Rahába mẽrãsida ẽberãda umé acʉɗe wãnara

Umé israelitarãba acʉɗe wãsiɗada Jerico purura. Jãma panesiɗada wẽrã trʉ̃ jarabada Rahá. Maʉ̃ carea dji boro, Jericoɗebemaba cawasida. Maʉ̃ bʉrʉ diabuesida sordaorãda Rahá dera acʉɗamãrẽã. Jaʉ̃ wẽrãba mẽrãsida umé ẽberãrã acʉɗe wãbadara idji de ẽcarra ʉ̃rʉ̃. Jarasida sordaorãa: “Jʉrʉɗe wãnadua dewarau ɗeɗaa”. Maʉ̃ bʉrʉ Rahába jarasida acʉɗe wãbada ẽberãrã: “Mʉ̃a carebaya bãrãra. Cawa ɓʉda Jeowaba bãrãra careba ɓʉda idjaɓa diaida jãʉ̃ ẽjũã quĩrãwãrẽãda”. Idjia ãdjia jarasida: “Mʉ̃ djuburia ẽdrʉ edaɗadua mʉ̃ cuariarãra”.

Dji acʉɗe wãbadarãba jarasiɗada Raháa: “Bʉa ɓʉida wua purruda bʉ ventanane mãwãra daiba carebaɗida bʉ cuariarãra”.

Jʉrʉɗamãrẽã jaʉ̃ puru Jericoɗebemada, ¿Rahába carebasida jaʉ̃ ẽberã acʉɗe wãbadarãra? Jãʉ̃gʉ umaquĩrãrãra mĩrũsiɗada ewari ũbea mea. Mãwãnacarea wãsiɗada Josuemaa. Tẽãbe dji israelitarãra do quĩrãrã wãsiɗada Jourdaʉ̃ doɗe panani carea, jãʉ̃ ẽjũãne Jeowaba diai basida dewaraʉ puruda. Jeowaba jarasida: “Auɗu acʉɗe wãnadua, ewariza, 6 ewariɗe. Nurẽma 7 ewariɗe acʉɗe wãnida idjaɓa 7 ewari. Mãwãnacarea sacerdoterãba zasiɗada ãdji chiruda. Maʉ̃ne dji sordaorã Israelitaɗebemarã bio jĩgua biasiɗada. Maʉ̃ne dji mõgara auɗu jũrã ɓʉra puruɗebemarã aɓeɗa cõrãcuasida. ¿Bʉa cawa ɓʉda cãrẽda mãwãsida Rahá dera? Rahá dera tegaẽ́ basida. Jeowaba wagasida dji cuariara siɗa. Mãʉ̃ bʉrʉ ẽdrʉsiɗada Jeowaɗeda ĩjãna bẽrã.