Bio jʉrʉ edaida dji biarãra

Dadji dji biarãra biara ɓʉda capipia panani carea. Ãdjia carebaɗibʉrʉ dadjirã beɗea droma eropanʉne mãwãra biara pananida. Baribʉrʉ Ãcõrẽ Beɗeaba jara ɓʉda jũmarãda dadji dji biarãẽ́da. Maʉ̃ careara quĩrãcuitaɗida. Maʉ̃ bʉrʉ, ¿bʉa sãwã jʉrʉ edaida bʉ dji biarãra? Quĩrãcuita acʉdua araarebema beɗeaɗe.

1. ¿Bʉ dji biaba cãrẽda obibadada?

Dãrã pananibʉrʉ dadjirã dji biarãme, oɗida ne cadjiruada wa poya oɗida ne biada. Dadjirãba oɗida dadji dji biarãba obadaa quĩrãca, ãdjirã dji bia redes socialeɗe eropanʉmĩna internene. Maʉ̃ carea Ãcõrẽ Beɗeaba jara ɓʉ: “Ẽberã jipa ɓeame ãbaa ɓʉra oida ne biada, baribʉrʉ ẽberã Ãcõrẽ quĩrĩãnacara ãbaa ɓʉra jãʉ̃ra biẽ́ wãida” (Proverbios 13:20). Dji biarã Ãcõrẽ Beɗea bio ĩjã ɓeara poya carebaɗida caita panani carea Jeowame quĩcha bia jʉrʉɗi carea. Baribʉrʉ, ɓʉda bio dji bia ɓaibʉrʉ congregacioʉ̃nebemaẽ́me jãʉ̃gʉba bʉ́a idu ɓʉida Jeowara. Maʉ̃ bʉrʉ Ãcõrẽ Beɗeaba jara ɓʉda quĩrãcuita pananida jʉrʉ edaɗida dji biarãa. Dadjirã dji biarãba bio quĩrĩã pananibʉrʉ Ãcõrẽda mãwãra bia wãnida. Jãʉ̃da jãwã oɗibʉrʉ naʉ̃ ʉ̃rãgara “dji sobiabiɗadua. Idjaɓa dji carebaɗadua biara ĩjãni carea bãrãba o panʉ quĩrãca” (1 Tesalonica 5:11).

2. ¿Ãcõrẽmaarã biara ɓʉda cairãdrʉ dadjirã dji biarãda?

Jeowabara bio jʉrʉ edabarida dji biarãra. Jeowara “jipa ɓearame dji biarã ɓaida” (Proverbios 3:32). ¿Sãwã quĩchaida Jeowaba dadjirã dji biarãba quĩrĩãnacada idjira? ¡Biẽ́ quĩchabarida! (Leadua Santiago 4:4). Baribʉrʉ idu ɓʉɗibʉrʉ idji quĩrĩãnacada idjira mãwãra capipia quĩchaida idjaɓa dadji dji biada ɓaida (Salmo 15:1-4).

BIO CAWAƊIDA NAɄ̃ BEƊEAƊE

3. Quĩrãcuita ɓaida dji cadjiruarãme

Dji bia cadjirua ẽberãbara quĩrĩãnacada Ãcõrẽra idjaɓa wayaɗacada idjia jara ɓʉra. Acʉɗapeɗa dji VIDEODA, beɗeaɗadua.

VIDEO: Sãwã idu ɓʉida dji bia dji cadjiruarãra (6:17)

• ¿Sãʉ̃gʉdrʉ bʉ dji bia dji cadjiruada?

Leaɗapeɗa 1 Corinto 15:33, beɗeaɗadua:

• Bʉmaarã, ¿caidrʉ bʉ dji bia dji cadjiruada? ¿Cãrẽ cãrẽã?

Leaɗapeɗa Salmo 119:63, beɗeaɗadua:

• ¿Cãrẽda jʉrʉibaraida bʉ dji biaɗe?

4. Bio dji bia eropananida awara ɓeamĩna

Ãcõrẽ Beɗeaɗe beɗea ɓʉda drõãenabema ẽberã jarabada Davi idjaɓa Jonataʉ̃ Israelɗebemada. Ãdjirã awara awara panasiɗamĩna, ãdjirã bio dji bia ɓasida, aɓaʉ drõãra ɓasimĩna idjaɓa dewara cũdra ɓasimĩna. Leaɗapeɗa 1 Samuel 18:1, beɗeaɗadua:

• ¿Cãrẽ cãrẽã dadjirã dji biarã aɓa ɓʉ quĩrãca drõã ɓeaẽ́da wa aɓa ɓʉ puruɗebemaẽ́da?

Leaɗapeɗa Romano 1:11, 12, beɗeaɗadua:

• ¿Sãwã dji biarã quĩrĩã ɓea Jeowaɗebemara poya carebaɗida ãdjirãya?

¿Cũdraba sãwã unusida dewara dji biarã maʉ̃ idjia quĩcha ɓaɗaẽ́ɗe? Acʉɗapeɗa dji VIDEODA, beɗeaɗadua.

VIDEO: Dadji djabarãneba dji biada ununida (5:06)

• ¿Zezerã cãrẽã sopua ɓasida Akilba eroɓasida dji biarã ecuelaɗe?

• ¿Cãrẽ cãrẽã Akilba bio quĩrĩãsida dji biarã?

• ¿Cãrẽda osida idjiduɓa amaaba?

5. Cãrẽda oida dji bia biara ɓʉda unui carea

VIDEO: ¿Caida dji bia wãrã arada? (4:14)

Leaɗapeɗa Proverbios 18:24 idjaɓa 27:17, beɗeaɗadua:

• ¿Sãwã poya carebaida dji biarã wãrã arara ãdjirãya?

• ¿Bʉa eroɓʉda dji bia wãrã arara? Bʉa neẽ́ ɓaibʉrʉ dji biada, ¿sãwã poya unuida dji biara?

Leaɗapeɗa Pilipo 2:4, beɗeaɗadua:

• Dji bia eroɓai careara, bʉra ɓaida bio dji biada. ¿Sãwã bʉa poya oida?

JŨMA BEƊEAƊA

Bio jʉrʉ edaɗibʉrʉ dadji dji biarãda mãwãra bia wãnida, Jeowara mãwãra capipia ɓaida.

Cawaɗara

• ¿Cãrẽ cãrẽã Jeowamaarã biara ɓʉda dadji dji biarã eroɓaira?

• ¿Sãʉ̃gʉ dji biarãdrʉ cadjiruarãda?

• ¿Sãwãbʉrʉ dji bia biada eroɓaida?

CAWADUA MÃSA

Acʉdua sãwã carebaida djabarã wãrã ara maʉ̃ ne cadjiruaɗe panʉne.

“Bio dji biarã pananida naʉ̃ ewari jõi naẽna” (Cartaba Jara ɓʉda, 2019, Noviembre)

Acʉdua cãrẽda oida unui carea dji biada.

“¿Sãwã panʉda dji biarã?” (Cũdra ɓeaba idiɗara. Panunara biara ɓʉda. Dji 1, beɗea 8)

¿Cãrẽda cawaida ɓʉ dji biarã interneneba?

Internene acʉibʉrʉ quĩrãcuita acʉida (4:12)

Acʉdua aɓa umaquĩrãba awara ɓʉsida dji biarãa, dji nẽbʉrʉɗada jarabada “Mʉ̃a zeze eroɓa quĩrĩã ɓasida”.

“Bibliara cawaɗapeɗa awara panesiɗaa” (Cartaba Jara ɓʉda, 2012, Abril 1)