De orroɗe ɓʉ́ ɓʉ

Dãrã baɗacarea, Belsazar jũẽsida dji boroda Babilonia. Aɓaʉ dimisiɗe osida piestada, zocãrã edecasida. Dji nezocarãa jarasida: “Ãĩ edaɗida zocãrã jãʉ̃gʉ vasorã orora Naducodonosórba edesida Jeowa deɗaa”. Belsazarba idjaɓa idjime ãbaa pananara jãʉ̃gʉ vasorã edaɗapeɗa ne dosiɗada idjaɓa dji idisiɗada dewararã ãcõrẽa. Cawaɗaẽ́ne unusiɗada jʉwa umaquĩrãneda. Jãʉ̃gʉba ɓʉ́ ɓʉda beɗea cawaẽ́ ɓʉda de orroɗe ãdji panʉmae.

Belsazara bio perasida. Mãwãbʉrʉ trʉ̃sida dji daubadarara. Idjia jarasia: “Bariduaba mʉ̃́a jaraɗida cãrẽda jara quĩrĩã ɓʉda naʉ̃ beɗeara, ɓʉida ũbea umaquĩrã bio biara ɓʉda Babilonia”. Ni aɓaʉba poya jaraɗaẽ́ basida. Maʉ̃ne jũẽsida dji boro wẽrã. Jãʉ̃ba jarasida: “Umaquĩrã trʉ̃ jarabada Daniel, jãʉ̃gʉbʉrʉ poya jaraida jãʉ̃ beɗearã”.

Danielba acʉɗe wãsida dji boro. Belsazarba jarasida: “Bʉa mʉ̃a jãʉ̃da biya jaraibʉrʉ, mʉ̃a diaida za ɓʉ ochiruɗe jʉ̃bada oroda, mãwãra bʉ́a ɓeida umaquĩrã ũbeabema mãsa biara ɓʉda Babilonia”. Danielba panusida: “Mʉ̃a quĩrĩãẽ́da jãʉ̃ ne baribema, baribʉrʉ mʉ̃a jaraida cãrẽda jara quĩrĩã ɓʉra jãʉ̃ beɗeara. Nabucodonosóra bio quĩcha droma ɓasida. Mãwãbʉrʉ Jeowaba quẽãsida aɓa quĩcha droma ɓamãrẽã. Bʉa cawa basida jũma, baribʉrʉ bʉa wayaẽ́ basida Jeowaɗera. Idjaɓa edasida vasorã orora Jeowa diguiɗaa ɓʉda. Maʉ̃ne dosiɗada ne asea. Mãʉ̃ bʉrʉ Ãcõrẽba ɓʉbisida jãʉ̃ beɗearã: MENE, MENE, TEQUEL idjaɓa PARSIɄ̃. Jãʉ̃gʉ jara quĩrĩã ɓʉ Medopersia puruɗebemarãba djõnida Babiloniame mãwãra dji boro ɓaida”.

Ni aɓaʉba poyaɗiẽ́ panasiɗada Babiloniara. Jãʉ̃gʉ purura bio waga ɓaɗa bẽrã mõgaraba auɗu jũrã ɓasida idjaɓa do waiɓʉaba auɗu ũ ɓasida. Baribʉrʉ jãʉ̃gʉ dimisi, dji ẽberãrã Medoɗebema idjaɓa Persiaɗebema djõsiɗada Babilonia puruɗe. Cirora boro basida Persiaɗe. Mãwãmĩna idjia dora ãyã wãbisida jũẽne wãi carea idji ejercitorãme. Jũẽsiɗada jãʉ̃ jũãtrʉbada puruɗe. Naʉ̃gʉ jũẽsiɗaɗe jãma dji jũãtrʉbadamae, dji eɗa wãbadara ewa nũmasida. Mãwãbʉrʉ dji sordaorãra eɗa wãsiɗada djõnaiẽ́ basida. Ara maʉ̃da ãdjia poyasiɗada jãʉ̃gʉ purura idjaɓa quenasiɗada dji borora. Ara naʉ̃da Cirora ɓesida dji boro Babilonia puruɗe.

Ciroba jarasida: “Jeowaba jarasida wãya oɗida Ãcõrẽ deɗaa Jerusaleʉ̃. Dji judiorãba quĩrĩã panasiɗada carebaɗida, poya wãnida”. Mãwãbʉrʉ zocãrã jĩrũabera wãsiɗada ãdji ẽjũãne. Jĩrũabera zesiɗada ãdji ẽjũãnaa 70 poa baɗacarea Jeowaba jaraɗa quĩrãca. Mãsa Ciroba jiruãbẽrã diasida vasorã oro, parata idjaɓa dewara ne siɗa Nabucodonórba edeɗara Ãcõrẽ deɗebemada. ¿Unusida sãwãbʉrʉ Jeowaba careba ɓʉda Cirora idjaɓa idji puru siɗa?