Ãcõrẽ jaurera jũẽsida dji ẽpẽbadarãmae

Domia auɗu basida Jesu wãnada bajãnaa. Maʉ̃ne dji nĩbabadara Jesuɗebema edasiɗada Ãcõrẽ jaureda, jãʉgʉ piesta Pentecoste osiɗada poa 33ɗe, ẽberãra zocãrã wãbʉrʉsiɗada druaĩbemada, jũẽsiɗada Jerusaleʉ̃na oɗi carea jãʉ̃gʉ piesta. Idjaɓa 120 dji ẽpẽra Jesuɗeda ãbaa jʉresiɗada cãĩbadamae ʉ̃taarebema cʉɗapõne, cawaẽ́ɗe unusiɗada ne ununacada tʉbʉ uruaɗe quĩrãca ãdjira boro ʉ̃rʉ̃. Dji ẽpẽbadarãra quĩrã awara beɗeasiɗada, idjaɓa ũrĩsiɗada nãũrã zareada de auɗu.

Dji ẽberãra wãbadarãba dewaraʉ druada Jerusaleʉ̃na ũrĩsiɗada jĩguada, ara maʉ̃da wãsiɗada ãdji deza cawaɗi carea cãrẽda mãwã nũmʉda. Maʉ̃ bʉrʉ chupea ũrĩsiɗada dji ẽpẽbadara beɗea awara ɓeada. Jarabadjiɗada: “Naʉ̃ ẽberãrãra Galileaɗebemada, ¿sãwã poya beɗea panʉda dadjirã beɗea araɗe?”.

Maʉ̃ne Pedro dewaraʉ ẽpẽra siɗa piradrʉsiɗada quĩrãpita jũmarãya. Pedroba jarasida: “Mãrãba beasiɗada Jesura, baribʉrʉ Jeowaba ʉ̃rẽbabisida, ara naʉ̃da Jesura ʉ̃taare ɓʉda jʉwa araare Ãcõrẽme. Idjaɓa diasida dji jaureda maʉ̃neba beɗea ɓaɗada dewaraʉ beɗeaɗe”.

Ẽberãra duanesiɗaa chupea, jaʉ̃ beɗea Pedroɗeba bio quĩchasiɗada soɗeba maʉ̃ bʉrʉ idisiɗada: “¿Cãrẽda oɗida bara panʉ?”. Idjia panusida: “Igaraɗida maãrã ne cadjiruara maʉ̃bebʉrʉ borocueɗida idji trʉ̃neba”. Mãwãna careabʉrʉ edaɗida ne baribemada idji jaureɗeba. Maʉ̃ bʉrʉ 3.000 ẽberãrãra borocuesiɗada jãʉ̃ ewariɗe, jãʉ̃gʉɗeba ʉ̃ta unusida mãsa dji ẽpẽbada Jerusaleʉ̃ne. Dji nĩbabadara mãsa osiɗada congregacioʉ̃ra idjaɓa carebasiɗada Ãcõrẽ jaureɗeba, jãʉ̃gʉɗeba poya jaradiasiɗada dji ẽpẽbadarã jũma ne bia Jesuba jaradiaɗara mãsa.