3. ¿Sãwã unubi panʉda quĩrĩã Jesuɗera Beɗea ɓeara Jeowaɗebemarãba?

Jesuba bio quĩrĩã ɓasida dji ẽpẽbadarãra, idjimaarã wãrã arada dji cuariara quĩrãca ɓasida (Leadua Marco 3:35). Ara maʉ̃ quĩrãca, Beɗea ɓeara Jeowaɗebemara ãbaa panʉda. Maʉ̃ bẽrã, jũma ẽjũãne cuariara quĩrãca panʉda idjaɓa trʉ̃ jarabadada “djabarã” idjaɓa “djabawẽrãrã” (Pilemoʉ̃ 1, 2). Naʉ̃gʉ obi ɓʉra ĩjã panʉa: “Djabarãra bio quĩrĩãnadua” (1 Pedro 2:17). Beɗea ɓeara Jeowaɗebemarãba naʉ̃gʉ quĩrĩãra ne zocãrãneba unubi panʉa dadji djabarãba ne cadjirua mãwã panʉne.

6. Borocueɗapeɗa cuariara Ãcõrẽnebemada panʉda

Borocueɗapeɗa ãbaa panʉda dji cuariara bia. Ãdjirãra jũma naʉ̃ ẽjũãnebemada, crĩchaɗacada sãmaʉba zesiɗada idjaɓa naẽna o ɓaɗara crĩchacada. Jũmarãba Ãcõrẽ Beɗeaba jara ɓʉra aɓarida obadada. Leaɗapeɗa Salmo 25:14 idjaɓa 1 Pedro 2:17, beɗeaɗadua:

• Naʉ̃gʉ texto jara ɓʉ quĩrãca, ¿sãwã carebaida borocuebarida?

Ãbaa panʉne dadji djabarãme bia senti panʉda Davi quĩrãca, idjia jarasia: “Biara ɓʉda dadji djabarãra ãbaa pananida” (Salmo 133:1). Baribʉrʉ ãbaa panani carea esfuerzo oɗibara panʉ aɓa aɓa.

1. ¿Ãcõrẽ purura ẽberãrãba sãwã unubada?

Bʉa dewara puruɗe wãibʉrʉ ãbaa jʉreɗi carea dewara congregacioʉ̃me, bia ũrĩẽ́mĩna ãdji beɗea, bia poya sentida. ¿Cãrẽ cãrẽã? Beɗeaẽ́da bʉa sãmabʉrʉ ɓʉ bẽrã, Beɗea ɓeara Jeowaɗebemarãba puruza aɓarida estudiabadada ãbaa jʉre panʉne. Dadjirãba wãrã arada quĩrĩã panʉda dadjirãya. Idjaɓa dadjirãra esfuerzo oɗida “bia beɗeaɗi carea Ãcõrẽ trʉ̃ra” idjaɓa “ãbaa dji idiɗi quĩrĩã panʉda” (Sofonías 3:9, beɗea eɗaare).

2. ¿Bʉa cãrẽda poya oida bʉ congregacioʉ̃ra ãbaa ɓai carea?

“Soɗeba wãrãda bio dji quĩrĩã ɓeaɗadua” (1 Pedro 1:22). ¿Cãrẽda poya oɗida naʉ̃gʉ beɗea oɗi carea? Ununaẽ́da dewaraʉba ne cadjirua eropanʉra, maʉ̃ cãyãbara biara ɓʉda crĩchaɗida ne bia eropanʉda. Aɓabe bʉrʉ ãbaa ɓaẽ́da ẽberã ɓʉ quĩrãca bʉme. Cawadua mãsa jũma djabarã congregacioʉ̃nebemara dewara puruɗe panʉmĩna. Bʉ soɗe cadjirua biaẽ́ crĩcha ɓaɗara awara ɓʉida jipa crĩchai carea (Leadua 1 Pedro 2:17).a

3. ¿Bʉa cãrẽda poya oida bʉ djabame quĩrũ ɓʉbʉrʉ?

Dadjirãra wãrã arada ãbaa panʉda, baribʉrʉ jũmarãra jipaẽ́ panʉ bẽrã eɗauɗe ne cadjirua poya oɗida wa poya quĩrũnida dewararãme. Maʉ̃ carea Ãcõrẽ Beɗeaba jara ɓʉda “Aɓaʉba biẽ́ osira maʉ̃ biẽ́ oɗara quĩrãdoaɗadua” idjaɓa jara ɓʉda “bãrãba biẽ́ opeɗaɗara dadjirã [Jeowaba] quĩrãdoaɗa quĩrãca bãrã biɗa quĩrãdoaɗadua” (Leadua Colosa 3:13). Ewariza dadjirãba ne cadjirua obadaa, baribʉrʉ Jeowaba quĩrãdoabarida. Maʉ̃ bẽrã Ãcõrẽba quĩrĩã ɓʉda dadjirãba quĩrãdoaɗida dadji djabarã ne cadjirua o panʉne. Bʉa cawa ɓʉbʉrʉ aɓaʉba bʉme quĩrũ ɓʉda, bʉ djabame ibiaɗe wãdua jãʉ̃ beɗea droma ara oɗi carea (Leadua Mateo 5:23, 24).b

BIO CAWAƊIDA NAɄ̃ BEƊEAƊE

4. Bʉ soɗe cadjirua biaẽ́ quĩcha ɓʉ ɓaɗara awara ɓʉida

Dadjirãba dadji soɗeba quĩrĩã panʉda jũma djabarãa. Baribʉrʉ eɗauɗe zarea ɓʉda bia ɓai carea jũmarãme, ʉ̃cʉrʉra awara panʉ bẽrã dadjirã quĩrãca. ¿Cãrẽba poya carebaida? Leaɗapeɗa Hecho 10:34, 35, beɗeaɗadua:

• Jeowaba quĩrĩã ɓʉda jũmarãra beɗeaẽ́da sãmaʉba zebʉdaa. Maʉ̃ bʉrʉ ¿bʉa sãmasa unuida ɓʉ ẽberã bʉ quĩrãca awara ɓʉda?

• Bʉra ɓabarimae, ¿ẽberãrãba cãrẽda quĩcha panʉda? ¿Bʉa ãdjirã quĩrãca cãrẽã quĩchaiẽ́da ɓʉ?

Leaɗapeɗa 2 Corinto 6:11-13, beɗeaɗadua:

• ¿Bʉa cãrẽda poya oida mãsa quĩrĩãi carea jũma djabarã djabawẽrãrã biɗa bʉ quĩrãca awara panʉmĩna?

5. Quĩrãdoadua jũma ne cadjirua idjaɓa ibiaɗe wãdua bʉ djabamaa

Jeowara jipa ɓaera dadjirãba quĩrãdoaɗaẽ́da idji ne cadjirua, ãtebʉrʉ idjia nurẽmaza dadji ne cadjirua quĩrãdoabarida. Leaɗapeɗa Salmo 86:5, beɗeaɗadua:

• ¿Naʉ̃gʉ textoba cãrẽda jaradia ɓʉda Jeowaɗebemada quĩrãdoa ɓʉ bẽrã dadji ne cadjirua?

• ¿Bʉa bia senti ɓʉda Jeowara bia quĩchabarida bʉ ne cadjirua quĩrãdoaɗa bẽrã?

• ¿Sãʉ̃be bʉra quĩrũ ɓaida dewararãme?

¿Cãrẽda oɗida panʉa Jeowa quĩrãca oɗi carea idjaɓa ãbaa panani carea dadji djabarãme? Leaɗapeɗa Proverbios 19:11, beɗeaɗadua:

• Bʉa quĩrũ ɓʉbʉrʉ dewaraʉba ne cadjirua o ɓaɗa bẽrã, ¿bʉa cãrẽda poya oida wãya bia ɓai carea idjime?

Eɗauɗe dadjirãba quĩrũbibadada dewararãa. Maʉ̃ba, ¿cãrẽda oɗida panʉ? Acʉɗapeɗa dji VIDEODA, beɗeaɗadua.

VIDEO: Cãrẽ cãrẽã biara ɓʉda ibiaɗe wãnida ara oɗi carea beɗea dromara (6:01)

• Jãʉ̃ video ununa quĩrãca, ¿dji djabawẽrãba cãrẽda osida bia ɓai carea dewarame?

6. Acʉdua ne bia eropanʉra bʉ djabarã djabawẽrãrã biɗa

Mĩga cawa panʉbʉrʉ bʉ djabarã djabawẽrãrã biɗa, ne biara poya ununida idjaɓa ʉ̃cʉrʉ ne cadjirua ãdjia eropanʉra poya ununida. ¿Cãrẽda poya oɗida acʉɗi carea ãdjirãba ne bia eropanʉra? Acʉɗapeɗa dji VIDEODA, beɗeaɗadua.

VIDEO: ¡Ɓaida bio mera quiruda! (5:10)

• ¿Cãrẽba poya carebaida bʉa acʉi carea jũma ne biara bʉ djabarã eropanʉra?

Jeowaba acʉ ɓʉda dadjirã ne biada. Leaɗapeɗa 2 Cronica 16:9​a, beɗeaɗadua:

• ¿Bʉra sãwã senti ɓʉda cawaɗa bẽrã Jeowaba bʉ ne bia eroɓʉra?

JŨMA BEƊEAƊA

Bʉa quĩrãdoaibʉrʉ bʉ djababa ne cadjirua o ɓʉɗe idjaɓa acʉbi panʉbʉrʉ wãrã arada quĩrĩã panʉda bʉ djabarãa, jãʉ̃gʉba careba ɓʉda congregacioʉ̃ra ãbaa ɓai carea.

Cawaɗara

• ¿Bʉa cãrẽda oida bʉ soɗe ne cadjirua eroɓʉ ãyã ɓʉi carea?

• ¿Bʉa cãrẽda oida quĩrũ ɓʉbʉrʉ dewara djabame?

• ¿Bʉa quĩrãdoa quĩrĩã ɓʉbʉrʉ dewararãa Jeowa quĩrãca? ¿Cãrẽã?

CAWADUA MÃSA

Cawadua Jesuba ne jara ɓʉɗeba jaradiasida dadjirãra biẽ́ jararãmãrẽã.

Bacuru waiɓʉa bʉ dauɗe ɓʉda auɓaridua (6:56)

¿Mʉ̃a ne cadjiruada oẽ́ ɓʉbʉrʉ mʉ̃a idida ɓʉ mʉ̃ ne cadjirua quĩrãdoabemãrẽã?

“Mʉ̃a quĩrã djuburiada idibʉrʉ mʉ̃ quĩrãdoamãrẽã, mãwãra poya beɗea dromara neẽ́a pananida” (Cartaba Jara ɓʉda, 2002, Noviembre 1)

Acʉdua umaquĩrã umé awara panasiɗamĩna, nane ãbaa panʉda.

Jaraẽ́da dewara dji cadjiruada (5:06)

Acʉdua cãrẽda poya oida quĩrũ ɓʉbʉrʉ dewara djabame dji congregacioʉ̃ra ãbaa ɓai carea.

“Ara oida beɗea dromara quĩrĩãneba” (Cartaba Jara ɓʉda, 2016, Mayo)