BEƊEA 38
Dadjirãba jaraɗida Ãcõrẽa bia ɓʉaɗa zocai panani diaɗa bẽrã
Zocai panʉne dadjia o panʉda ne biada. Beɗea droma eropanʉmĩna dadjirãba poya ne biada o panʉda. ¿Cãrẽ cãrẽã dadjirãba jaraɗida bia ɓʉaɗa idjia oɗa carea? Idjaɓa ¿cãrẽ cãrẽã bia ɓʉaɗa jaraɗida panʉ?
1. ¿Cãrẽ cãrẽã bia ɓʉa dadji cacua zocai ɓʉɗebemada acʉida?
Dadjirãba bio acʉɗida panʉa dadji cacua Jeowaba diaɗa bẽrã. “Jũmarãda zocai panʉda” idji carea (Salmo 36:9). “Idjiabʉrʉ jũma dadjirãa dia ɓʉa zocai ɓeaɗamãrẽã, ʉ̃yãbaɗamãrẽã, idjaɓa ne jũma dadjia eroɓaida ɓʉra eroɓeaɗamãrẽã” (Hecho 17:25, 28). Maʉ̃ bẽrã Jeowaba dia ɓʉda dadjirãra jũmada zocai panani carea. Idjaɓa idji carea dadjirãra poya capipia pananida (Leadua Hecho 14:17).
2. ¿Cãrẽ cãrẽã bia ɓʉaɗa aɗida panʉda dji zocai panʉ carea?
Bʉ nanaba bʉ biogoa ɓesiɗe Jeowaba unusida. Ãcõrẽba ɓʉbisida Daviɗeda: “Bʉ dauba unusida mʉ̃ nana mʉ̃ ɓiteɗa ɓʉɗe eɗa” (Salmo 139:16). Bʉ zocai ɓʉɗebemada Jeowaba bia unusida (Leadua Mateo 10:29-31). Jeowara sopuabarida ẽberãba djãrã bea ɓʉɗe idjaɓa aɓaʉba idjiduɓa bea quĩrĩã ɓʉbʉrʉa (Exodo 20:13). Dadjirã minijĩchiaɗe panʉbʉdaɗe dadjiduɓa beai carea idjaɓa dadjirãba wagaɗaẽ́bʉrʉ dewara ẽberãrã Ãcõrẽra bio sopuabarida. Baribʉrʉ dadjirãba waga panʉbʉrʉ dewarara idjaɓa dadjirã siɗa, mãwãra acʉbi panʉda dadjirãba bia ɓʉaɗa aɗida Ãcõrẽa Jeowa idjia oɗa carea.
BIO CAWAƊIDA NAɄ̃ BEƊEAƊE
Acʉɗida dadjia cãrẽda poya oɗida bia ɓʉaɗa aɗi carea dadji Ãcõrẽa, idjia dadjirã oɗa carea.
3. Wagadua bʉ cacua
Critianorãba jarabadada ĩjãnida Jeowaɗera idjaɓa jũma oɗida idjia jarabʉrʉra. Bio biara ɓʉda dadji cacua diaɗida Ãcõrẽa. Maʉ̃ bẽrã dadjirãba wagaɗida dadji cacuara. Leaɗapeɗa Romano 12:1, 2, beɗeaɗadua:
¿Cãrẽ cãrẽã bia ɓʉda bʉ cacua quĩrãcuita ɓai carea?
¿Cãrẽda poya oida wagai carea bʉ cacua?
4. Bio wagaida bʉra idjaɓa dewara siɗa
Ãcõrẽ Beɗeaba jara ɓʉda baridua minijĩchia ɓʉra oɗaẽ́da. Acʉɗadua dji VIDEODA, cawaɗi carea cãrẽda poya oɗida bio wagaɗi carea dadjirã idjaɓa dewara siɗa.
Leaɗapeɗa Proverbios 22:3, beɗeaɗadua aɓaʉba cãrẽda poya oida ẽberãrã wagai carea idji cacua...
... idji deɗe.
... idji traja ɓʉmae.
... jemene panʉne.
... maneja ɓʉɗe wa ẽberã edebʉrʉɗe.
5. Wayadua warrara waɗi toẽ́ ɓʉda
Daviba jarasida warrara toẽ́ ɓʉɗe Jeowaba quĩcha ɓʉda idjaɓa bia unusida idji warra waribʉrʉ nana ɓiteɗa ɓʉɗe. Leaɗapeɗa Salmo 139:13-17, beɗeaɗadua:
Jeowaba sãmaʉba unu ɓʉda warrara, ¿dji warra tobʉrʉɗe wa dji nana ɓiteɗa ɓʉɗe?
Jeowaba diasida Israel puruɗe ne oɗamãrẽã wẽrã biogoa ɓeara wagaɗamãrẽã idjaɓa dji warrarã siɗa. Leaɗapeɗa Exodo 21:22, 23, beɗeaɗadua:
¿Jeowaba cãrẽda quĩchabadjida wẽrã biogoa ɓʉda ẽberã aɓaʉda dji warrada pua opeɗa ʉradʉgaibʉrʉ ãdjirãba bea quĩrĩẽ́ panasiɗamĩna?
Maʉ̃be, ¿Ãcõrẽba sãwã quĩcha ɓʉda wẽrã biogoa ɓʉba ara idjia beaibʉrʉ jãʉ̃ warrada?b
Bʉmaarã, ¿bia ɓʉda Ãcõrẽba quĩcha ɓʉda oida?
Naãrãeɗa wẽrãba quĩcha ɓaɗamĩna warra ʉradʉgaira biẽ́ ɓʉda, mãwãnacarea idjia ewari aɓaʉɗe poya quĩchaida idjia poya jãʉ̃ warrara beaida. Leaɗapeɗa Isaías 41:10, beɗeaɗadua:
Ʉ̃cʉrʉba jara ɓaibʉrʉ wẽrãa ara ʉ̃rʉ̃ jãʉ̃ warrara ʉradʉgaida biara ɓʉda, ¿caiba idjira carebaida? ¿Cãrẽã?
ẼBERÃRÃBA JARA PANɄRA: “Wẽrã aɓaʉba jaraida ɓʉa cãrẽda o quĩrĩã ɓʉda, warra ʉradʉaida wa warra toida. Aɓaʉba jaraiẽ́ ɓʉa mʉ̃a o quĩrĩã ɓʉra; mʉ̃abʉrʉ cawa ɓʉa cãrẽda o quĩrĩã ɓʉda”.
Bʉmaarã, ¿cãrẽã poya quĩchaɗida Jeowaba bia unu ɓʉda wẽrã cacua idjaɓa warra cacua toẽ́ ɓʉmĩna?
JŨMA BEƊEAƊA
Dadjirãra zocai panʉda Jeowaba oɗa bẽrã. Ãcõrẽ Beɗeaba jaradia ɓʉda wayaɗi carea, wagaɗi carea idjaɓa bio quĩrĩãni carea djãrãra dadjirã siɗa.
Cawaɗara
¿Cãrẽ cãrẽã cawa panʉda Jeowaba bia unu ɓʉda dadji cacua?
¿Jeowaba cãrẽda quĩcha ɓʉda aɓaʉba djãrã beaibʉrʉ wa idjiduɓa beaibʉrʉ?
¿Cãrẽda quĩrĩã ɓʉda bʉra zocai ɓaera?
CAWADUA MÃSA
¿Cãrẽda poya oɗida bia ɓʉaɗa aɗi carea Jeowaa dadjirã oɗa bẽrã?
¿Jeowaba poya quĩrãdoaida wẽrãba idji warra naẽna ʉradʉaɗara bẽrã?
“¿Ãcõrẽ Beɗeaba cãrẽda jara ɓʉda warra ʉradʉaiɗebemada?” (Acʉdua internene)
Acʉdua Jeowaba sãwã quĩcha ɓʉda jemeneni minijĩchia ɓʉda jãʉ̃ba poya beabi ɓʉda dadjiduɓa.
“¿Jemeneira minijĩchia ɓʉda poya oɗida?” (¡Despertad!, 2000, Octubre 8)
Aɓaʉba quĩcha ɓʉbʉrʉ idjiduɓa beai carea, acʉdua Ãcõrẽ Beɗeaba jara ɓʉra carebamãrẽã.
“¿Ãcõrẽ Beɗeaba poya carebaida bʉra bʉdjiduɓa bea quĩrĩã ɓʉɗe?” (Acʉdua internene)
a Jeowaba bio sopuabarida ẽberã bio sopua ɓʉɗe (Salmo 34:18). Ãcõrẽba bio cawa ɓʉda dadji quĩchara idjaɓa dadjirãba biaẽ́ quĩcha panʉne dadjiduɓa beai carea. Acʉida ʉ̃rãga bia naʉ̃ cartaba jaradia ɓʉra “¿Ãcõrẽ Beɗeaba poya carebaida bʉra bʉdjiduɓa bea quĩrĩã ɓʉɗe?”, jãʉ̃ra nama acʉida jãma ecari jara ɓʉmae “Cawadua mãsa”.
b Naãrãeɗa wẽrãba Ãcõrẽ Beɗea cawai naẽna warrada ʉradʉga ɓasibʉrʉ, cãrẽã poya biẽ́ quĩchaẽ́da. Poya waiɓʉa cawaɗida naʉ̃ cartaba jaradia ɓʉra “¿Ãcõrẽ Beɗeaba cãrẽda jara ɓʉda warra ʉradʉaiɗebemada?”, jãʉ̃ra nama acʉida jãma ecari jara ɓʉmae “Cawadua mãsa”.