Ãcõrẽ jũma ĩjã oɗiaɗa apeɗada oɗaẽ́ basiɗaa

Jeowaba Moisea jarasia: “Eya nocoɗaa zedua mʉ̃maa. Mʉ̃a obi ɓʉra mõgaraɗe ɓʉɗida bʉa diaɗa. Moisera wãsida jãma baɗe eyaɗaa 40 ãsa idjaɓa 40 dimisi. Jãma ɓʉmisa Jeowaba die beɗearã ɓʉɗapeɗa mõgaraɗe Moisea diasida.

Eyaɗe ɓʉmisa israelitarãba quĩchasiɗada Moiseba ãdjirãra igarasiɗaa. Maʉ̃ carea jarasiɗada Aaroʉ̃a: Quĩrĩã panʉda jʉwaba oɗa ãcõrẽ quĩrãca. Aaroʉ̃ba panusida: Oro eroɓea enenadua maʉ̃ carea jʉ̃wʉ̃ruaba dorraɓari beɗeapeɗa oroda oɗi carea paca saque quĩrãca. Ẽberãrãba jarasiɗaa: ¡Naʉ̃ paca zaqueba daira ẽdrʉ edasida Egiptoɗebemada! Ara maʉ̃da ãdjirãba piesta osiɗada ãdjia ʉ̃taa dji idiɗi carea. Jãʉ̃ra cadjirua ɓasida. Ãdjirãba jarasiɗada aɓabe Jeowadrʉ̃ ɓʉda ãdjia Ãcõrẽ. Baribʉrʉ ãdjirãba Jeowaa jaraɗara ĩjãnaẽ́ basida.

Jeowaba unusida ãdjirãba ĩjãnaẽ́ panʉda, maʉ̃ bʉrʉ jarasida Moisea: Eyaɗeba edaa wãdua. Ãdjirãba ĩjãnaẽ́ panʉda mʉ̃ beɗea ãdjirãba ĩjã panʉda ãcõrẽa sewaida ɓeara. Moisera eyaɗeba eɗa zesiɗe umé mõgarada enesida.

Moise ara caita wãbʉrʉɗe ãdji panʉmaa ũrĩsida ẽberãra trʉ̃ã duanʉda. Unusida ãdjirãba baira duanʉda idjaɓa paca zaquea dji idi panʉda. Moisera bio quĩrũsida. Maʉ̃ bʉrʉ mõgara ume jʉ̃waɗe eroɓaɗara ɓatabuesida ẽjũãnaa. Dji mõgara uména tʉasiɗada. Jãʉ̃ paca zaquera jũma tʉacuasiɗaa ara maʉ̃da Moisera quĩrũpeɗa wãsida Aaroʉ̃maa idjia iwidisida Aaroʉ̃a :¿Sãwã bʉra jãʉ̃ cadjirua ĩjã ɓesida? Aaroʉ̃ba panusia: Mʉ̃me quĩrũrãdua. Bʉa cawa ɓʉda ãdjirã sãwã panʉda. Ariɗe quĩrĩã panasiɗada aɓa ãcõrẽda maʉ̃ bʉrʉ ãdji oroda tʉbʉɗe baaɗapeɗa paca zaqueda osida. Aaroʉ̃ba paca zaqueda oẽ́ bara bai basida maʉ̃ bʉrʉ Moisera eyaɗaa wãyã wãsida ʉ̃taa dji idiɗi carea ẽberãrã carea.

Jeowaba quĩrãdoasida israelitarãba ĩjãna quĩrĩãsiɗada. Ĩjãnidabara panasiɗa Jeowaba jara ɓʉra idjaɓa Moiseba jaraɗara.