Jacoboba Esaúme ibiasiɗada

Naãrã Jeowaba bio careba ɓasia Abrahaʉ̃ra, Isa biɗa. Ara jãʉ̃ quĩrãca, Jeowaba jarasida Jacobora carebai ɓasia. Jacobora ɓesida Haraʉ̃ puruɗe, jãma mĩa caĩsida, zocãrã warrarã unusida, idjaɓa zocãrã errara unusida.

Dãrã baɗacarea Jeowaba Jacoboa jarasida: “Bʉ zeze, bʉ̃ nanamaa jẽda wãdua”. Mãʉbe Jacoboba dji cuariarãme jãma wãsiɗaa. Jãʉ̃ oɗe wãsiɗaɗe ẽberãrãba Jacobora jaraɗe zesiɗada. Ãdjirãba jarasiɗada: “Bʉ djaba Esaú zocãrã ẽberãrãme nama zebʉrʉda”. Jacoboba crĩcha ɓasia Esaú ne cadjirua o quĩrĩã ɓasia idji cuariarãa. Mãʉ̃ carea Jacoboba Jeowaa idisida: “Quĩrã djuburiadua, carebaduma”. Nũrema Jacoboba Esaúra ne bari diasida: oveja zocãrã, chiwaturã, pacarã, camellorã, burrorã zocãrã diabuesida.

Jãʉ dimisi, Jacoboba iduɓa basiɗe, unusida bajãnebema nezoca. Idjime djõ panasiɗaa jũma diamasi diapeɗe. Angelba chĩdera ãyã dogo ɓesia. Angelba jarasia: “Idu ɓʉdua”. Jacoboba jarasida: Bʉa mʉ̃́a ne bia diaibʉrʉ, mʉ̃a idu ɓʉya”.

Mãwãnacarea angelba ne bia diasida. Mãʉ̃ carea Jacoboba cawasia Jeowaba carebaida dji djababa ne cadjirua oẽ́da.

Jãʉ̃ ewariɗe, unusida dji djaba Esaúba ẽberãrã zocãrãme zebʉrʉda idjimaa. Esaúba jũẽpeɗa, Jacobora chĩrãboroɗe coɓesida. Esaúba Jacobora unusiɗe, pira zesida bususiɗada. Jĩãnapeɗa ibiasiɗaa. Bʉmaarã, Jacoboba oɗara ¿Jeowaba sãwã unusida?

Tẽãbe Esaúba deɗaa wãsia idjaɓa Jacoboba oɗe wãsia. Jacoboba 12 warrarã unusida: Rubeʉ̃, Simeoʉ̃, Levi, Juda, Daʉ̃, Neftali, Gad, Aser, Isacar, Zabuloʉ̃, Jose idjaɓa Benjamiʉ̃. Dãrã ɓaɗacarea Jeowaba carebasida idji purura Jose warraɗeba. ¿Cãrẽda mãwãsi? Dewara beɗeaɗe cawaɗida.