¿Cãrẽã Ãcõrẽba osida ẽberãrãa?

Ãcõrẽ Beɗeaba jara ɓʉda dadji ẽberãrã “dãrã pananaẽ́da naʉ̃ ẽjũãnera idjaɓa ne zocãrã cadjiruara mãwã panʉda” zocai panʉne (Job 14:1). Baribʉrʉ, ¿Ãcõrẽba jãʉ̃gʉra quĩrĩã ɓʉda? Jãʉ̃gʉ quĩrĩẽ́ ɓʉbʉrʉ, ¿cãrẽã Ãcõrẽba osida ẽberãrãa? ¿Idjia quĩrĩã ɓʉra dadjirã carea wãrãda oida? Acʉdua dji panunara Ãcõrẽ Beɗeaɗebemada.

1. ¿Ãcõrẽba sãwã quĩrĩã ɓʉda dadjirãra pananamãrẽã?

Jeowaba quĩrĩã ɓʉda ne bio biara ɓʉda dadjirã carea. Idjia osiɗe ẽberãrã nabema, Adaʉ̃ Eva siɗa, ãdjirãa ɓʉsida ẽjũã quĩrãwãrẽãne trʉ̃ jarabada: Edeʉ̃. Jãma “Ãcõrẽba ãdjira nãwã bia jarasia: –Warra zocãrã ununadua. Naʉ̃ ẽjũãra biraɗadua idjaɓa jũma naʉ̃ ẽjũãne ɓeara bãrã jʉwaeɗa eroɓeaɗadua” (Genesi 1:28). Jeowaba quĩrĩã ɓasida ãdjirãra warrarã zocãrã eropananida. Idjia quĩrĩã ɓabadjida naʉ̃ ẽjũã entero quĩrãwãrẽã ɓaida idjaɓa quĩrĩã ɓasida quĩrãcuita acʉɗida animarãra. Jeowaba quĩrĩãẽ́ ɓasida ẽberãrãra cacua biẽ́ panania, maʉ̃ cãyãbara zocai dãrã pananida.

Ãcõrẽba quĩcha ɓaɗa quĩrãca mãwãẽ́ ɓasimĩna,a idjia waɗi aɓarida quĩcha ɓʉ (Isaías 46:10, 11). Ãcõrẽba waɗi quĩrĩã ɓʉda ẽberãrãra bia duananida naʉ̃ ẽjũãne jipa panani carea (Leadua Apocalipsi 21:3, 4).

2. ¿Sãwã bia capipia pananida naʉ̃ ewariɗera?

Jeowaba osida dadjirãa “ara bãduɓa dji biaẽ́da [cawaɗi]” carea, jãʉ̃ra jãwã jara quĩrĩã ɓʉda, ẽberãrãba quĩrĩãni ɓasia cawaɗida Ãcõrẽra idjaɓa bia beɗeaɗida idjiɗeda (Leadua Mateo 5:3-6). Ãcõrẽba quĩrĩã ɓʉda dadjirãra dji biarã pananida idjime, “jipa nĩbaɗida idji oɗe, bio quĩrĩãnida idjira idjaɓa ne jũma idjia quĩrĩã ɓʉra” dadjirãra dadji soɗe ĩjãni carea (Deuteronomio 10:12; Salmo 25:14). Jãʉ̃gʉ oɗibʉrʉ dadjirãra ɓʉsriɗa poya pananida wãrã arada. Dadjirãba bia beɗeaɗibʉrʉ idjaɓa dji idiɗibʉrʉ Jeowaa biya poya sentiɗida idjaɓa poya cawaɗida cãrẽã nama panʉda.

3. Jeowaba quĩrĩã ɓʉda ẽberãrãra biya duananida

Acʉɗapeɗa dji VIDEODA, beɗeaɗadua.

VIDEO: ¿Cãrẽã Ãcõrẽba osi naʉ̃ ẽjũãra? (djubibi ɓʉ) (1:41)

• ¿Cãrẽ cãrẽã Ãcõrẽba osida naʉ̃ ẽjũãra biya quiruda?

Leaɗapeɗa Eclesiastés 3:11, beɗeaɗadua:

• Naʉ̃gʉ textoba, ¿cãrẽda jaradia ɓʉda Jeowaɗebemada?

4. Jeowaba quĩcha ɓaɗara waɗi quĩcha ɓʉda

Leaɗapeɗa Salmo 37:11, 29 idjaɓa Isaías 55:11, beɗeaɗadua:

• ¿Sãwã cawa panʉda Ãcõrẽba quĩcha ɓaɗara waɗi quĩrĩã ɓʉda dadjirã carea?

5. Dadjirãba bia beɗea panʉbʉrʉ idjaɓa dji idi panʉbʉrʉ Jeowaa carebaɗida cawaɗi carea cãrẽã nama panʉda

VIDEO: Mʉ̃a cawasida cãrẽã nama ɓasida (5:03)

• ¿Cãrẽã bia ɓasida Terumi carea cawaida cãrẽã nama ɓasida?

Leaɗapeɗa Eclesiastés 12:13, beɗeaɗadua:

• Jeowaba ne jũma oɗara dadjirã carea, ¿cãrẽda oɗida panʉ bia ɓʉaɗa aɗi carea idjía?

JŨMA BEƊEAƊA

Jeowaba quĩrĩã ɓʉda dadjirãra dãrã pananida naʉ̃ ẽjũãne idjaɓa ne cadjirua mãwãẽ́da. Naʉ̃ ewariɗera dadjirãra poya ɓʉsriɗa pananida ĩjã panʉbʉrʉ Jeowaɗeda dadji soɗeba.

Cawaɗara

• Jeowaba osiɗe Adaʉ̃ Eva siɗa, ¿cãrẽda quĩrĩã ɓabadjida ãdjirã carea?

• ¿Sãwã cawa panʉda Ãcõrẽba quĩcha ɓaɗara waɗi o quĩrĩã ɓʉda naʉ̃ ewariɗera?

• ¿Cãrẽba poya carebaida capipia ɓai carea?

CAWADUA MÃSA

Acʉdua cãrẽã poya cawaɗida wãrã arada Edeʉ̃ néu iɗa ɓʉda wãrãda ɓasida.

“¿Edeʉ̃ néu ẽjũã wãrãda ɓasida?”(Cartaba Jara ɓʉda, 2011, Enero 1) 

Cawadua cãrẽã dadjirãba wãrãda cawa panʉda naʉ̃ ẽjũãra dãrã pananida.

“¿Aɓaʉba poya jõbida naʉ̃ ẽjũãra?” (Acʉdua internene)

Quĩrãcuita acʉdua Ãcõrẽ Beɗeaba jara ɓʉra cawaɗi carea cãrẽã nama panʉda.

“¿Cãrẽã nama panʉda?” (Acʉdua internene)

Acʉdua aɓaʉ umaquĩrãba quĩcha ɓasida jũma eroɓʉda, baribʉrʉ mãwãnacarea idjia cawasida jũma eroɓaẽ́ ɓasida ɓʉsriɗa ɓai carea.

Ara naʉ̃da mʉ̃ra cawa ɓʉda cãrẽã nama ɓʉda (3:55)