Jesuba ne nẽdobuebadarã ãyã jʉrecuasia

Dji jeɗeco abril poaɗe 30, Jesura wãsida Jerusaleʉ̃naa. Zocãrã ẽberãrãba idjaɓa wãsiɗada jãʉ̃ puruɗaa oɗi carea dji piesta Pascua. Jãʉ̃da jãwã obadjiɗada ãdjirãba, diabadjiɗada animarã Ãcõrẽ de dromane. Ʉ̃cʉrʉba edebadjiɗada ãdji animarãda, baribʉrʉ dewararãba nẽdobadjiɗada Jerusaleʉ̃ne.

Jesu jũẽne wãsida Ãcõrẽ de dromanaa, maʉ̃ne unusida ʉ̃cʉrʉ ẽberãrãba nẽdobuebadjiɗada animarã zaqueda jãma. Ne nẽdo badjiɗada Ãcõrẽ deɗe maʉ̃ dji idi baɗaɗe Jeowaa. ¿Cãrẽda osida Jesuba? Osida jʉ̃carada ãyã edei carea dji oveja zaque idjaɓa paca Ãcõrẽ de dromanebema. Idjaɓa coretacuasida mesarãa maʉ̃ parata ɓʉbadamae. Maʉ̃ bʉrʉ jũma cuasida parata pichi ẽjũãne. Jesuba jarasida maʉ̃ puchirã nẽdobue panʉa: “Ãyã edeɗadua jũma naʉ̃ra. Naʉ̃ dera ne nẽdo ɓʉẽ́ ɓaɗaẽ́a. Maʉ̃ cãyãbara mʉ̃ Zeze dea”.

Dji ẽberãrã jãma panana Ãcõrẽ de dromane, bio cawa quĩchaɗaẽ́ basida Jesuba oɗara. Dji caiɗuɗebemarãba quĩrãnebasiɗada maʉ̃ jarasiɗa dji propetaba dji Mesiaɗeda. Bio cawasiɗada wayaɗida Jeowa dera.

Mãwãnacarea, poa 33 ɓaɗacarea, Jesuba wãyã jaresida Ãcõrẽ de dromara. Jesuba iduaribicada ne cadjirua oɗira dji Zeze deɗera.