).