• Sãwã bio quĩcha jʉrʉɗida
    ¡Ɓʉsriɗa ɓadua dãrã! Curso Ãcõrẽ Beɗeaɗe ne zocãrãneba cawaɗida

    • 5. Wayadua dewararãba quĩcha panʉra

      Jũmarãba awara quĩcha panʉda, awara awara panʉ bẽrã. ¿Sãwã acʉbi panʉda bio waya panʉda dewararãba quĩcha panʉra? Acʉɗida ejemplo umé:

      Ejemplo 1: Djabawẽrã aɓa colorete pãya ɓʉda idjira wãsida dewara congregacioʉ̃na, baribʉrʉ jãmara djabawẽrãrãra colorete pãnaca bẽrã, maʉ̃ bʉrʉ biẽ́ quĩchasiɗada.

      Leaɗapeɗa Romano 15:1 idjaɓa 1 Corinto 10:23, 24, beɗeaɗadua:

      • Naʉ̃gʉ textoba jara ɓʉ quĩrãca, ¿dadji djabawẽrãba cãrẽda poya oi ɓasida? ¿Bʉa cãrẽda oibarai bʉa quĩcha ɓʉra dewaramaarã biẽ́ ɓʉda idjaɓa jãʉ̃gʉba idu quĩchabiẽ́da bʉa o quĩrĩã ɓʉra?

      Ejemplo 2: Aɓa djababa cawa ɓʉda chicha asea doira jãʉ̃ra Ãcõrẽ Beɗeaba wãga acada, baribʉrʉ idjia aɓeɗa quĩcha ɓʉda waa doẽ́da chicha aseara. Ewari aɓaʉɗe djabarãba edecasiɗada capipiabi carea maʉ̃ne unu ɓʉda dewararãba do panʉda chicha aseada.

      Leaɗapeɗa Eclesiastés 7:16 idjaɓa Romano 14:1, 10, beɗeaɗadua:

      • Naʉ̃gʉ textoba jara ɓʉ quĩrãca, ¿dadji djababa cãrẽdrʉ poya oibara ɓasida? ¿Bʉa cãrẽda oibarai bʉ quĩchamaarã biẽ́ ɓʉda, baribʉrʉ dewaraʉba o ɓʉra jãʉ̃ra?

      ¿Cãrẽda oida ɓʉ ne bia quĩcha jʉrʉi carea?

      Aɓa wẽrã ʉ̃taa dji idi ɓʉda.

      1. Ididua Jeowa carebamãrẽã bʉ́a cawai carea cãrẽ oida (Santiago 1:5).

      Aɓa ɓʉ wẽrãba jʉrʉ ɓʉda beɗeada Bibliaɗe, cartara Ãcõrẽ Beɗeaɗebemane idjaɓa idji computadorɗe.

      2. Jʉrʉdua Ãcõrẽ Beɗeaɗe idjaɓa carta zaque Ãcõrẽ Beɗeaɗebemaneba cãrẽda oi carea. Idjaɓa poya idida djabarã crĩcha droma ɓeaa.

      Aɓa ɓʉ wẽrãba quĩcha ɓʉda.

      3. Quĩchadua bʉa o ɓʉba carebaida dewararãra wa biẽ́ quĩchabida dewararãra.