¿Cãrẽda jara quĩrĩã ɓʉ ni aɓaʉ araare ɓʉẽ́da?

Jesuba jarasida dji nĩbabadarãa “mʉ̃a bãrãra naʉ̃ ẽjũãnebemada edasia ãdjirã awara ɓeaɗamãrẽã” (Juaʉ̃ 15:19). Jãʉ̃ra jara quĩrĩã ɓʉda ni aɓaʉ araare panʉẽ́da idjaɓa djõbadarame panʉẽ́da. Eɗauɗe zarea ɓʉda ni aɓaʉ araare ɓaẽ́ carea ni djõbadarame ɓaẽ́ carea. Dadjirãra djõbadame ãbaa pananaẽ́bʉrʉ, ʉ̃cʉrʉ ẽberãrãra bio ipiɗa pananida dadjirã carea. ¿Cãrẽda oɗida ni aɓaʉ araare pananaẽ́ carea idjaɓa Jeowame nurẽmaza idjime caita ɓai carea?

1. ¿Critianorãba sãmasa acʉ panʉda naʉ̃ ẽjũãnebema borora?

Critianorãba bio waya panʉda naʉ̃ ẽjũãnebema borora. Jesuba jarasia: “Mãwã baibʉrʉ Romanebema boroɗera Romanebema boroa diaɗadua”. Jãʉ̃gʉda daiba o panʉa: ĩjã panʉda naʉ̃ ẽjũãnebema borora, ejemplo jaraɗida, bʉra ɓabarimae ãdjirãba baridua ne iɗi panʉra maʉ̃ra daiba pagaɗida panʉa (Marco 12:17). Ãcõrẽ Beɗeaba jaradia ɓʉda, naʉ̃ ẽjũãnebema bororãba eropanʉda Ãcõrẽba ɓʉɗa bẽrã (Romano 13:1). Baribʉrʉ daiba bia ĩjã panʉda dadji Ãcõrẽ Jeowara, idjiabʉrʉ aɓabe jũmarã cãyãbara ʉɓʉara ɓaera. Idjaɓa idjiabʉrʉ naʉ̃ ẽjũãra bia poya ara oida idji Boroɗeba.

2. ¿Cãrẽda oɗida ni aɓaʉ araare ɓaẽ́ carea?

Jesuba oɗa quĩrãca, daiba política oɗacada. Jesu naʉ̃ ẽjũãne ɓasiɗe idjia osida ne ununacada, maʉ̃ carea ẽberãrãba dji boroda ɓamãrẽã quĩrĩã panasiɗaa, baribʉrʉ Jesuba dji boro ɓa quĩrĩãẽ́ basída (Juaʉ̃ 6:15). ¿Idjia cãrẽã quĩrĩãẽ́ basida dji boro ɓai carea? Idjiabʉrʉ jarasida: “Mʉ̃ra ẽberãrã boromĩna mʉ̃ purura naʉ̃ ẽjũãnebemaẽ́a” (Juaʉ̃ 18:36). Jesu caiɗubemarãra ãdjia araareɗebemarãẽ́a. Ne jara ɓʉ quĩrãca, daiba djõne wãnaẽ́da (Leadua Miqueas 4:3). Dairãba wayabadada puru naʉ̃ ẽjũãnebema bandera, mãwã ɓʉmĩna daiba acʉɗacada jãʉ̃ bandera idjaɓa idiɗacada jãʉ̃ banderaa, dadjirãba ʉ̃taa dji idiɗaca panʉa jãʉ̃ banderaa (1 Juaʉ̃ 5:21). Política araare panʉẽ́da dairãba ĩjã oɗida Ãcõrẽ Boroabʉrʉ Jeowabʉrʉ ɓʉɗa bẽrã.

BIO CAWAƊIDA NAɄ̃ BEƊEAƊE

3. Critiano wãrãra ni aɓaʉ araare ɓʉẽ́a

Jesu nĩbabadarãba jãʉ̃ra jaradiasiɗada. Leaɗadua Romano 13:1, 5-7; idjaɓa 1 Pedro 2:13, 14. Mãwãnacarea, acʉɗapeɗa dji VIDEODA, beɗeaɗadua.

VIDEO: Critiano wãrãra ni aɓaʉ araare ɓʉẽ́a (dji 1) (4:28)

• ¿Cãrẽ cãrẽã wayaɗida panʉda naʉ̃ ẽjũãnebema borora?

• ¿Dadjirãba cãrẽda oɗida acʉbiɗi carea wãrãda waya panʉda ãdjirãba opeɗaɗara?

Djõ panʉne, ʉ̃cʉrʉ puruɗe ãdjirãba jarabadada aɓaʉba ãdjirã carebaɗaẽ́da, baribʉrʉ careba panʉda ãdjirãa. Baribʉrʉ jãʉ̃ o panʉbʉrʉ, ¿wãrãda ni aɓaʉ araare ɓʉẽ́da? Leaɗadua Juaʉ̃ 17:16. Mãwãnacarea acʉɗapeɗa dji VIDEODA, beɗeaɗadua.

VIDEO: Critiano wãrãra ni aɓaʉ araare ɓʉẽ́a (dji 2) (3:11)

• ¿Cãrẽda jara quĩrĩã ɓʉda ni aɓaʉ araare ɓʉẽ́da?

Eɗauɗe naʉ̃ ẽjũãnebema bororãba jarabadada dadjirãba oɗamãrẽã Ãcõrẽba quĩrĩãcara. Mãwã jaraɗibʉrʉ, ¿dairãba cãrẽda oɗibara panʉ? Leaɗadua Hecho 5:28, 29. Mãwãnacarea acʉɗapeɗa dji VIDEODA, beɗeaɗadua.

VIDEO: Critiano wãrãra ni aɓaʉ araare ɓʉẽ́a (dji 3) (1:18)

• Naʉ̃ ẽjũãnebema boroba ne awara jara ɓʉbʉrʉ idjaɓa Ãcõrẽ Beɗeaɗe awara jara ɓʉbʉrʉ, ¿caiabʉrʉ ĩjãnida panʉa?

• ¿Sãʉ̃bebʉrʉ critiano wãrã araba ĩjãnaẽ́da naʉ̃ ẽjũãnebema borora?

4. Ni aɓaʉ araare ɓʉẽ́da bʉ quĩchara idjaɓa bʉ soɗeba

Leaɗadua 1 Juaʉ̃ 5:21. Mãwãnacarea, acʉɗapeɗa dji VIDEODA, beɗeaɗadua.

VIDEO: Cãrẽ cãrẽã critiano wãrã ara so zarea ɓaida ɓʉa: Ni aɓaʉ araare ɓʉẽ́da (2:49)

• ¿Cãrẽ cãrẽã Ayengeba carebaẽ́ basida políticora? ¿Cãrẽ cãrẽã idjia dji idiẽ́ basida jãʉ̃ banderaa?

• Bʉmaarã, ¿idjia jãʉ̃ra bia osida?

¿Cãrẽ sãwãya dadjirã dewara araare ɓʉẽ́da? Acʉɗapeɗa dji VIDEODA, beɗeaɗadua.

VIDEO: “Cartaba jara ɓʉra” jaradia ɓʉra: Dadjirãra dewara araare pananaẽ́da naʉ̃ ẽjũãne aɓa aɓa ɓʉɗe (5:16)

• ¿Sãwã dadjirãba acʉbi panʉda jũma purura jãʉ̃ jemenebʉdaɗe wãrãda dadjirãra dewara araare panʉẽ́da?

• ¿Sãwã acʉbi panʉda dadjirãra dewara araare panʉẽ́da jãʉ̃ político obʉdaɗe dadjiduɓa biara ɓʉda wa biẽ́ ɓʉda?

• Noticieroba acʉbi panʉne idjaɓa beɗea panʉne ẽberãrãme naʉ̃ ẽjũãnebema mãwã panʉra, ¿sãwã acʉbiɗida dadjirã carebaẽ́da dewara araare pananaẽ́ carea?

JŨMA BEƊEAƊA

Critianorãra bio esfuerzo o panʉda dewara araare panʉẽ́ carea jãʉ̃gʉbʉrʉ ãdjirã politicaɗe oɗacada, politica ɓeaɗe participaɗacada, jãʉ̃gʉba poya acʉbi ɓʉda ãdjia beɗeabʉdaɗe, ãdjia quĩcha panʉra idjaɓa ãdjia o panʉra.

Cawaɗara

• ¿Cãrẽda oɗida panʉda ẽjũãnebema bororãba jara panʉne?

• ¿Cãrẽ cãrẽã dadjirã dewara araare panʉẽ́da jãʉ̃ políticaɗe?

• ¿Cãrẽ sãwãyabʉrʉ jãʉ̃ra zarea ɓʉda dewara araare panʉẽ́mĩna?

CAWADUA MÃSA

¿Cãrẽda oɗida panʉa dewara araare pananaẽ́ carea?

Jeowaba dadjirãra iduɓa ameẽ́da (3:14)

¿Cuariarãba sãwã poya carebaɗida panʉda ãdji dewara araare pananaẽ́ carea?

Dewara araare pananaẽ́da ẽberãrãba acʉ druanʉ (4:25)

Zocãrã baraa biara ɓʉda djõnida ãdji puru carea, baribʉrʉ ¿jãʉ̃da wãrãda?

“Ãcõrẽmaarã jũma poya oicha ɓʉda” (5:19)

¿Sãwã acʉbi panʉda wãrãda dadjirãra naʉ̃ ẽjũãnebemaẽ́da idjaɓa jãʉ̃ trajubʉdaɗe?

“Dadjiza oɗida panʉra jũma jipa oɗida” (Cartaba Jara ɓʉda, 2006, Marzo 15)

Dãrãẽ́ne jũmarãa critianorãra ẽpẽnenida. ¿Jãʉ̃ba ne wayaida?

1. ¿Cãrẽ cãrẽãbʉrʉ cawa panʉda dadjirãra ẽpẽnenida?

Ãcõrẽ Beɗeaba ebuɗa jara ɓʉda “jũma Jesucrito ĩjã ɓea Ãcõrẽ quĩrãpita bia nĩnada ẽberãrãba biẽ́ oɗi carea ẽpẽnia” (2 Timoteo 3:12). Jesura ẽpẽsiɗada, idjira naʉ̃ ẽjũãne Diauruɗebemaẽ́ ɓaɗa bẽrã. Idjaɓa dadjirãra Jesu quĩrãca naʉ̃ ẽjũãnebemaẽ́ bẽrã, maʉ̃gʉ bẽrã bororã naʉ̃ ẽjũãnebemada idjaɓa religioʉ̃ sewaida ɓeaba dadjirãra ẽpẽ panʉda (Juaʉ̃ 15:18, 19).

2. ¿Ẽpẽ naẽna cãrẽda poya oɗida?

Iɗiɗera bio ĩjãnida Ãcõrẽ Beɗeara. ¿Jãʉ̃da sãwã oɗida? Ewariza ʉ̃taa idiɗida idjaɓa leaɗida idji beɗeara. Ãbaa jʉreɗida dadji djabarãya congregacioʉ̃ne domiaza. Naʉ̃ba jũma diaida ʉɓʉa ɓai carea ẽpẽbʉdaɗe dadjirãa idjaɓa dadji cuariarãba ẽpẽ ɓʉɗamĩna. Dji apóstol Paulo idjira ara catrua ẽpẽsiɗada, maʉ̃gʉbʉrʉ ɓʉsida: “Mʉ̃ Boroba [Jeowa] mʉ̃ra careba ɓʉa. Maʉ̃ bẽrã mʉ̃ra ne wayaẽ́ ɓʉa” (Hebreo 13:6).

Sozarra ɓeaɗi carea bio biara ɓʉda Ãcõrẽ Beɗea jaradiaɗida. Dji jaradia ɓʉba careba ɓʉda ẽberãa wayaẽ́ carea idjaɓa biara ĩjã panʉda Jeowaa (Proverbios 29:25). Ara naʉ̃da bʉa ʉɓʉa eroɓʉbʉrʉ bʉa poya mãsa jaradiaida Ãcõrẽ Beɗeara dji bororãba naʉ̃ ẽjũãnebema obiẽ́ quĩrĩã panʉne (1 Tesalonica 2:2).

3. Dewaraʉba ẽpẽbʉdaɗe droa panʉbʉrʉ ¿bia ɓʉda?

Ni aɓaʉba quĩrĩãcada dewaraʉba ẽpẽira. Baribʉrʉ droa panʉbʉrʉ dewaraʉba ẽpẽbʉdaɗe bio ĩjãnida Ãcõrẽ Beɗeara. Idjaɓa caita Ãcõrẽme pananida unu pananaera Jeowaba careba ɓʉda, maʉ̃gʉbʉrʉ ĩjã panʉda dadji ʉɓʉaẽ́ ɓʉɗe (Leadua Santiago 1:2-4). Jeowa sopua ɓʉda djuburia panʉne, baribʉrʉ idjira so ɓʉsriɗa ɓʉda dadji esfuerzo o panʉne droaɗi carea. Ãcõrẽ Beɗeaba jara ɓʉ: “Bia o panʉ carea mĩga panʉne droaɗi bʉrʉ, Ãcõrẽba bia unuya” (1 Pedro 2:20). Jũmarã dji droa panʉbʉrʉ idjaɓa jipa panʉbʉrʉ, Jeowaba ne bia diaida naʉ̃ ẽjũãne dãrã panani carea idjaɓa dji quĩrũrã neẽ́ ɓaya (Mateo 24:13).

BIO CAWAƊIDA NAɄ̃ BEƊEAƊE

4. Bʉa poya droaida ẽpẽ panʉne bʉ cuariarãba

Jesuba jarasida wãrãda ʉ̃cʉrʉra dji cuariarãra ẽpẽnida Ãcõrẽ Beɗea ĩjã panʉ carea. Leaɗapeɗa Mateo 10:34-36, beɗeaɗadua:

• Aɓaʉba ĩjãibʉrʉ Ãcõrẽ Beɗeara, ¿dji cuariarãra sãwã quĩchaɗida?

VIDEO: Jeowaba waga ɓʉda dadjirãra (5:13)

• ¿Cãrẽda bʉa oida ɓʉ cuariarãba wa bʉ dji biarãba jaraida bʉra Ãcõrẽ Beɗea idu ɓʉmãrẽã?

Leaɗadua Salmo 27:10 idjaɓa Marco 10:29, 30. Leaɗapeɗa texto aɓa aɓa, beɗeaɗadua:

• ¿Jãʉ̃ beɗeaba sãwã poya careba ɓʉda bʉ cuariarãba wa bʉ dji biarãba ẽpẽbʉdaɗe?

5. Dewaraʉba ẽpẽ panʉmĩna idu ɓʉẽ́da Jeowara

VIDEO: Ʉɓʉa panʉ dewaraʉba ẽpẽ panʉne (6:27)

• Jãʉ̃gʉ videoba jaraɗa, ¿bʉra sãwã careba ɓʉda ʉɓʉa ɓai carea?

Leaɗadua Hecho 5:27-29 idjaɓa Hebreo 10:24, 25. Leaɗapeɗa texto aɓa aɓa, beɗeaɗadua.

• ¿Cãrẽ cãrẽãbʉrʉ bio biara ɓʉda Jeowaa igaraẽ́da dji bororã naʉ̃ ẽjũãnebemaba iduaribida wã panʉmĩna Ãcõrẽ Beɗea jaradiaɗi carea idjaɓa ãbaa jʉreɗi carea?

6. Jeowaba careba ɓʉda droai carea

VIDEO: Jeowaba mʉ̃ra ʉɓʉabida (3:40)

• ¿Cãrẽba carebasida jãʉ̃ Beɗea ɓeara Jeowaɗebema droaɗi carea ẽpẽ panasiɗaɗe?

Leaɗadua Romano 8:35; 37-39 idjaɓa Pilipo 4:13. Leaɗapeɗa texto aɓa aɓa, beɗeaɗadua.

• Naʉ̃ textoba jaraɗa quĩrãca, ¿sãwã bʉa poya droaida dewara ne cadjirua ɓea?

Leaɗapeɗa Mateo 5:10-12, beɗeaɗadua:

• ¿Cãrẽ cãrẽãbʉrʉ bʉra so ɓʉsriɗa ɓaida jãʉ̃ ẽpẽ panʉne?

JŨMA BEƊEAƊA

Jeowaba bia unumʉda esfuerzo o panʉne idji beɗea ĩjãni carea ẽpẽ panʉne. ¡Idjia careba ɓʉba poya droaɗida!

Cawaɗara

• ¿Cãrẽã cawa panʉ critianorãra ẽpẽnida?

• ¿Cãrẽda poya oida ara naʉ̃da ẽpẽni zebʉrʉɗe?

• ¿Cãrẽã bʉa wãrãda ĩjã ɓʉda ẽpẽnibʉdaɗe poya ĩjãnida Jeowa beɗeara?

CAWADUA MÃSA

Acʉdua sãwã carebasida Jeowaba aɓa djaba cũdraba idji presoɗe ɓasiɗe dewara araare wãẽ́ ɓasi.

Ẽpẽ panʉmĩna droaɗida (2:34)

Cawadua cãrẽba carebasida umaquĩrãa idji quimame Ãcõrẽme ɓai carea zocãrã poa ẽpẽ panasiɗaɗe.

Ĩjãsiɗaɗa Jeowa Beɗeada awarasimĩna (7:11)

Cawadua sãwã droaɗida ẽpẽbʉdaɗe ʉɓʉa.

“Arã naʉ̃da oɗida ẽpẽbʉdaɗe” (Cartaba Jara ɓʉda, 2019, Julio)

¿Cãrẽda cawaɗibara dji cuariarãba ẽpẽbʉdaɗe? ¿Sãwã poya necai pananida idjaɓa jipa Jeowame pananida?

“Dji wãrãba dia ɓʉẽ́da necai pananamãrẽã maʉ̃ cãyãbara dia ɓʉda ãbaaẽ́ pananamãrẽã” (Cartaba Jara ɓʉda, 2017, Octubre)