Herencia diasiɗada Jacoboa

Isa 40 poa eroɓasiɗe mĩã cãĩsida Rebecame. Isaba bio quĩrĩãbadjia idji quimaa. Mãwãnacarea ãdjia warra umé mẽguiso eropanasiɗada.

Dji warra iwina Esau trʉ̃ jarabadjiɗada. Tẽãbema Jaco trʉ̃ jarabadjiɗada. Dji warra Esau ne jʉrʉya ɓasida. Jacora deɗaa ɓabadjida.

Jãʉ̃ ewariɗe dji zeze beuɗa carea, dji warra iwinaba ẽjũãda, errarada eroɓasia dewara warrarã cãyãbara. Jãʉ̃ra jarabadjiɗaa herencia. Isa cuariarã maãrã warra iwina ¿Cãrẽ mãsa poya eroɓaida? Jeowaba diai jaraɗara. Esauba Jeowaba diai jaraɗara ĩjãẽ́ basía. Baribʉrʉ Jacoboba Jeowaba diai jaraɗara ĩjã basia.

Esaura, ewari aɓa, mẽã wã basida. Deɗaa zebʉrʉɗe idjira bio jarra nũmesida. Mãʉ̃be Jacoboa idisida: “Mʉ̃ra bio jarra nũmʉda. Bʉa eroɓʉra mʉ̃́a diaida mʉ̃a coi carea”. Jacoboba jarasia: “Mãwã. Baribʉrʉ bʉa herencia ero ɓʉra, bʉa mʉ̃́a diadua”. Esauba jarasia: “Mʉ̃ra herencia eroɓʉra, mʉ̃a quĩrĩãẽ́da. Mʉ̃a bʉ́a diaida. Mʉ̃a ne co quĩrĩã ɓʉa”. ¿Bʉmaarã Esauba bia osida? Mãwãẽ́a. Idjia ne biara ɓʉda diabisida ne comãrẽã.

Mãwãnacarea, Isaara drõã ɓesida. Mãʉ̃be Isaba idji warra iwina herencia dia quĩrĩã basia. ¿Mãʉ̃be dji warra Esaua herencia diasida? Mãwãẽ́a. Rebecaba carebasida idji warra Jacoa herencia eroɓamãrẽã. Esauba jãʉ̃ra ũrĩpeɗa bio quĩrũ ɓesida.Mãʉ̃ carea, bea quĩrĩã basida dji djabaa. ¿Maʉba cãrẽda osida Jacoboba? Jacobora mĩrũ wãsida dji djaba bea amaaba. Idji djabadrõã Labaʉ̃maa wãsida.