BEƊEA 09
Ʉ̃taa dji idi ɓʉɗe Ãcõrẽme caita ɓʉa
Bʉmaarã, ¿aɓaʉba carebaibara bʉra bia wãmãrẽã? ¿Bʉa idiɗara waɗi panuẽ́da? ¿Bʉa necesita ɓʉda sobiabi ɓaida idjaɓa ibiya beɗeaida? ¿Ãcõrẽme ara caita ɓa quĩrĩã ɓʉda? Ʉ̃taa dji idi ɓʉba poya carebaida. Baribʉrʉ, ¿sãwãbʉrʉ ʉ̃taa dji idiɗida? ¿Ãcõrẽba ũrĩbarida jũmarãba ʉ̃taa dji idi panʉne? ¿Bʉa cãrẽda poya oida Ãcõrẽba ũrĩbarida bʉa ʉ̃taa dji idi ɓʉɗe? Acʉɗadua.
1. ¿Caiabʉrʉ ʉ̃taa dji idiɗida idjaɓa cãrẽneba beɗeaɗida ʉ̃taa dji idi panʉne?
Jesuba jaradiasida Ãcõrẽabʉrʉ ʉ̃taa dji idida panʉa. Idjia aɓarida osida ʉ̃taa dji idisiɗe Jeowaa. Idjia jarasia: “Maʉ̃ carea Ãcõrẽa nãwã iwiɗiɗadua: Dairã Zeza bajãne ɓʉ...” (Mateo 6:9). Ʉ̃taa dji idi panʉne Jeowara dji biarã pananida idjime.
Ʉ̃taa dji idi panʉne pananida mãsa dji biada. Baribʉrʉ Ãcõrẽba panumãrẽã dadjirãba ʉ̃taa dji idi panʉne, ʉ̃taa dji idida panʉa idjia quĩrĩã ɓʉ quĩrãca. Ãcõrẽ beɗeaba jara ɓʉda “Ãcõrẽba quĩrĩã ɓʉ quĩrãca dadjirãba iwiɗiɗibʉrʉ, cawa panʉa idjia bia ũrĩbarida” (1 Juaʉ̃ 5:14). Jesuba jarasida cãrẽne poya ʉ̃taa dji idiɗida (Leadua Mateo 6:9-13). Dadjirãba ʉ̃taa poya dji idiɗida dadjirã carea, bia ɓʉaɗa aɗi carea idjaɓa dewarara carea.
2. ¿Sãwãbʉrʉ ʉ̃taa dji idiɗida?
Ãcõrẽ Beɗeaba jara ɓʉda “dadji soɗeba ʉ̃taa dji idida Ãcõrẽa” (Salmo 62:8). Maʉ̃ bʉrʉ dadjirãba ʉ̃taa dji idi panʉne Ãcõrẽa ne jũma poya jaraɗida dadji soɗeba, bʉa jĩgua beɗea ɓʉmĩna wa bʉ quĩchaɗeba ʉ̃taa poya dji idida Ãcõrẽa. Idjaɓa bʉa ʉ̃taa poya dji idida Ãcõrẽa baridua ɓʉba, baridua ewariɗe idjaɓa bariduamae ɓʉba.
3. ¿Ãcõrẽba sãwã panu ɓʉda dadjía ʉ̃taa dji idi panʉne?
Ne bariduaɗeba o ɓʉda. Ãcõrẽ Beɗeaɗeba dadji idiɗara poya panu ɓʉda. Ẽberãba leaibʉrʉ Ãcõrẽ Beɗea, “ẽberã quĩcha neẽ́ ɓʉ cawabi ɓʉda quĩcha cawai carea” (Salmo 19:7; Leadua Santiago 1:5). Dadjirãba beɗea dromara eropanʉne Jeowaba poya necaibi ɓʉda idjaɓa idjia poya carebaida dadjirãra dadji djabarãneba.
BIO CAWAƊIDA NAɄ̃ BEƊEAƊE
Acʉdua sãwãbʉrʉ poya dji idiɗida Ãcõrẽa idjia bia ũrĩ carea, idjaɓa dji idi panʉba sãwã poya careba ɓʉda.
4. ¿Cãrẽda oida ɓʉ ʉ̃taa dji idi carea?
¿Ẽberãrãba ʉ̃taa dji idi panʉne Ãcõrẽba caiɗedrʉ ũrĩda? Acʉɗadua dji VIDEODA.
Jeowaba quĩrĩã ɓʉda idjiabʉrʉ ʉ̃taa dji idida. Leaɗapeɗa Salmo 65:2, beɗeaɗadua:
Bʉmaarã, ¿bʉa ʉ̃taa dji idi ɓʉɗe Ãcõrẽba “ũrĩbarida”? ¿Bʉa cãrẽã jãwã quĩcha ɓʉda?
Quĩrĩã panʉbʉrʉ Ãcõrẽba ũrĩbarida dadji beɗeara ĩjãnida panʉa idjia jara ɓʉra. Leaɗapeɗa Miqueas 3:4; 1 Pedro 3:12, beɗeaɗadua:
¿Cãrẽda poya oɗida Ãcõrẽba ũrĩmãrẽã dadjirãba ʉ̃taa dji idi panʉne?
Ejercitora umé ʉ̃taa dji idi panʉmĩna Ãcõrẽa carebai carea dji quĩrũrã beaɗamãrẽã. Jãʉ̃ idi ɓʉra ¿wãrãda Ãcõrẽba ũrĩbarida?
5. Ʉ̃taa dji idi panʉne dadjirãba beɗeaɗida dadji soɗeba
Ʉ̃cʉrʉba ʉ̃taa dji idi panʉne aɓa ɓʉ beɗeada ara ʉ̃rʉ̃ jarabadada. Baribʉrʉ, ¿jãʉ̃ra Ãcõrẽba quĩrĩã ɓʉda? Leaɗapeɗa Mateo 6:7, beɗeaɗadua:
¿Cãrẽda poya oɗida aɓarida ɓarima zocãrã jaraɗaẽ́ carea ʉ̃taa dji idi panʉne?
Ewariza poya quĩchaɗida ne bia eropanʉ bẽrã maʉ̃ bʉrʉ poya dji idiɗida Ãcõrẽa bia ɓʉaɗa aɗida. Bʉa ewariza jãʉ̃ra oibʉrʉ awara awara beɗea ɓʉda ʉ̃taa dji idi ɓʉɗe.
Dji zeze bia quĩrĩã ɓʉda dji warra beɗeaida idjime idji soɗeba. Ara maʉ̃ quĩrãca Jeowaba quĩrĩã ɓʉda dadjirãba beɗeaɗira dadji soɗeba.
6. Dji idida ne bari biada Ãcõrẽnebemada
Beɗea droma eropanʉne, ¿sãwã poya carebaɗida ʉ̃taa dji idiɗida? Acʉɗadua dji VIDEODA.
Ãcõrẽ Beɗeaba jara ɓʉda ʉ̃taa dji idi panʉbʉrʉ necai pananida. Leaɗapeɗa Pilipo 4:6, 7, beɗeaɗadua:
Ʉ̃taa dji idi panʉmĩna beɗea dromara jũma jõẽ́da, baribʉrʉ ¿sãwã poya carebaida?
¿Cãrẽneba ʉ̃taa dji idi quĩrĩãmʉda?
¿Cawa ɓasida?
Dji beɗea “amen” jara ɓʉda “mãwã” idjaɓa “wãrã arada”. Dãrãbʉrʉɗe eɗa ʉ̃taa dji idi panu jõnacarea jarabada “amen” (1 Cronica 16:36).
7. Ʉ̃nãũida eroɓaida ʉ̃taa dji idi carea
Eɗauɗe ne zocãrã obada bẽrã ʉ̃taa dji idiɗaẽ́da. ¿Ʉ̃taa dji idisida biara ɓasida Jesu carea? Leaɗapeɗa Mateo 14:23 idjaɓa Marco 1:35, beɗeaɗadua:
¿Jesuba cãrẽda obadjida ʉ̃taa dji idi carea?
¿Bʉa cãrẽda poya oida ʉ̃taa dji idi carea?
ẼBERÃRÃBA JARA PANɄRA: “Biara ɓʉẽ́da ʉ̃taa dji idiɗida. Ãcõrẽba ũrĩcada dadji beɗea”.
¿Bʉa cãrẽda jaraida?
JŨMA BEƊEAƊA
Dadji soɗeba ʉ̃taa dji idi panʉbʉrʉ poya ara caita pananida Ãcõrẽme, necaibi panʉda idjaɓa carebaida bia ĩjãni carea Jeowaba jara ɓʉra.
Cawaɗara
¿Caiabʉrʉ ʉ̃taa dji idiɗida?
¿Sãwãbʉrʉ ʉ̃taa dji idiɗida?
¿Sãwã carebaida ʉ̃taa dji idiɗi panʉne?
CAWADUA MÃSA
Unudua dji panunara zocãrã ẽberãrãba dji idibadada ʉ̃taa dji idi panʉneba.
“Siete ɓʉda idi ɓʉra poya panui carea ʉ̃taa dji idi panʉneba” (Cartaba Jara ɓʉda, 2010, octubre 1)
Leadua cãrẽã bio biara ɓʉda bʉa ʉ̃taa dji idida idjaɓa sãwã biara ɓaida ʉ̃taa dji idi ɓʉɗe.
“¿Cãrẽã biara ɓʉda ʉ̃taa dji idi panʉne?” (Acʉdua internene)
Acʉdua Bibliaba jara ɓʉra caiabʉrʉ ʉ̃taa dji idiɗida panʉa.
“¿Biara ɓʉda jãʉ̃gʉa dji idiɗida bacuru ãcõrẽ quĩrãca oɗa?” (Acʉdua internene)
Acʉdua dji video chiruɗebema jaradia ɓʉda sãʉ̃be idjaɓa sãma poya ʉ̃taa dji idida.