¿Cãrẽ cãrẽã djuburia panʉda idjaɓa ne cadjirua mãwã panʉda?

Ne cadjirua mãwã panʉne zocãrã ẽberãrãba idibadada “¿Cãrẽã mãwã ɓasida jãʉ̃ra?”. ¡Bia senti panʉda Bibliaba jãʉ̃ idiɗara panuna bẽrã!

1. ¿Diauruba cãrẽda osi naʉ̃ ẽjũãnaa diabuei carea ne cadjiruara?

Diauruba ĩjãẽ́ basí Ãcõrẽnera. Idjia manda quĩrĩã ɓasida ẽberãra naãrãbema Adaʉ̃ idjaɓa Evara; Diauruba ne cadjirua obisida ãdjirãra ĩjãrãnamãrẽã Jeowaɗeda. Jãʉ̃ra jãwã ɓasida Diauruba sewa jarasiɗe Evada (Genesi 3:1-5). Diauruba quĩchabisida Evara, Jeowara cadjiruada idjaɓa idjia quĩchabisida Ãcõrẽba ne biada mẽrã ɓʉda. Diauruba jarasida ẽberãrãba ĩjãnaẽ́ panʉbʉrʉ Jeowaɗeda bia wãnida. Diauruba jara ɓasiɗe Eva jãʉ̃ nejõ jõnibʉrʉ beuɗaẽ́da, jãʉ̃gʉdrʉ naãrãbema sewa ɓasida. Maʉ̃ carea Bibliaba jara ɓʉda Diaurura “sewa obaria sewaiɗa ɓʉ bẽrã idjaɓa sewa zeza bẽrã” (Juaʉ̃ 8:44).

2. ¿Cãrẽda osiɗa Adaʉ̃ Eva biɗa?

Jeowaba ne zocãrã ne bia diasida Adaʉ̃ Eva biɗa. Idjia ãdjirãra jarasia jũma naʉ̃ ẽjũãne ɓea nejõra jõnida panʉa, baribʉrʉ aɓabe néu ẽsibemanebemara poya jidaɗaẽ́da (Genesi 2:15-17). Baribʉrʉ ãdjirãba cosiɗada jãʉ̃ bacuruɗebemada. Evaba “ɓa edapeɗa jõsia. Jõpeɗa dji quimaa diasia. Maʉ̃ne idjia biɗa jõsia” (Genesi 3:6). Maʉ̃be ãdjirã umé ĩjãnaẽ́ basida Ãcõrẽra. Ãdjirãra jipa panana bẽrã ne bia oɗibara ɓasida, baribʉrʉ ãdjia ĩjãna quĩrĩẽ́ panasiɗaa Jeowara, maʉ̃ bʉrʉ ne cadjiruara osiɗada. Jãʉ̃ ne cadjiruara oɗa bẽrã djuburia panasiɗada (Genesi 3:16-19).

3. ¿Dadjirãra sãwã biẽ́ panʉda jãʉ̃ba Adaʉ̃ Evaba oɗaɗeba?

Adaʉ̃ba Eva biɗa pecao osiɗaɗe ãdjirã jipaẽ́ panesiɗada, maʉ̃ bʉrʉ ãdjirãra jũma ẽberãra ne cadjirua diabuesiɗada. Adaʉ̃neba Bibliaba jara ɓʉda: “Ẽberã aɓaʉɗeba cadjiruara naʉ̃ ẽjũãne zesia. Idjaɓa maʉ̃ cadjiruaɗeba dadji beuɗira zesia. Jũmarãba cadjiruada obada bẽrã beubadaa” (Romano 5:12).

Maʉ̃ carea, ¿cãrẽ cãrẽã djuburia panʉda? Eɗauɗe quĩchabadaa quĩcha cadjirua. Ewari aɓaʉɗe djuburia panʉ ẽberã cadjiruara cuentaɗeba, idjaɓa ne cadjirua jʉ̃ãnaẽ́ panʉmĩna ne cadjirua mãwãbarida (Leadua Eclesiastés 9:11).

BIO CAWAƊIDA NAɄ̃ BEƊEAƊE

4. Caiɗeba djuburia panʉda

Zocãrã ẽberãrãba quĩcha panʉda Ãcõrẽra naʉ̃ ẽjũãra eroɓʉda, baribʉrʉ ¿jãʉ̃ra wãrãda? Acʉɗadua dji VIDEODA.

VIDEO: ¿Caiba eroɓʉda naʉ̃ ẽjũãra? (1:24)

Leaɗapeɗa Santiago 1:13 idjaɓa 1 Juaʉ̃ 5:19, beɗeaɗadua:

• ¿Ãcõrẽneba dadjirã djuburia panʉda idjaɓa ne cadjirua mãwã panʉda?

5. Cãrẽda mãwã ɓʉ Diauruba manda ɓaera

VIDEO: ¿Cãrẽã Ãcõrẽba idu djuburiabibarida? (djubibi ɓʉ) (3:07)

Leaɗapeɗa Genesi 3:1-6, beɗeaɗadua:

• ¿Diauruba cãrẽda sewa jarasi? (Acʉɗadua dji caibea 4 idjaɓa 5).

• ¿Diauruba cãrẽ sewa jarasida ẽberãrãba quĩchaɗamãrẽã Ãcõrẽba mẽrã ɓʉda ne biada?

• Diaurumaarã, ¿ẽberãra necesita panʉda Jeowara bia panani carea?

Leaɗapeɗa Eclesiastés 8:9, beɗeaɗadua:

• Iɗi ewariɗera Jeowaba manda ɓʉẽ́da naʉ̃ ẽjũãra, maʉ̃ bʉrʉ ¿sãwã duanʉda ẽberãrãra?

1. Adaʉ̃ idjaɓa Eva jipa panasiɗaa naʉ̃ ẽjũã mera quiru ɓasiɗe, baribʉrʉ ĩjãsiɗada Diauru beɗeara idjaɓa ãdjirãba igarasiɗada Jeowara

2. Ãdjirãba jãʉ̃ ne cadjiruara oɗaɗeba ẽberãrã pecao eropanʉ, djuburia panʉda idjaɓa beubadaa

3. Jeowaba dadjirã ne cadjiruara jõbiya idjaɓa beubadara jõbiya. Ẽberãrã jipa panania idjaɓa ẽjũã mera quiruda panania

6. Jeowaba sopuabarida dadjirãra djuburia panʉne

¿Jeowaba unu ɓʉda dadji djuburia panʉne? Acʉɗida dji boro Davi idjaɓa dji apóstol Pedroba ɓʉpeɗaɗara. Leaɗadua Salmo 31:7 idjaɓa 1 Pedro 5:7, beɗeaɗadua:

• ¿Bʉa sãwã senti ɓʉda cawai carea Jeowaba unu ɓʉda dadjirãba djuburia panʉne idjaɓa dadji beɗea droma eropanʉne?

JŨMA BEƊEAƊA

Diauruɗeba idjaɓa ẽberãrã naãrãbemaneba djuburia panʉda naʉ̃ ẽjũãne. Jeowaba sopuabarida dadjirãra djuburia panʉne, maʉ̃ bẽrã dãrãẽ́ne djuburiara jõbiya.

Cawaɗara

• ¿Diauruba cãrẽ sewada jarasida Evaa?

• ¿Adaʉ̃ Eva oɗaɗeba jãʉ̃ba sãwã panʉda dadjirãra?

• ¿Cãrẽ cãrẽã jara panʉda Jeowara sopuabarida dadjirã djuburia panʉ carea?

CAWADUA MÃSA

Cawadua Ãcõrẽ Beɗea cãrẽ jara ɓʉda dadjirã cadjiruaɗebemada.

“¿Careda maʉ̃ pecaora?” (Acʉdua internene)

Leadua mãsa Diauruba oɗara naʉ̃ ẽjũã quĩrãwãrẽãne Edeʉ̃.

“¿Ãcõrẽbã cãrẽã iduaribibarida djuburiara?” (Cartaba Jara ɓʉda, 2014, Enero 1)

Jʉrʉdua beɗeada aɓa sobiabi carea idjaɓa acʉdua idiɗada zarea ɓʉda panuida.

“¿Cãrẽã zocãrã quenasiɗada judiorãra? ¿Cãrẽ cãrẽã Jeowaba jãʉ̃ra iduaribisida?” (Acʉdua internene)

Acʉdua ẽberãra djuburiabadada cãrẽda cawasida.

Mʉ̃ra mʉ̃duɓa ɓʉẽ́a (5:09)

Adaʉ̃ Eva siɗa ĩjãẽ́ basida Ãcõrẽnera.a Maʉ̃ bʉrʉ iɗi ewariɗera ne cadjirua o panʉda, djuburia panʉda idjaɓa beubadaa. Baribʉrʉ Jeowaba careba quĩrĩã ɓʉda idji warraɗeba Jesucrito, ẽdrʉ ɓʉi carea dadjirãra beuɗaɗebemada idjaɓa ne cadjiruaɗebemada. Ãcõrẽ Beɗeaba jaradia ɓʉda, Jesu idji beuɗaɗeba ẽdrʉ ɓʉsida dadjirãra. Jãʉ̃ beɗea ẽdrʉ ɓʉi, jara quĩrĩã ɓʉda parataba pagapeɗa ẽdrʉ edai quĩrãca. Ara maʉ̃ quĩrãca, Jesuba beusida zocãrã ẽberãrãda ẽdrʉ ɓʉi carea (Leadua Mateo 20:28). Jesura ẽberã jipa ɓaɗa bẽrã idjaɓa ĩjãna bẽrã jũma Jeowaba jaraɗara, idjia poya dãrã ɓacasia naʉ̃ ẽjũãne ɓasiɗe. Baribʉrʉ idjia beu quĩrĩã ɓasida diai carea ẽberãrãra jũma Adaʉ̃ Eva siɗa aduaɗara. Jãʉ̃gʉba acʉbisida Jeowaba idji warra biɗa bio quĩrĩã panʉda dadjirãa. Naʉ̃ beɗeaba bio carebaida bʉra bia ɓʉaɗa ai carea Jesu beuɗaɗeba.

1. ¿Sãwã careba ɓʉda Jesu beuɗaba iɗi ewariɗera?

Dadjirãra jipaẽ́ panʉ bẽrã obadada Jeowa quĩrĩãcara. Baribʉrʉ ne cadjiruara igara panʉbʉrʉ idjaɓa iwiɗi panʉbʉrʉ Jeowaa quĩrãdoai carea dadji ne cadjirua Jesuɗeba, dji biarã poya pananida Ãcõrẽme. Esfuerzo oɗida panʉa jãʉ̃ ne cadjirua igaraɗi carea (1 Juaʉ̃ 2:1). Ãcõrẽ Beɗeaba jara ɓʉ: “Critora jipa ɓʉmĩna cadjirua carea ɓarima aɓa beusia. Maʉ̃ba dadjirã dji jipaẽ́ ɓeara Ãcõrẽ ume bia ɓʉsia” (1 Pedro 3:18).

2. ¿Jesu beuɗaba sãwã carebaida ewari zebʉrʉɗera?

Jeowaba diabuesida idji warra beui carea jipa ɓasimĩna “jũma idji ĩjãbʉdara aduarãnamãrẽã, ãtebʉrʉ [Jesume] ewariza zocai ɓeaɗamãrẽã” (Juaʉ̃ 3:16). Jesuba oɗa carea, Jeowaba dãrãẽ́ne ẽdrʉ ɓʉida dadjirãa ne cadjiruaɗebema idjaɓa beuɗaɗebema. Jãʉ̃gʉra jãwã jara quĩrĩã ɓʉda ĩjã panʉbʉrʉ Jesuba oɗara, ¡ẽjũã quĩrãwãrẽãne dãrã poya pananida! (Isaías 65:21-23).

BIO CAWAƊIDA NAɄ̃ BEƊEAƊE

3. Jesu beuɗaba ẽdrʉbi ɓʉda dadjirãa ne cadjiruaɗebema idjaɓa beuɗaɗebema

VIDEO: ¿Cãrẽã Jesu beusi? (Dji 1) (2:01)

• Adaʉ̃ ĩjãca ɓaɗa bẽrã Ãcõrẽa, ¿cãrẽ aduasida?

Leaɗapeɗa Romano 5:12, beɗeaɗadua:

• Bʉmaarã, ¿cãrẽã bia ɓʉda cawaida Adaʉ̃ oɗara?

Leaɗapeɗa Juaʉ̃ 3:16, beɗeaɗadua:

• ¿Cãrẽ cãrẽã Jeowaba diabuesida dji warra naʉ̃ ẽjũãnaa zemãrẽã?

1. Adaʉ̃ jipa ɓasida, baribʉrʉ idjia ĩjãẽ́ ɓaɗa bẽrã Ãcõrẽnera, jũma ẽberãrã cadjiruara panesiɗaa idjiɗeba idjaɓa jũmarã beubadaa

2. Jesura jipa ɓasida, baribʉrʉ idjia ĩjãna bẽrã Ãcõrẽa, jũma ẽberãrã jipa panania idjiɗeba idjaɓa dãrã poya pananida

4. Jesu beuɗaba poya carebaida ẽberãrãra jũma

VIDEO: ¿Cãrẽã Jesu beusi? (Dji 2) (2:00)

• ¿Cãrẽ cãrẽã aɓa ẽberã beuɗaɗeba jũma ẽberãrãra careba ɓʉda?

Leaɗapeɗa 1 Timoteo 2:5, 6, beɗeaɗadua:

• Adaʉ̃ jipa ɓasida, maʉ̃ bẽrã cadjirua o ɓasiɗe idjiɗeba ẽberãrãra cadjirua panesiɗaa idjaɓa beubadaa. Jesura biɗa ẽberã jipa ɓasida. ¿Cãrẽda osida “ara idjida idu beabisia jũma ẽberãrãda ẽdrʉ ɓʉi carea”?

5. Ẽdrʉbibarira jãʉ̃ra ne baribema quĩrãca ɓʉda

Ãcõrẽ dji biarã quĩcha panʉa Jesura beusida aɓa aɓaʉ carea. Cawaɗamãrẽã jãʉ̃ra, leaɗapeɗa Galata 2:20, beɗeaɗadua:

• Dji apóstol Pauloba jaraɗara, ¿cãrẽ acʉbi ɓʉda idjia quĩcha ɓabadjida Jesu beusida idji carea?

Adaʉ̃ba ne cadjirua oɗa carea dji yõnara jũma beuɗi ɓasida. Baribʉrʉ Jeowaba idji warra diabuesida naʉ̃ ẽjũãnaa beumãrẽã, maʉ̃ bʉrʉ bʉa poya dãrã ɓaida naʉ̃ ẽjũãne.

Naʉ̃gʉ textora lea ɓʉɗe, quĩchadua sãwã senti ɓabadjida Jeowaba unusiɗe dji warra djuburia ɓasida. Leaɗapeɗa Juaʉ̃ 19:1-7, 16-18, beɗeaɗadua:

• ¿Sãwã senti ɓʉda bʉa Jeowaba Jesu biɗa oɗaba bʉ carea?

JŨMA BEƊEAƊA

Jesuba beuɗa carea Jeowaba quĩrãdoa ɓʉda dadji ne cadjiruara idjaɓa careba ɓʉda dadjirãa dãrã panani carea.

Cawaɗara

• ¿Cãrẽ cãrẽã Jesu beusida?

• Jesura jipa ɓaɗa bẽrã, ¿cãrẽ cãrẽã jãʉ̃gʉra poya ẽdrʉ ɓʉida?

• ¿Jesu beuɗaba careba ɓʉda bʉra?

CAWADUA MÃSA

Cawadua cãrẽ cãrẽã Jesu jipa ɓaɗa bẽrã ẽdrʉbisida dadjirãa.

“¿Cãrẽã Jesu beuɗaɗeba ‘zocãrã ẽberãrãda ẽdrʉʼ ɓʉida?”(Acʉdua internene)

Cawadua cãrẽda oɗida panʉ dadjirãba ẽdrʉɗamãrẽã.

“¿Jesuba sãwã ẽdrʉbi ɓʉda dadjirãa?”(Acʉdua internene)

Bio ne cadjirua o panʉbʉrʉ, ¿Jeowaba quĩrãdoabarida?

“Idiɗara Ãcõrẽ Beɗeaɗebemada” (Cartaba Jara ɓʉda, 2013, Mayo 1)

Umaquĩrãba cawapeɗa Jesuba oɗara jãʉ̃gʉba carebasida ne cadjirua waa orãmãrẽã. Dji nẽbʉrʉɗada leadua.

“Mʉ̃a waa ne cadjirua ocaa” (Acʉdua internene)