Unu ɓʉ

5:1. Griego beɗeaɗe versículo 1-4 nãwã ɓʉ́ ɓʉa: “¹ Naʉ̃ ẽjũãne dadjirãra wua deɗe panabadaa. Dadjirãba cawa panʉa maʉ̃ dera ãrĩbʉrʉ, Ãcõrẽba dadjirãa bajãne deda diaya. Maʉ̃ dera ãrĩcaa. Ẽberãba oɗa deẽ́a. ² Baribʉrʉ naʉ̃ ẽjũãne panʉne dadjirãra ʉ̃yãba drasoa ʉ̃yãba panʉa, bajãnebema deda cacuaɗe jʉ̃ quĩrĩã panʉ bẽrã. ³ Maʉ̃ dera cacuaɗe jʉ̃siɗara ãcaɗaa pananaẽ́a. ⁴ Dadjirãra naʉ̃ wua deɗe panʉne bia mĩgabadaa idjaɓa mĩã sopua beɗeabadaa. Dadjirãba jʉ̃ panʉra ẽrã quĩrĩãnaẽ́a ãtebʉrʉ bajãnebema deda cacuaɗe jʉ̃ quĩrĩã panʉa. Mãwã dadji beuida ɓʉra zocai ɓaiba mĩbueya.”