Dji boro bacuru waiɓʉa quĩrãca ɓʉa

Aɓaʉ dimisiɗe, Nabucodonosór cãĩmocaraɗaba dauperasiɗaa. Trʉ̃cuasida dji daubarara. Idisida cãrẽda jara quĩrĩã ɓasida jãʉ̃ cãĩmocaraɗaba. Baribʉrʉ ni aɓaʉba poya jaraɗaẽ́ basida cãrẽda jara quĩrĩã ɓasida. Ara maʉ̃da dji boro beɗeasida Danielme.

Nabucodonosórba cãĩmocaraɗe unusida bacuruda bio waiɓʉa ɓʉda. Jãʉ̃da jarasida Danielera: “Ẽjũã enterorãba ununi basida jãʉ̃ bacurura idjaɓa eroɓasida dji queduada bio mẽrã quiruda idjaɓa dji neta siɗa. Mãwãbʉrʉ jãʉ̃ bacuruɗe animarãra bio ʉ̃nãũ badjiɗada. Ara maʉ̃ quĩrãca de obadjiɗada ĩbana eni carea. Mãwãnacarea zesida angeleda”. Jãʉ̃ba jarasida: ‘Ɓʉá jãʉ̃ bacurura bua tʉɗida, baribʉrʉ idu ɓʉɗida ẽsãrica idjaɓa dji carra siɗa”. Idjaɓa jarasida: ‘Ɓʉrasiɗada jiorro zareaba bacurura idjaɓa auɗu biɗa ɓʉsiɗada cobreda”. Mãwãbʉrʉ jarasiɗada: “Jãʉ̃ sora ẽberã soẽ́da.Maʉ̃ cãyãbara ɓesida animarã cadjirua so quĩrãca. Ɓesida 7 ewariɗe, jũmarãba cawaɗamãrẽã caidrʉ dji boro ɓeida, idjia quĩrĩã ɓʉ quĩrãca”.

Jeowaba jarasida cãrẽda jara quĩrĩã ɓasida jãʉ̃ cãĩmocaraɗara Danielera. Danielba cawasida cãĩmocaraɗara, mãwãbʉrʉ bio dauperasiɗaa, jarasida: “Ay dji boro, jãʉ̃ cãĩmocaraɗeba bʉ́da mãwãnabara biara basida bʉdji quĩrũrãme. Baribʉrʉ mãwãẽ́ basida, bʉ́da mãwãida. Jãʉ̃gʉ bacuru drasoa ɓʉá tʉɗara jãʉ̃ra bʉ basida, aduaida bʉ borora. Mãwãbʉrʉ coida chiruada animarã cadjiruara quĩrãca. Baribʉrʉ angelba jara ɓaɗa quĩrãca, jãʉ̃gʉ bacuru maãrĩ amena idjaɓa dji carra amenara, jãʉ̃gʉra wãya dji boro ɓaida ɓʉra”.

Poa aɓa baɗacarea, maʉ̃ne Nabucodonosór idji de waiɓʉa auɗu uɗa nĩmi basida idji soteja ɓʉmae, acʉsida Babilonia puruda. Jarasida: “Jãʉ̃ purura bio waiɓʉa ɓʉda. Mʉ̃ra jãʉ̃ quĩrãca ɓʉda”. Beɗea ɓʉmisa bajãneba jĩgua beɗeasida: “¡Nabucodonosór! Bʉra dji boro ɓaɗara waa ɓeẽ́da”.

Ara maʉ̃ mãwãbʉrʉɗe Nabucodonosóra loco ɓʉ quĩrãca ɓesida idjaɓa animarã quĩrãca nũmesida. Ara maʉ̃da jʉretabuesiɗada Nabucodonosóra idjiɗe droma deɗe ɓaɗara. Wãsida animarãme ãbaa ɓaɗe. Idjaɓa idji i siɗa nejõbʉ i quĩrãca waricuasida, bichibi siɗa drasoga ɓesida.

Siete poa baɗacarea, Nabucodonosora wãya jĩrũãbera dji boroba ɓesida. Jãʉ̃ra sãwã osida Jeowa aɓa dji boro ɓapeɗa Babilonia puruɗe ɓesida. Mãwãbʉrʉ Nabucodonosórba bia ɓʉaɗa asiɗaa Jeowa jipa wãya idjira oɗa bẽrã dji boro quĩrãca. Ʉ̃rãbʉrʉ cawasida aɓabe ɓʉda wãrãda Ãcõrẽra. Jeowaba aɓabe ɓʉbarida idjia quĩrĩã ɓʉdrʉ dji boro ɓʉbarida.