• ¿Sãmaʉba zesida ne jũmada?
    ¡Ɓʉsriɗa ɓadua dãrã! Curso Ãcõrẽ Beɗeaɗe ne zocãrãneba cawaɗida

    • 3. ¿Cãrẽne awara ɓʉda animarã ẽberãrãme?

      Jeowaba naʉ̃ ẽjũãra opeɗa ne jũma naʉ̃ ẽjũãnebemara osia. Naãrã birabisida bacuruba ẽjũãra idjaɓa animarã biɗa. Mãwãnacare “Ãcõrẽba ẽberãda osia idji quĩrãca” (Leadua Genesi 1:27). ¿Cãrẽne awara ɓʉda animarã ẽberãrãme? Ãcõrẽba dadjirãra oɗa bẽrã idji quĩrãca maʉ̃ bʉrʉ dadjirãba poya quĩrĩãnida dewarara idjaɓa ariɗe oɗida. Idjia osida dadjirãra quĩcha cawa idjaɓa dewara beɗea cawaɗi carea. Ne jũma idjia oɗa mera quiru ununi carea idjaɓa chiru ũrĩni carea. Dadjirãra awara panʉda animarã cãyãbara maʉ̃ bʉrʉ poya ĩjã panʉda Ãcõrẽnera.

  • ¿Sãmaʉba zesida ne jũmada?
    ¡Ɓʉsriɗa ɓadua dãrã! Curso Ãcõrẽ Beɗeaɗe ne zocãrãneba cawaɗida

    • 5. Bibliaba jara ɓʉra ne jũmada oɗa jãʉ̃ra wãrã arada

      Genesi dji waiɓʉada 1, jara ɓʉda Ãcõrẽba sãwã osida ẽjũãra idjaɓa ne jũma ẽjũãnebemada. ¿Jãʉ̃ra wãrã arada wa sewada? Acʉɗapeɗa dji VIDEODA, beɗeaɗadua.

      VIDEO: ¿Aɓaʉba osida ẽjũãda bajã siɗa? (djubibi ɓʉ) (3:51)

      Potora: dibujoda videoɗe “ ¿Aɓaʉba osida ẽjũãda bajã siɗa?” (djubibi ɓʉ). 1. Sei ewariɗe Ãcõrẽba osida naʉ̃ ẽjũãra 2. Ewari sei baɗacare ɓesida ʉ̃mãdau, ẽjũã põãsa, chiruada, baidora, i bara ɓeada, animarã naʉ̃ ẽjũãnebemara idjaɓa ẽberãrã.

      • ¿Bibliaba jaradia ɓʉda jũma ẽjũãda bajã siɗa Ãcõrẽba osida ewari 6ɗe 24 horaɗe?

      • ¿Bʉa quĩcha ɓʉda Bibliaba jara ɓʉra Ãcõrẽba oɗaɗeba jãʉ̃ra wãrã arada? ¿Cãrẽã?

      Leaɗapeɗa Genesi 1:1, beɗeaɗadua:

      • Ẽjũã bio cawabadarãba jarabadada ẽjũãda bajã siɗa aɓaʉba osida. ¿Ãdjirãba jũma jaraɗara Bibliame aɓarida ɓʉ?

      Ʉ̃cʉrʉba idibadada Ãcõrẽba aɓa ɓʉɗeba jũma oɗada. Leaɗapeɗa Genesi 1:21, 24, 25, 27, beɗeaɗadua:

      • ¿Ãcõrẽ beɗeaba jaradia ɓʉda Ãcõrẽba aɓaʉɗeba ne jũma oɗada, ɓeda, animarã, ẽberãrã siɗa? Wa ¿Ãcõrẽba osida ne “quĩrãtanoa” ɓeda ɓeada, animarã ɓeada, i bara ɓeada?b