Jesuba jaradia ɓeɗa beɗea bia Ãcõrẽ Boroɗebemada

Dji borocueɗacarea Jesura ara maʉ̃da jaradia ɓesida dji Boro Ãcõrẽnebemada dãrãẽ́ne zeida. Dji ẽpẽbadarãra wãbadjiɗada idjime Galileaɗaa, Judeaɗaa siɗa. Jesura wãya jiruãbẽrãsida idji puruda Nazareɗaa. Wãsida sinagogaɗaa jãma ewasida idji cartara Isaíaɗebema. Idjaɓa leasida jĩgua: “Jeowaba mʉ̃a diasida dji Jaureda jaradiai carea beɗea biara ɓʉda”. ¿Cãrẽda jara quĩrĩãsi? Ẽberãrãba quĩrĩãsiɗada ununida jãʉ̃ ne ununaca Jesuba oɗa, baribʉrʉ idjia edasida Ãcõrẽ Jaure aɓabe jãʉ̃gʉ, dji mãsa biara ɓʉra jaradiai carea beɗea biara ɓʉ dji Boroɗebemada. Idjaɓa Jesuba jarasida: “Iɗi mãwã ɓʉda jãʉ̃ propeciaɗebemara”.

Mãwãnacarea Jesura wãsida pusa Galileaɗaa. Jãma unusida quĩmãrẽ dji ẽpẽbadarãda ɓeda bea panʉda. Idjia jarasida: “Zeɗadua mʉ̃me dji ẽberãra ɓeda beabadarãra”. Dji umaquĩrãrã trʉ̃ jarabada Pedro, Andre, Santiago idjaɓa Juaʉ̃. Ara maʉ̃da amesiɗada ãdji trajura ɓeda beabadarã idjime wãsiɗada. Galilea puruɗe jaradia wãbadjiɗada Ãcõrẽ Boroɗebemada. Jaradiabadjiɗada sinagogaɗe, ne nẽdo ɓaɗamae biɗa idjaɓa calleɗe biɗa. Zocãrã ẽberãrãba ẽpẽbadjiɗada ãdji wãbʉdaza jãʉ̃ beɗea biya Jesuɗe ũrĩni carea bariduamae idjaɓa tʉmʉ ɓasida Siriara.

Mãwãnacarea Jesuba diasida zareada ʉ̃cʉrʉrãba ẽpẽsiɗada biabiɗi carea cacua biẽ́ queɗeada idjaɓa diauru bara ɓea ãyã jʉretaɗi carea. Dewarara biɗa ãbaa wãbadjiɗada jaradiaɗi carea puru waiɓʉa ɓeaza idjaɓa puru zaque ɓeaza. Idjaɓa zocãrã wẽrãrãda panasiɗada jipa ĩjã ɓeada. Jãʉ̃gʉra wẽrãrãme ɓasida Maria Magdalenada, Juana, Susana idjaɓa dewara wẽrã siɗa.

Jesuba Jaradiapeɗa dji ẽpẽbadarãa Ãcõrẽ beɗeaɗebemada jaraɗamãrẽã, Jesuba diabuesida jaradiaɗe wãnamãrẽã. Wãbʉdamisa Galileada zocãrãba panesiɗada Jesuɗeda. Zocãrã ẽberãrãba quĩrĩã panasiɗada ẽpẽnida Jesura. Maʉ̃ carea borocuesiɗada. Maʉ̃ bʉrʉ idjia jarasida: “Ẽberãrãra ẽjũã ne uɗi quĩrãca ɓʉda. Jãʉ̃gʉra bia ɓasida ne uɗapeɗa jʉrʉ peɗira”. Idjia jarasida: “Dji idiɗadua Jeowaa diabueɗamãrẽã mãsa trajabadarãda jʉrʉ peɗi carea idjaɓa ne uɗi carea”. Mãwãnacarea jʉrʉ edasida 70 dji ẽpẽbadarãda idjaɓa diabuesida jaradiaɗe wãnamãrẽã Judeaɗaa. Ãdjirãba beɗeabadjiɗada jũmarãra caida Ãcõrẽ Boroɗeda. jiruãbẽrã zeɗacarea ãdjia nẽbʉrʉ quĩrĩãsiɗada Jesua ãdjirãra sãwã wãsiɗada. Diauruba poya oẽ́ ɓasida ara mamabe nũmʉ carea jaradiaɗira.

Jesuba jũma jaradiasida idji ẽpẽbadarãa ara maʉ̃ quĩrãca oɗamãrẽã jãʉ̃gʉ traju bio biara ɓʉda. Mãwãnacarea idjira jiruãbẽrãsiɗada ʉ̃taareba. Jarasida: “Jaradiaɗida biara ɓʉ beɗea dadji Boroɗebemada jũma ẽjũã entero. Jaradiaɗida beɗea biara ɓʉ Ãcõrẽnebemada ẽberãrãa idjaɓa borocueɗida”.