Dãrãẽ́ne Jeowaba jõbiya jũma ne cadjirua idji Boroɗeba. Maʉ̃ bʉrʉ biara ɓʉa jaradiaida dewararãa jãʉ̃ beɗea biara. Jesuba quĩrĩãsia ẽberã jũma naʉ̃ ẽjũãnebemaba ũrĩnamãrẽã naʉ̃ beɗea biara (Mateo 28:19, 20). ¿Beɗea ɓeara Jeowaɗebemarãba cãrẽda o panʉda jãʉ̃gʉ oɗi carea?

1. ¿Sãwã mãwã ɓʉda iɗi ewariɗera Mateo 24:14?

Jesuba jarasia: “Beɗea bia Ãcõrẽba pe eroɓʉɗebemada jũma naʉ̃ ẽjũãne jaraɗia puru ɓeaza ũrĩnamãrẽã” (Mateo 24:14). Beɗea ɓeara Jeowaɗebemara bio capipia panʉda jãʉ̃ra oɗa bẽrã. Jũma druazabemara jaradia panʉda beɗea bia ¡mil beɗeara auɗu! Necesita panʉda bio esforzaɗida ara oɗi carea jãʉ̃ trajura. Ãcõrẽba carebaẽ́bʉrʉ jãʉ̃ra poya oɗaẽ́da.

2. ¿Cãrẽda o panʉda jaradiaɗi carea dewararãa?

Jaradia panʉda ẽberã ɓaɗamae. Naẽnaena Crito ẽpẽbadarãba oɗa quĩrãca jaradia panʉda “ẽberãrã deza” (Hecho 5:42). Mãwã poagaza zocãrã ẽberãrãba poya ũrĩnida Ãcõrẽ Beɗeara idjaɓa jaradia panʉda zocãrã ẽberãrã panʉmae. Ewariza jaradia quĩrĩã panʉda Ãcõrẽba quĩrĩã ɓʉra idjaɓa idjia oira.

3. ¿Cairãba jaradiaɗida panʉ beɗea biada?

Jũma critianorãba jaradiaɗida panʉa. Daimaarã jãʉ̃ra bio biara ɓʉa, ẽberã aɓa aɓaʉba jaradiaɗia ãdjia quĩrĩã ɓea quĩrãca careba panʉ bẽrã ẽberãrãra ẽdrʉɗamãrẽã (Leadua 1 Timoteo 4:16). Ni aɓaʉ parata diacada jãʉ̃ traju oi carea Ãcõrẽ Beɗeaba jaradia ɓʉ bẽrã: “Maʉ̃ bẽrã ẽberãrãra bari carebaɗadua” (Mateo 10:7, 8). Ẽberãrãba ũrĩna quĩrĩãẽ́ panʉmĩna, dadjirãba jaradia panʉda Ãcõrẽ Beɗea, Ãcõrẽ capipia ɓamãrẽã idjaɓa ibiya beɗeai carea idjía.

BIO CAWAƊIDA NAɄ̃ BEƊEAƊE

4. Esfuerzo o panʉda jaradiaɗi carea jũmarã ẽberãrãa

VIDEO: “Drua tʉmʉara ɓeaɗe” jaradia panʉda Ãcõrẽ Beɗea (7:33)

• Bʉmaarã, ¿cãrẽda quĩrĩãbarida Beɗea ɓeara Jeowaɗebemarãba o panʉra jaradiaɗi carea Ãcõrẽ Beɗea?

Leaɗapeɗa Mateo 22:39 idjaɓa Romano 10:13-15, beɗeaɗadua:

• Jaradia panʉne Ãcõrẽ Beɗea, ¿sãwã acʉbi panʉda quĩrĩã panʉda djãrãra?

• ¿Jeowaba sãwã unu ɓʉ ẽberãra jaradiabadara beɗea bia Ãcõrẽnebemada? (Acʉɗadua dji caibea 15).

5. Dairãba Ãcõrẽ trajura o panʉa

Zocãrã ejemplo acʉbi panʉda Jeowaba jipa edebarida dairãra jaradia panʉne. Acʉɗida mãwãnara Nueva Zelanda puruɗe ewari aɓaʉɗe quewara, aɓa djaba trʉ̃ jara ɓʉda Paul deza jaradia ɓabadjida, maʉ̃ne wẽrãda unusia. Jãʉ̃ ewariɗe diapeɗe jãʉ̃ wẽrãba dji idisida Ãcõrẽa idjia trʉ̃ jarasida idji trʉ̃ araɗe Jeowa, idjaɓa idisida ʉ̃cʉrʉba carebamãrẽã cawai carea idjida. “Hora ũbea ɓaɗacare” Paulba jarasia, “mʉ̃ra idjimaa wãsida”.

Leaɗapeɗa 1 Corinto 3:9, beɗeaɗadua:

• ¿Sãwã acʉbi ɓʉda jãʉ̃ ejemploba Jeowaba jipa edebarida jaradia panʉne Ãcõrẽ Beɗea?

Leaɗapeɗa Hecho 1:8, beɗeaɗadua:

• ¿Cãrẽã necesita panʉda Jeowaba carebaida dairãba jaradia panʉne?

¿Cawa ɓasida?

Ãbaa jʉre panʉne domia ẽsãricaɗe jaradia ɓʉda sãwã jaradiaida Ãcõrẽ Beɗea. Wãbʉrʉɗe ãbaa jʉreɗe, ¿sãwã unubarida jãma jaradia panʉra?

6. Jaradia panʉne ĩjã panʉda Ãcõrẽba jara ɓʉra

Siglo naãrãbema dji quĩrũrã ẽpẽne Jesuɗebemarãba idu jaradiabidaẽ́ basida Ãcõrẽ Beɗeara. Ãdjirãra beɗea bia Ãcõrẽnebemada wãrã arada cawabisiɗada idjaɓa wãsiɗada “ley quĩrãpita poya jaraɗi carea beɗea bia” (Pilipo 1:7 TNM). Iɗi ewariɗera Beɗea ɓeara Jeowaɗebemarãba aɓarica obadada.a

VIDEO: Beɗea bia Ãcõrẽnebemada wãrã arada cawabi panʉa (2:28)

Leaɗapeɗa Hecho 5:27-42, beɗeaɗadua:

• ¿Cãrẽã ewariza jaradiaɗida Ãcõrẽ Beɗeara? (Acʉɗadua dji caibea 29, 38, 39 siɗa).

JŨMA BEƊEAƊA

Jesuba jarasida dji ẽpẽbadarãra jaradiaɗamãrẽã Ãcõrẽ Beɗea jũma puru ɓeaza. Iɗi ewariɗera Jeowaba careba ɓʉda jaradiaɗamãrẽã.

Cawaɗara

• ¿Cãrẽda o panʉ jaradiaɗi carea beɗea bia Ãcõrẽnebemada puru ɓeaza?

• ¿Sãwã acʉbi ɓʉda quĩrĩã panʉda djãrãra jaradia panʉne Ãcõrẽ Beɗea?

• Bʉmaarã, ¿poya ɓʉsriɗa pananida jaradia panʉne? ¿Cãrẽã?

CAWADUA MÃSA

Acʉdua sãwã jaradia panʉda Beɗea ɓeara Jeowaɗebemarãba puru waiɓʉaɗe.

Duɗa jaradia panʉda puru waiɓʉaɗe ẽberãrã ɓaɗamae Parísɗe (5:11)

Beɗea ɓeara Jeowaɗebemarãba, ¿sãwã jaradia panʉda ẽberãrã uraɗa?

Jaradia panʉda ẽberãrã uraɗa (5:59)

Acʉdua cãrẽã wẽrãda ɓʉsriɗa ɓʉa jaradiaɗa bẽrã Ãcõrẽ Boroɗebema.

Mʉ̃ra ewariza ɓʉsriɗa ɓʉa (6:29)

Acʉdua sãʉ̃be poyasiɗada dji ley quĩrãpita poya jaradiaɗi carea Ãcõrẽ Beɗea.

“Ãcorẽ Beɗea jaradiabadarãba ley quĩrãpita wãbada” (Ãcõrẽ Boroba ya manda ɓʉda, beɗea 13)

Jesuba jaradia ɓasida critiano ɓai carea borocueibara (Leadua Mateo 28:19, 20). Baribʉrʉ, ¿cãrẽda maʉ̃ borocueida? Idjaɓa, ¿cãrẽda oɗida borocueɗi carea?

1. ¿Cãrẽda maʉ̃ borocueida?

Beɗea borocueida griego beɗeaɗebemada, jãʉ̃gʉ jara quĩrĩã ɓʉda “borobara cui idjaɓa biru ɓae cui”. Jesuba Jordaʉ̃ doɗe borocuesiɗe, borobara cuisida , mãwãnacarea “Jesura doeɗaʉba” (Marco 1:9, 10). Maʉ̃ carea critianorã wãrã arada borocuebʉdaɗe borobara cuiɗida jũma.

2. Ẽberãba borocue ɓʉɗe, ¿cãrẽ acʉbi ɓʉda?

Ẽberã borocuebʉrʉɗe acʉbi ɓʉda idjira Ãcõrẽ itea ɓasida. ¿Cãrẽda oida ɓʉ Ãcõrẽ itea ɓai carea? Bʉduɓa ʉ̃taa dji iwiɗida Ãcõrẽa jarai carea nurẽmaza ĩjãida idjira; jãʉ̃gʉba oida borocuei naẽna. Naʉ̃ ʉ̃taa dji iwiɗi ɓʉɗeba, bʉa jaraida aɓabe ĩjãida Jeowaba quĩrĩã ɓʉra ne awara cãyãbara idjaɓa oida Jesuba jaradiaɗa quĩrãca. Jesuba jarasida “Aɓaʉba mʉ̃da ẽpẽ quĩrĩã ɓʉbʉrʉ, idjia o quĩrĩã ɓʉra igarapeɗa. Maʉ̃be mʉ̃ra ẽpẽida ɓʉa” (Mateo 16:24). Ãcõrẽ itea ɓai carea idjaɓa borocueiɗeba jãʉ̃ ẽberã poya ara caita ɓaida Jeowame idjaɓa dewara ẽberãrãme ĩjãbadara biɗa Ãcõrẽa.

3. ¿Cãrẽda oida ɓʉ borocuei carea?

Bʉa borocue quĩrĩã ɓʉbʉrʉ naãrãbema cawaibara Jeowaba quĩrĩã ɓʉra idjaɓa ĩjãida ɓʉa idjira (Leadua Hebreo 11:6). Bʉa mĩga cawa ɓʉbʉrʉ idjaɓa ĩjã ɓʉbʉrʉ Jeowaa, mãsa quĩrĩãida idjira. Jãʉ̃gʉba poya carebaida bʉra jaradiai carea Ãcõrẽ Beɗea idjaɓa oi carea Jeowaba quĩrĩã ɓʉ quĩrãca (2 Timoteo 4:2; 1 Juaʉ̃ 5:3). Wãrã arada ẽberãrãba “jipa nĩbaɗia dadjirã Boroba quĩrĩã ɓʉ quĩrãca”, poya borocueida Ãcõrẽ itea ɓai carea (Colosa 1:9, 10).a

BIO CAWAƊIDA NAɄ̃ BEƊEAƊE

4. Cãrẽda poya cawaɗida Jesu borocue ɓasiɗe

Mĩga cawadua cãrẽda mãwãsida Jesuba borocuesiɗe. Leaɗapeɗa Mateo 3:13-17, beɗeaɗadua:

• Jesuba borocuesiɗe, ¿idjira caibe ɓasida?

• Jesuba borocuesiɗe, ¿idjira aɓabe bʉrʉ dji boro begueasida? Maʉ̃ne, ¿sãwã borocuesida?

Jesuba borocuesiɗe idjia osida dji traju Jeowaba jarasida. Leaɗapeɗa Luca 3:21-23 idjaɓa Juaʉ̃ 6:38, beɗeaɗadua:

• Jesu borocueɗacarea, ¿idjimaarã cãrẽda bio biara ɓasida?

5. Bʉra poya borocueida

Bʉra pera poya sentibarida Ãcõrẽ itea ɓai carea idjaɓa borocuei carea. Baribʉrʉ bʉra mãsa cawaibʉrʉ Ãcõrẽnera pera sentiẽ́da jãʉ̃ ne bia oi carea. Cawai carea ʉ̃cʉrʉ ẽberãrã jãʉ̃ ne bia osiɗada, acʉɗadua dji VIDEODA.

VIDEO: Ara caita ɓadua Jeowame (1:11)

Leaɗapeɗa Juaʉ̃ 17:3 idjaɓa Santiago 1:5, beɗeaɗadua:

• ¿Cãrẽba poya carebaida ẽberãrã borocuei carea?

1. Ãcõrẽ itea ɓai carea bʉa ʉ̃taa iwiɗi ɓʉ Jeowaa jarai carea ewariza ĩjã quĩrĩã ɓʉa idjia jara ɓʉra

2. Borocuebʉrʉɗe jũmarãba poya ununida bʉra ya ʉ̃taa dji iwiɗisida Ãcõrẽ itea ɓai carea

6. Borocueɗapeɗa cuariara Ãcõrẽnebemada panʉda

Borocueɗapeɗa ãbaa panʉda dji cuariara bia. Ãdjirãra jũma naʉ̃ ẽjũãnebemada, crĩchaɗacada sãmaʉba zesiɗada idjaɓa naẽna o ɓaɗara crĩchacada. Jũmarãba Ãcõrẽ Beɗeaba jara ɓʉra aɓarida obadada. Leaɗapeɗa Salmo 25:14 idjaɓa 1 Pedro 2:17, beɗeaɗadua:

• Naʉ̃gʉ texto jara ɓʉ quĩrãca, ¿sãwã carebaida borocuebarida?

JŨMA BEƊEAƊA

Jesuba jarasida critiano ɓai carea borocueibara. Baribʉrʉ, borocuei carea bʉa ĩjãida ɓʉa Ãcõrẽnera, oida Jeowaba jara ɓʉra idjaɓa Ãcõrẽ itea ɓaida.

Cawaɗara

• ¿Cãrẽda maʉ̃ borocueida idjaɓa cãrẽã biara ɓʉda?

• ¿Cãrẽã biara ɓʉda Ãcõrẽ itea ɓaida idjaɓa borocueira?

• ¿Ẽberãba cãrẽda oida Ãcõrẽ itea ɓai naẽna idjaɓa borocuei naẽna?

CAWADUA MÃSA

Cawadua cãrẽã ʉ̃cʉrʉba biẽ́ jarabadada borocueɗebemada idjaɓa wãrã arada cãrẽda maʉ̃ borocueida.

“¿Cãrẽda maʉ̃ borocueida?” (Acʉdua internene)

Wãya unudua ʉ̃cʉrʉ ʉ̃rãga biada carebabarida borocuei carea.

“Quĩrĩãnida idjaɓa bia ɓʉaɗa aɗida Jeowaa carebaida borocuei carea” (Cartaba Jara ɓʉda, 2020, Marzo)

Leadua aɓa umaquĩrã borocuesida cawabʉrʉɗe Jeowara.

“Quĩrĩã panasiɗada mʉ̃djiduɓa cawaida Jeowaa” (Cartaba Jara ɓʉda, 2013, Febrero 1)

Unudua cãrẽã biara ɓʉda borocueida idjaɓa bʉa cãrẽda poya oida borocuei carea.

“¿Mʉ̃a wãrãda borocue quĩrĩã ɓʉda?” (Cũdra ɓeaba idiɗara. Panunara biara ɓʉda, Dji libro 2, beɗea 37)