BEƊEA 19
¿Beɗea ɓeara Jeowaɗebemara critianorã wãrãda?
Beɗea ɓeara Jeowaɗebemarãba ĩjã panʉda dadjirãra critianorã wãrã arada. ¿Cãrẽã? Cawaɗida cãrẽda ĩjã panʉa, dadjirã casa trʉ̃ jarabada, idjaɓa sãwã acʉbiɗida quĩrĩãra.
1. ¿Cãrẽda ĩjãbada Beɗea ɓeara Jeowaɗebemara?
Jesuba Ãcõrẽa jarasia: “Bʉ beɗeaba bʉra wãrãda cawabi ɓʉa” (Juaʉ̃ 17:17). Beɗea ɓeara Jeowaɗebemarãba Jesu quĩrãca oɗida; ewariza Ãcõrẽ Beɗeaba jara ɓʉra ĩjã panʉda. Acʉdua Beɗea ɓeara Jeowaɗebemarãba iɗi ewariɗera cãrẽda o panʉda. Poaga 1870ɗe ʉ̃cʉrʉ cawabadarãba Bibliaɗebema quĩrãcuita cawasiɗaa Ãcõrẽ Beɗeada. Ãdjirã ĩjãnara Bibliaɗebema ɓasida, jãʉ̃ cawa pananara awara ɓasimĩna dewara religioʉ̃ba jaradiaɗa quĩrãca. Mãwãnacarea ãdjirã nẽbʉrʉsiɗaa dewarara wãrã arada ununada.a
2. ¿Cãrẽ cãrẽã dadjirã trʉ̃ jarabada Beɗea ɓeara Jeowaɗebemara?
Jeowaba jara ɓʉda ẽberãrãba idjía ĩjã panʉda idji beɗea ɓearãda wãrãda jaraɗa bẽrã idjiɗebemada (Hebreo 11:4–12:1). Ne jara ɓʉ quĩrãca, drõãena ewariɗera Jeowaba idji purua jarasia: “Bãrãra mʉ̃reɗebemada beɗeabada” (Leadua Isaías 43:10). Idjaɓa Jesua trʉ̃ jarabada “Ãcõrẽnebemada wãrãda jarabaria” (Apocalipsi 1:5). Maʉ̃ bʉrʉ, poaga 1931ɗe trʉ̃ jarasiɗaa Beɗea ɓeara Jeowaɗebemara. Ɓʉsriɗa panʉda dewaraʉba dadjirãa mãwã trʉ̃ jaraɗa bẽrã.
3. ¿Sãwã unubi panʉda quĩrĩã Jesuɗera Beɗea ɓeara Jeowaɗebemarãba?
Jesuba bio quĩrĩã ɓasida dji ẽpẽbadarãra, idjimaarã wãrã arada dji cuariara quĩrãca ɓasida (Leadua Marco 3:35). Ara maʉ̃ quĩrãca, Beɗea ɓeara Jeowaɗebemara ãbaa panʉda. Maʉ̃ bẽrã, jũma ẽjũãne cuariara quĩrãca panʉda idjaɓa trʉ̃ jarabadada “djabarã” idjaɓa “djabawẽrãrã” (Pilemoʉ̃ 1, 2). Naʉ̃gʉ obi ɓʉra ĩjã panʉa: “Djabarãra bio quĩrĩãnadua” (1 Pedro 2:17). Beɗea ɓeara Jeowaɗebemarãba naʉ̃gʉ quĩrĩãra ne zocãrãneba unubi panʉa dadji djabarãba ne cadjirua mãwã panʉne.
BIO CAWAƊIDA NAɄ̃ BEƊEAƊE
Cawaɗida naẽna mãwãnara Beɗea ɓeara Jeowaɗebemarame idjaɓa mĩga acʉɗida cãrẽ cãrẽã dadjirãra dji critianorã wãrã arada.
Critiano wãrã araba ĩjã panʉda Ãcõrẽ Beɗeaɗebemada idjaɓa jaradia panʉda ãdjia cawaɗara Bibliaɗebema
4. Dadjirãba jaradia panʉra Ãcõrẽ Beɗeaɗebema
Jeowaba jarabisia wãrãda Bibliaɗebema bio cawaɗamãrẽã. Leaɗapeɗa Daniel 12:4, beɗeaɗadua:
Ẽberãrã ĩjã ɓeara Bibliara cawaɗapeɗa, ¿cãrẽda “aɗuba eroɓeaɗida”?
Acʉdua sãwã ʉ̃cʉrʉ ẽberãrã Biblia cawa ɓeaba quĩrãcuita cawabadjiɗaa Ãcõrẽ Beɗeaɗe, ãdjirãya Charles Russell ɓasida. Acʉɗapeɗa dji VIDEODA, beɗeaɗadua.
Video acʉbi ɓʉ quĩrãca Charles Russell idjaɓa ẽberã Biblia cawa ɓearame, ¿sãwã quĩrãcuita cawabadjiɗa Ãcõrẽ Beɗeada?
¿Cawa ɓasida?
Eɗauɗe ne aɓa ĩjãbadjiɗamĩna, mãwãnacare awara ĩjãsiɗaa. ¿Cãrẽã? Ʉ̃nadrʉbʉrʉɗe dji besea ʉ̃mãdauɗebemaba idu acʉbi ɓʉda pĩãca pĩãca eyara, ara jãʉ̃gʉ quĩrãca Jeowaba idu cawabi ɓʉda pĩãca pĩãca idji beɗeara (Leadua Proverbios 4:18). Maʉ̃ bʉrʉ Bibliaba awara jaradiaẽ́ ɓʉmĩna, mĩga cawa panʉbʉrʉ Ãcõrẽ Beɗeara biara cawaɗida idjia jaradia ɓʉra.
5. Ne bia oɗida dadji trʉ̃ Beɗea ɓeara Jeowaɗebemara jara panʉ carea
¿Cãrẽ cãrẽã dadjirã trʉ̃ jarabada Beɗea ɓeara Jeowaɗebemara? Acʉɗapeɗa dji VIDEODA, beɗeaɗadua.
¿Cãrẽ cãrẽã biara ɓʉda dadji trʉ̃ jarabada Beɗea ɓeara Jeowaɗebemara?
¿Cãrẽ cãrẽã Jeowaba eda jʉrʉsida ẽberãrã beɗeaɗamãrẽã beɗea ɓea Jeowaɗebemarãda? Zocãrã sewa jaraɗa bẽrã idjiɗebema. Maʉ̃ bẽrã wãrãda jaradiaɗida panʉa Jeowaɗebema, jũmarãra cawaɗamãrẽã idjira Ãcõrẽ wãrã arada. Sewa umé acʉɗida.
Ʉ̃cʉrʉ religioʉ̃ra jaradiabada Ãcõrẽba quĩrĩã ɓʉda dji idida idjaɓa bia beɗeaɗida bacuru Ãcõrẽ quĩrãca oɗaɗeba. Leaɗapeɗa Levitico 26:1, beɗeaɗadua:
Naʉ̃gʉ textoba jaraɗa quĩrãca, ¿cãrẽda wãrãda? ¿Ãcõrẽba cãrẽda quĩcha ɓʉ jãʉ̃ bacuru Ãcõrẽ quĩrãca oɗaɗebema?
Ʉ̃cʉrʉ sacerdote bororãba jaradiabada Jesura Ãcõrẽda. Leaɗapeɗa Juaʉ̃ 20:17, beɗeaɗadua:
Naʉ̃gʉ textoba jaraɗa quĩrãca, ¿cãrẽda wãrãda? ¿Ãcõrẽda Jesuda aɓa ɓʉda?
Jeowaba mandabuesida dji beɗea ɓeara jaradiaɗi carea wãrãda idjiɗebema idjaɓa idji warraɗebema, ¿bʉa cãrẽda quĩcha ɓʉ?
6. Dadjirãya bio quĩrĩãnida panʉa
Ãcõrẽ Beɗeaba jaradia ɓʉda critianorãda aɓa cacua quĩrãca ɓʉa. Leaɗapeɗa 1 Corinto 12:25, 26, beɗeaɗadua:
Critiano wãrãda ne cadjirua mãwã panʉne, ¿cãrẽda oɗida panʉ dewara critianorãba?
¿Bʉa sãwã unu ɓʉda Beɗea ɓeara Jeowaɗebemarãba quĩrĩãra acʉbi panʉda?
Beɗea ɓeara Jeowaɗebemarãba djuburia panʉne, dji djabarãra jũma ẽjũãnebema ara naʉ̃da carebaɗida. Jãʉ̃gʉ cawai carea, Acʉɗadua dji VIDEODA. Mãwãnacare beɗeaɗadua.
Bʉmaarã Beɗea ɓeara Jeowaɗebemarãba careba panasiɗaɗe, ¿jãʉ̃gʉba acʉbi ɓʉda quĩrĩãra? ¿Cãrẽã?
Dji critianorã wãrã araba quĩrĩã acʉbi panʉda necesita queɗea
ẼBERÃRÃBA JARA PANɄRA: “Beɗea ɓeara Jeowaɗebemara religioʉ̃ra djiwiɗi”.
¿Sãʉ̃be eɗabema Jeowaba trʉ̃ jarasida dji beɗea ɓeara dji ĩjã ɓearãda?
JŨMA BEƊEAƊA
Beɗea ɓeara Jeowaɗebemara critiano wãrã arada. Jũma ẽjũãne bia beɗeaɗida panʉ Jeowaa cuariara quĩrãca. Bibliaba jaradia ɓʉra jaradiabada idjaɓa wãrãda Jeowaɗebemada jaradia panʉda.
Cawaɗara
¿Cãrẽ cãrẽã trʉ̃ jarabada dadjirãa Beɗea ɓeara Jeowaɗebemara?
¿Sãwã acʉbi panʉ quĩrĩãra?
Bʉmaarã, ¿Beɗea ɓeara Jeowaɗebemara critiano wãrã arada?
CAWADUA MÃSA
Mĩga cawaida naẽnabema dadjirãnebema.
Beɗea ɓeara Jeowaɗebemara: Dji nẽbʉrʉɗa wãrãda ĩjãbadara. Dji 1: Pãĩmanebemada ẽdrʉsiɗaa (1:00:53)
Acʉdua Beɗea ɓeara Jeowaɗebemarãba cãrẽda o ɓaɗa dji wãrãda Ãcõrẽnebemada jaradiaɗi carea.
Unudua bʉa idi ɓʉra Beɗea ɓeara Jeowaɗebemara.
“Cãrẽda idibada Beɗea ɓeara Jeowaɗebemada” (Acʉdua internene)
Bio unu amasida Stephenba ne cadjirua osida. Acʉdua cãrẽã cawapeɗa Beɗea ɓeara Jeowaɗebemara awara osia.
a Dji Cartaba Jara ɓʉda, poaga 1879 eɗa dadjirãba ɓʉbadaa jaradiaɗi carea Ãcõrẽ Beɗea.