-
Ne bia jʉ̃ã panʉda Bibliaɗeba¡Ɓʉsriɗa ɓadua dãrã! Curso Ãcõrẽ Beɗeaɗe ne zocãrãneba cawaɗida
-
-
2. ¿Cãrẽda jara ɓʉda Bibliaba ewari zebʉrʉɗera mãwãida?
Bibliaba jara ɓʉda ewari zebʉrʉɗera “waa beuɗaẽ́a, jĩãnaẽ́a, aujĩãnaẽ́a, idjaɓa puara neẽ́ ɓaya” (Leadua Apocalipsi 21:4). Beɗea dromara neẽ́ ɓaida maʉ̃ carea djuburiaɗaẽ́a, ne neẽ́ queɗeara, cadjiruara, cacua biẽ́ ɓeada idjaɓa beuɗira neẽ́ pananida. Bibliaba jara ɓʉda ẽberãrãra dãrã poya pananida naʉ̃ ẽjũã quĩrãwãrẽãne.
-
-
¿Cãrẽ cãrẽã djuburia panʉda idjaɓa ne cadjirua mãwã panʉda?¡Ɓʉsriɗa ɓadua dãrã! Curso Ãcõrẽ Beɗeaɗe ne zocãrãneba cawaɗida
-
-
7. Ãcõrẽba jõbiya dadji djuburia panʉra
Leaɗapeɗa Isaías 65:17 idjaɓa Apocalipsi 21:3, 4, beɗeaɗadua:
Jeowaba jarasia jũma ne cadjiruara jõbiya idjaɓa jũma ãrĩnara idjia wãya ara oya. Jãʉ̃gʉ cawabʉrʉba, ¿sobiabida? ¿Cãrẽ cãrẽã?
¿Cawa ɓasida?
Diauruba naãrã sewaɗeba biẽ́ beɗea ɓasida Jeowaɗeda. Jãʉ̃gʉba jara quĩrĩã ɓʉda Diauruba jãʉ̃ sewaɗeba mititia ɓʉda Ãcõrẽ trʉ̃ra. Diauruba acʉbi quĩrĩã ɓasida Jeowara jipaẽ́ ɓʉda idjaɓa Ãcõrẽ Boro biẽ́ ɓʉda. Dãrãẽ́ne Jeowaba jõbiya dadji djuburiara idjaɓa idji trʉ̃ra jareya, jãʉ̃gʉ jara quĩrĩã ɓʉda Ãcõrẽba acʉbiya dji Boro biara ɓʉda dewara boro cãyãbara. Jareida Jeowa trʉ̃ra bio biara ɓʉda ne awara cãyãbara (Mateo 6:9, 10).
-