Bibliaba eroɓʉda Ãcõrẽ beɗea biara ɓʉda dadjirã carea

Jeowaba dia ɓʉda bio biara ɓʉ baribemada 66 carta zaquera Bibliaɗebemada. Baribʉrʉ bʉa poya idida ¿sãmaʉba zebʉrʉda Bibliara? ¿Caiba ɓʉbisi? Panui carea jãʉ̃ idi ɓʉda acʉɗida sãwã jũẽbi ɓʉda beɗea bia Ãcõrẽneda dadjirã ewari daucha.

1. Bibliara umaquĩrãrãba ɓʉɗada, ¿Ãcõrẽba sãwã ɓʉbisi?

40 umaquĩrãrãba ɓʉsiɗada Bibliara. Dewara traju o ɓeaɗa idjaɓa dewara druaɗebemarãa. Poaga 1513 eɗa dadjirã ewari naẽna ɓʉsiɗada Bibliara. Poaga 98 dadjirã ewari daucha ɓʉsiɗada, maʉ̃ bẽrã dãrã ɓasida mil seisciento poaga ɓʉɗi carea, baribʉrʉ awara jaraɗaẽ́da Bibliara. ¿Cãrẽã awara jaraɗaẽ́da? Ãcõrẽba ɓʉbiɗa bẽrã (Leadua 1 Tesalonica 2:13). Ɓʉbadarãba ãdji quĩchaɗebemada ɓʉɗaẽ́ basía. Maʉ̃ cãyãbara ãdjirãba “Ãcõrẽ Jaureɗeba beɗeasiɗaa”a (2 Pedro 1:21). Ãcõrẽ jaureɗeba ãdjirãba ɓʉsiɗaa Ãcõrẽba quĩcha ɓʉra (2 Timoteo 3:16).

2. ¿Caibʉrʉ eroɓeaɗida Bibliara?

“Jũma naʉ̃ ẽjũãnebemarãa, druazabemarãa, beɗeazabemarãa, puruzabemarãa biɗa” beɗea bia Ãcõrẽnebemada poya eroɓeaɗida (Leadua Apocalipsi 14:6). Ãcõrẽba ɓʉbisia idji beɗeara quĩrãtanoa beɗeaɗe. Bibliara ɓʉda zocãrã beɗeaɗe ɓʉsiɗada dewara carta cãyãbara. Jũmarãba poya cawaɗida Bibliaba jara ɓʉra beɗeaẽ́da idji ɓʉmae idjaɓa beɗeaẽ́da cãrẽ beɗea beɗeabari.

3. ¿Jeowaba sãwã wagasida Bibliara?

Bibliara ɓʉsiɗada quĩrãtanoa dãrã droacaɗe, carta ɓʉsiɗada animarã eɗe idjaɓa ɓʉsiɗada papiro bacuru eɗe. Umaquĩrãrãba zocãrã Bibliara ɓʉsiɗada bio quĩrĩã panana bẽrã, bio quĩrãcuita ɓʉsiɗada jʉwaba cartara. Ʉ̃cʉrʉ bororãba jõbiɗa quĩrĩã panasiɗada Bibliara. Baribʉrʉ ʉ̃cʉrʉba jõbiɗama panasiɗada maʉ̃ bʉrʉ quĩrãcuita eropanasiɗada beaɗa quĩrĩãbadjiɗamĩna. Jeowaba iduaribica ɓasida ni aɓaʉ ẽberã, ni maãrĩ biɗa ũrĩbica ɓasida dadjirãme. Bibliaba jara ɓʉda: “Dadji Ãcõrẽ beɗea aɓeɗa dãrã ɓabadjida” (Isaías 40:8).

BIO CAWAƊIDA NAɄ̃ BEƊEAƊE

4. Ãcõrẽ Beɗeaba jara ɓʉda caiba ɓʉbisi

Acʉɗadua dji VIDEODA. Mãwãnacare leaɗapeɗa 2 Timoteo 3:16, beɗeaɗadua:

VIDEO: ¿Caiba ɓʉbisi Bibliara? (djubibi ɓʉ) (2:48)

• Umaquĩrãrãba ɓʉɗara Bibliara, ¿Cãrẽ cãrẽã jarabadada Bibliara Ãcõrẽ beɗeada?

• ¿Wãrã arada Ãcõrẽba beɗeasida umaquĩrãrãme ɓʉɗi carea idji beɗeara?

5. Poya jõbiɗaẽ́ basida Bibliara

VIDEO: Bio quĩrãcuita wagabadjiɗaa Bibliara: (djubibi ɓʉ, William Tyndale) (6:17)

• Jãʉ̃gʉ Biblia cawaɗa bẽrã, ¿bʉa mãsa lea quĩrĩã ɓʉda Bibliara? ¿Cãrẽã?

Leaɗapeɗa Salmo 119:97, beɗeaɗadua:

• ¿Cãrẽ cãrẽã ẽberãrãba ne zocãrã osiɗada ɓʉɗi carea idjaɓa jeɗecaɗi carea Bibliara ẽberãrãba beaɗa quĩrĩã panabadjiɗamĩna?

6. Cartara jũmarã carea

Bibliara ɓʉda zocãrã beɗeaɗe dewara carta cãyãbara idjaɓa jeɗecaɗi carea. Leaɗapeɗa Hecho 10:34, 35, beɗeaɗadua:

• ¿Cãrẽã Ãcõrẽba quĩrĩã ɓʉda Bibliara beɗea zocãrãne ɓʉ́ ɓʉda idjaɓa jeɗecaɗi carea?

• ¿Cãrẽda quĩrĩã ɓʉda Bibliaɗebema?

JŨMA BEƊEAƊA

Bibliara Ãcõrẽ Beɗeada. Idjia bio cawa ɓʉda jũmarã ẽberãrãba eropananida Bibliara.

Cawaɗara

• ¿Cãrẽda jara quĩrĩã ɓʉda Ãcõrẽba ɓʉbisia idji beɗeara umaquĩrãrãa?

• ¿Bʉa cãrẽda bio quĩrĩãsia cawaɗara Bibliaɗebema? Idjaɓa ¿cãrẽda quĩrĩã ɓʉ ɓʉɗapeɗa jeɗecai carea Bibliaɗebema?

• ¿Bʉra sãwã senti ɓʉ jãʉ̃ cawaɗa bẽrã Ãcõrẽba oɗaɗeba bʉa ũrĩmãrẽã?

CAWADUA MÃSA

Cawadua nẽbʉrʉɗa Bibliaɗebema, cartara drõãenabema eɗaʉba jʉwaba ɓʉda aɓa naʉ̃ ewariɗe.

“Sãmaʉba zebʉrʉda Bibliara” (¡Despertad!, 2007, noviembre)

Leadua dji quĩrũrã ũbea panʉba jõbiɗaẽ́ panʉda Bibliara.

“Bibliara: Dãrãbʉrʉɗe eɗabemada ɓʉda” (Cartaba Jara ɓʉda, 2016, núm. 4)

Acʉdua ẽberãrãba mãwãnara bio wagaɗa bẽrã Bibliara.

Bio quĩrãcuita wagabadjiɗaa Bibliara (14:26)

Biblia aɓa ɓʉɗebemada zocãrã ɓʉɗa bẽrã. ¿Bʉa sãwã cawa ɓʉa Ãcõrẽ Beɗea awara ɓʉẽ́da?

“¿Bibliara awara ɓʉda?” (Acʉdua internene)