• ¡Ãcõrẽ Boroba ya manda ɓʉda!
    ¡Ɓʉsriɗa ɓadua dãrã! Curso Ãcõrẽ Beɗeaɗe ne zocãrãneba cawaɗida

    • 2. ¿Naʉ̃ ẽjũãra sãwãbʉrʉ ɓʉda idjaɓa ẽberãrãba cãrẽda o panʉda poaga 1914 eɗa?

      Jesu nĩbabadarãba iwiɗisiɗaa: “¿Cãrẽneba cawaɗi bʉra zeboɗoda? Idjaɓa ¿cãrẽneba cawaɗi naʉ̃ ewarira jõbʉrʉda?” (Mateo 24:3). Jesuba panusia cãrẽda mãwãi ɓasia idjia mandabʉrʉɗe Ãcõrẽ Boro bajãnebemada. Maʉ̃ne jaraɗida, idjia jarasida djõnida, jarrabada ɓai ɓasia, idjaɓa de uremiada ɓai ɓasia (Leadua Mateo 24:7). Idjaɓa Ãcõrẽ Beɗeaba jarasida “jĩrũarebema ewariɗe minijĩchiada zeya” maʉ̃ne jãʉ̃ ewarira zarea pananida (2 Timoteo 3:1-5). Poaga 1914 eɗa jũma beɗeara mãwã panʉda idjaɓa ebuɗa unu panʉda.

      3. ¿Cãrẽã wetara cadjirua ɓasida Ãcõrẽ Boroba ʉ̃taare manda ɓʉɗe eɗa?

      Jesu Boro ɓeɗacarea Ãcõrẽ Boroɗebemada, idjira Diaurume bajãne djõbucasiɗaa. Diauruba poyaẽ́ basida. Maʉ̃ba Ãcõrẽ Beɗeaba jara ɓʉ quĩrãca, Diaurura idjaɓa “jũma idjiare panʉ siɗa naʉ̃ ẽjũãnaa ɓatabuesiɗaa” (Apocalipsi 12:9, 10, 12). Satanara bio quĩrũ nũmʉda idjira dãrã ɓaẽ́da cawa ɓʉ bẽrã. Maʉ̃ bẽrã djuburiabi ɓʉda ẽberãrã idjaɓa ne jũma cadjirua dia ɓʉda naʉ̃ ẽjũãne. ¡Maʉ̃ carea naʉ̃ ẽjũãra bio cadjirua nũmʉda! Baribʉrʉ Ãcõrẽ Boroba ara oida jũma cadjiruara.

  • ¡Ãcõrẽ Boroba ya manda ɓʉda!
    ¡Ɓʉsriɗa ɓadua dãrã! Curso Ãcõrẽ Beɗeaɗe ne zocãrãneba cawaɗida

    • 5. Poaga 1914 eɗa naʉ̃ ẽjũãra awara ɓesida

      Acʉɗadua dji VIDEODA.

      VIDEO: Poaga 1914 eɗa naʉ̃ ẽjũãra awara ɓesida (1:10)

      Jesuba jarasida naʉ̃ ẽjũãra sãwã mãwãi ɓasia idjia mandabʉrʉɗe. Leaɗapeɗa Luca 21:9-11, beɗeaɗadua:

      • Naʉ̃ beɗea nama jara ɓʉ quĩrãca, ¿cãrẽda ununada idjaɓa sãʉ̃gʉda ũrĩnada?

      Dji apóstol Pauloba jarasida ẽberãrãba cãrẽda oɗi ɓasida jĩrũarebema ewariɗera ẽberãrãba mandabʉrʉɗe. Leaɗapeɗa 2 Timoteo 3:1-5, beɗeaɗadua:

      • Naʉ̃gʉ textoba jara ɓʉ quĩrãca, ¿bʉa sãʉ̃gʉda ununa?

      Potora: Jũma ne cadjirua mãwã ɓʉda jẽdaarebema ewariɗe. 1. Sordaoba ʉ̃tʉ nũmepeɗa ɓia nũmʉda. 2. De uremianeba uɗu ɓaecuasiɗada. 3. Avioʉ̃ sordaoɗebemara. 4. Ẽberãrãba quĩrã bʉraɗapeɗa nĩminada pʉrrʉa panʉda. 5. Torres Gemelas New York puruɗebemara bá wãbʉrʉ. 6. Umaquĩrã nẽãrã do ɓʉ. 7. Umaquĩrãba chĩmʉda dji quimara. 8. Zocãrã chirua cadjiruara idjaɓa ne asea. 9. Umé wẽrãba saca panʉda poto wua ʉ̃tʉ jʉ̃napeɗa. 10. Aɓa umaquĩrãba chiru zá ɓʉda baeraɗamãrẽã. 11. Ẽberãba marcha ɓʉda idjaɓa ɓʉbada bombada.

      6. Cawa panʉbʉrʉ Ãcõrẽ Boroba ya manda ɓʉda jãʉ̃gʉba carebaɗibara ne bia oɗi carea

      Leaɗapeɗa Mateo 24:3, 14, beɗeaɗadua:

      • ¿Cãrẽ traju bio biara ɓʉ acʉbi ɓʉda Ãcõrẽ Boroba ya manda ɓʉda?

      • ¿Bʉa biɗa cãrẽda poya oida jaradiai carea Ãcõrẽ Beɗea?

      Ãcõrẽ Boroba ya manda ɓʉda idjaɓa dãrãẽ́ne ẽjũã jũma mandaida. Leaɗapeɗa Hebreo 10:24, 25, beɗeaɗadua:

      • ¿Jũmarãra cãrẽda oɗida panʉa cawa panʉ bẽrã “Ãcõrẽba cawa oi ewarira dãrãẽ́ne zeida”?

      Potora: 1. Aɓa wẽrãba estudia ɓʉda Ãcõrẽ Beɗeada ãbaa jʉre panʉne. 2. Aɓa ɓʉ wẽrãba jaradia ɓʉda dewara wẽrã.

      Bʉa cawa ɓʉbʉrʉ ne bia idjaɓa poya carebaibʉrʉ dewarara ẽdrʉɗamãrẽã, ¿bʉa cãrẽda oida?