Jeowaba jʉrʉ edasida Josuera ne bia omãrẽã

Moisera dãrãbʉrʉ basida maestro basida Israelɗe. Jeowaba jarasida: “Bʉra ẽberã edeiɗebemaẽ́da israelitarãra ẽjũã quĩrãwãrẽãne. Baribʉrʉ idu acʉbida jãʉ̃ ẽjũã quĩrãwãrẽãne”. Maʉ̃ bʉrʉ Moiseba idisida Jeowaa: “Jʉrʉida aɓa maestroda quĩrãcuita acʉmãrẽã jãʉ̃ puruda”. Jeowaba panusida: “Beɗeadua Josueme jʉrʉ edamãrẽã”.

Moiseba jarasida israelitarãa cawaẽ́ɗe idjira beuida. Jeowaba jʉrʉ edasida Josueda ẽjũã quĩrãwãrẽãne eda wãmãrẽã. Maʉ̃ bʉrʉ Moiseba jarasida Josuea: “Ne wayarãdua. Jeowaba carebaya bʉra”. Mãwãnacarea Moise wãsida jãʉ̃ eyaɗa Nebo. Jãma Jeowaba jaradiasida naʉ̃ ẽjũãra diaɗa Abrahaʉ̃, Isa idjaɓa Jaco. Moisera eroɓasida 120 poa. Maʉ̃ne beusida.

Jeowaba jarasida Josuea: “Do quĩrãrã wãdua Jordaʉ̃ doɗa. Jũẽne wãida Canaaʉ̃. Maʉ̃ne mʉ̃a carebaida Moise carebaɗa quĩrãca. Quĩrãdoarãdua leaida mʉ̃ leyɗebemada ewariza. Ne wayarãdua. Zarea ɓadua. Wãdua, mʉ̃a jaraɗara jũma odua”.

Josueba diabuesida umé ẽberãrã acʉɗe wãnamãrẽã puru Jericoda. Dji nẽbʉrʉɗa ararebema cawaɗida mãsa ara mãwãnada jãma. Jãʉ̃gʉra ẽberãrã acʉɗe wãbadara, wãyã jiruãbẽrã zesiɗada ununa Jericoɗebema jaradiaɗi carea. Ãdjia jarasiɗada: “Poya wãnida jãma”. “Bia ɓʉda. Ara maʉ̃da wãnida”, Josueba jarasida. Naãrã diabuesida Josueba do Jordaʉ̃naa sacerdoterãda edeɗamãrẽã baurude pacto. Dji dora bio waiɓʉa nũmasida. Baribʉrʉ cawaẽ́ɗe sacerdote jĩrũrãba warasiɗada doda. Maʉ̃ bʉrʉ ara mamabe nũmesida. Waa zeẽ́ basi. Maʉ̃ bʉrʉ, sacerdoterãra wãsiɗada põãsa ɓʉ are. Jũẽsiɗada do ẽsãrica jãmabe. Jũma israelitarãra chãsiɗada do quĩrãrã. Jãʉ̃ unusiɗe ne ununacada, ãdjia quĩrãnebasiɗada Jeowaba osida pusa Purruda.

Mãwãnacarea jãʉ̃, zocãrã ɓaɗacarea poa israelitarãra jũẽne wãsiɗada jãʉ̃ ẽjũã quĩrãwãrẽãne. Mãʉ̃ bʉrʉ ãdjia poya oɗida ãdji de idjaɓa puru waiɓʉada. Mãʉ̃ bʉrʉ ãdjia poya uɗida ẽjũãne, ne quĩrãtanoa oɗida. Jãʉ̃ ẽjũãne zocãrã barasida coɗira.