Rut Noemíme

Jãʉ̃ ewariɗera basida jarrabada Israelɗe. Maʉ̃ bʉrʉ, wẽrã aɓa Israelitaɗebemada trʉ̃ jarabada Noemí, wãsida dji quimame, dji warrarã siɗa panane wãsiɗada jãʉ̃ ẽjũã Moabmane. Mãwãnacarea Noemí quimara beusida. Dji warrarã siɗa mĩã cãĩcuasiɗada Moabɗebemarãme: Rut idjaɓa Orpa. Baribʉrʉ mĩã djuburia mãwãsiɗada. Dãrã baɗacarea jãʉ̃gʉra warrarã Noemínera beubarisiɗada.

Noemiba ũrĩsida maʉ̃ bʉrʉ Israel puruɗe jarrabara neẽ́da. Maʉ̃ bʉrʉ wãya jiruãbẽrã wãsiɗada jãma. Rut idjaɓa Orpa wãsiɗaa Noemíme, baribʉrʉ oɗe wãbʉɗaɗe Noemíba jarasida: “Mãrãra quima biada idjaɓa ãĩgu biarãda. Maʉ̃ bʉrʉ wãya jiruãbẽrã wãnida mãdji puru Moabna. Mʉ̃a quĩrĩã ɓʉda mãrãra wãyã mĩã cãĩda”. Dji wẽrãrãba panusiɗada: “Ameni quĩrĩãẽ́ panʉda, daiba bʉra bio cũãga panʉda”. Noemíba ara ʉrʉ jarabadjida: “Jiruãbẽrã mãdji ẽjũãnaa wãnida”. Maʉ̃ bʉrʉ Orpa wãsida, baribʉrʉ Rut ɓesida. Noemíba jarasida Ruta: “Orpara wãsida jiruãbẽrã idji puruda idjaɓa idji ãcõrẽrã ɓʉmaa”. Baribʉrʉ Rutba jarasida: “Ameẽ́da. Bʉ purura mʉ̃reda, bʉa ãcõrẽra mʉ̃reda”. ¿Sãwã sentisida Noemiba Rutba jãʉ̃ jarasiɗe?

Rut Noemi jũẽne wãsiɗada Israel ẽjũãne. Jãʉ̃ ẽjũãne ewa panasiɗada cebadada. Ewari aɓaʉɗe Rut wãsida jʉrʉ peɗe cebada jurruɗada ẽjũã Boaɗe. Idjira Raha warra basida. Boaba ũrĩsida Rutra Moabɗebemada. Jãʉ̃ wẽrãra bio sobiabaɗa bẽrã maʉ̃ bʉrʉ Noemíme ɓasida. Idjia jarasida dji trajabadara amenida dji cebada jurruɗada jʉrʉ peɗe wãmãrẽã Rutba.

Jãʉ̃gʉ dimisi Noemíba idisida Ruta: “¿Jãʉ̃gʉ ẽjũãne bʉra traja basida iɗi? Rutba panusia: “Ẽjũã Boaɗe”. Noemiba jarasida: “Boa dji cuariara jãʉ̃gʉra mʉ̃ quima cuariara basída. Bʉra maʉ̃ne waɗi mama traja ɓʉda jãʉ̃gʉ wẽrãrãra bio zarea trajabadada. Jãma necai ɓaida”.

Rutra mãsa trajasida jãʉ̃ ẽjũãne, Boaba cawasida bio zarea trajabarida Rutra idjaɓa wẽrã bio sobia ɓasida. Jãʉ̃gʉ ewariɗera umaquĩrãda beuibʉrʉ warra neẽ́ ɓʉda dji cuariarãra poya mĩã cãĩda jãʉ̃gʉ pẽdrame. Maʉ̃ bʉrʉ Boa mĩã cãĩsida Rutme. Eropanasiɗada warra trʉ̃ ɓʉsiɗada Obé. ¿Cai basída Obé? Jãʉ̃ra dji tata drõã Daviɗeba. Dji bia Noemínera bio ɓʉrsiɗasiɗada, jarabadjiɗada: “Naãrã diasida Jeowaba Rutda. Mãwãnacare diasida wiuzaque. Maʉ̃ bʉrʉ jaraɗida bia ɓʉaɗa Jeowaa”.