Dji beɗea bio biara ɓʉda Ãcõrẽ Beɗeaɗebemada jaradia ɓʉda Ãcõrẽ Boroda. Ãcõrẽ Boroɗeba Jeowaba oida idjia quĩrĩã ɓʉra naãrãeɗa. ¿Cãrẽda maʉ̃ Ãcõrẽ Boro? ¿Sãwã cawa panʉda ya manda ɓʉda? ¿Cãrẽda oɗa aɓa naʉ̃ ewariɗaa? Idjaɓa ¿cãrẽda oida ewari zebʉrʉɗera? Naʉ̃ iwiɗiɗara panunida naʉ̃gʉ beɗeaɗe idjaɓa umé araarebema beɗeaɗe.

1. ¿Cãrẽda maʉ̃ Ãcõrẽ Boro idjaɓa caida idji Boro?

Jãʉ̃ Ãcõrẽ Boro jara quĩrĩã ɓʉda jãʉ̃ra Ãcõrẽba jãwã ɓʉcãrĩda dji Boro manda ɓamãrẽã. Dji Borora Jesu Critoda, idjia manda ɓʉda bajãneba (Mateo 4:17; Juaʉ̃ 18:36). Ãcõrẽ Beɗeaba jara ɓʉda Jesuɗebemada: “Idjira [...] boroda ɓaya” ewariza (Luca 1:32, 33). Idjira dji Boro Ãcõrẽ Boroɗebema bẽrã, Jesuba mandaya jũma ẽberãrã naʉ̃ ẽjũãnebemara.

2. ¿Cairãba mandaɗida Jesume?

Jesura idjiduɓa manda ɓʉẽ́da. Ẽberãra “beɗeazabemada, puruzabemada, jũma druazabema siɗa [...] dji bororãda ɓeaɗia” (Apocalipsi 5:9, 10). ¿Jũmasãwã Critome mandaɗida? Jesu naʉ̃ ẽjũãne ɓasiɗe eɗa zocãrã ẽberãrãba ẽpẽna quĩrĩã panasiɗada idjira. Baribʉrʉ ciento cuarenta y cuatro milbe, critianonebemara ʉ̃taa wãnia mandaɗi carea Jesume (Leadua Apocalipsi 14:1-4). Dewararã critianorã nama ẽjũãne panania Ãcõrẽ Boroɗeba (Salmo 37:29).

3. ¿Cãrẽ cãrẽã bio biara ɓʉda Ãcõrẽ Boroda ẽjũãnebema bororã cãyãbara?

Eɗauɗe ẽberã bororãba ne bia oɗa quĩrĩã panʉmĩna, jũma ãdjirãba o quĩrĩã panʉra poya oɗaẽ́da. Dãrã ɓaɗacare dewara ẽberã bororãba poya mandaɗida careba quĩrĩãẽ́ panʉmĩna ẽberãrãa. Baribʉrʉ, Jesura dji Boro Ãcõrẽ Boroɗebemada, bio biara ɓʉda dewara cãyãbara, ni aɓaʉda Jesu quĩrãca ɓeẽ́da. Ãcõrẽba Jesura dji Boroda ɓʉsida, maʉ̃ carea Ãcõrẽ Beɗeaba jara ɓʉda “Ãcõrẽ bajãnebemaba dji boro ɓʉya, waa jõbiẽ́da”, ni aɓaʉba poya jõbiẽ́da (Daniel 2:44). Jesuba naʉ̃ ẽjũãra jũma mandaya, maʉ̃ne idjia ni aɓaʉda quĩrã awara ocada. Idjira ibiya o ɓʉda, aduá ɓʉda idjaɓa ariɗe ɓʉda, maʉ̃ba idjia jaradiaida ẽberãrãa ara maʉ̃ quĩrãca oɗi carea: ibiya oɗida, aduá ɓeaɗida idjaɓa ariɗe ɓeaɗida (Leadua Isaías 11:9).

4. Dji zarea Boroba jũma manda ɓaida naʉ̃ ẽjũãra

Jesucritora bio cawa ɓʉa idjaɓa bio ʉɓʉa ɓʉda naʉ̃ ẽjũãnebema bororã cãyãbara. Leaɗapeɗa Mateo 28:18, beɗeaɗadua:

• ¿Cãrẽ cãrẽã Jesuba bio manda ɓʉda naʉ̃ ẽjũãnebema bororã cãyãbara?

Naʉ̃ ẽjũãnebema bororãba jũma ẽjũãne poya mandaɗaẽ́da idjaɓa ẽberã bororãra dãrã pananacada. ¿Ãcõrẽ Borora ara maʉ̃ quĩrãca mãwãida? Leaɗapeɗa Daniel 7:14, beɗeaɗadua:

• ¿Cãrẽ cãrẽã bio biara ɓʉda Ãcõrẽ Boroda waa jõẽ́da?

• ¿Cãrẽ cãrẽã bio biara ɓʉɗa Ãcõrẽ Boroba manda ɓaida naʉ̃ ẽjũãra?

5. Naʉ̃ ẽjũãnebema bororã panenaẽ́da

¿Cãrẽ cãrẽã biara ɓʉda Ãcõrẽ Boroba mandaida ẽjũãnebema bororã cãyãbara? Acʉɗapeda dji VIDEODA, beɗeaɗadua:

VIDEO: ¿Cãrẽda maʉ̃ Ãcõrẽ Boro? (djubibi ɓʉ) (1:41)

• ¿Naʉ̃ ẽjũãnebema bororãba cãrẽ ne cadjirua oɗada?

Leaɗapeɗa Eclesiastés 8:9, beɗeaɗadua:

• Bʉmaarã, ¿Ãcõrẽ Boroba biya poya mandaida ẽberã bororã cãyãbara? ¿Cãrẽ cãrẽã?

6. Dji bororã mandabadarãba Ãcõrẽ Boroɗebemada cawa panʉda dadjirãra

Dadji Boro Jesura naʉ̃ ẽjũãne ɓaɗa bẽrã ẽberã quĩrãca, idjia “cawa ɓʉa dadjirãra ʉɓʉaẽ́ panʉda” (Hebreo 4:15). Jeowaba jʉrʉ edasida 144 mil umaquĩrãrã wẽrãrã siɗa mandaɗi carea Jesume. Jãʉ̃ ẽberãrã “beɗeazabemada, puruzabemada, jũma druazabema siɗa” panʉda (Apocalipsi 5:9).

• Jesu idjaɓa idjime mandabadarãba bio cawa panʉda dadjirãa, ¿jãʉ̃gʉba bʉ́a sãwã sentibi ɓʉca? ¿Cãrẽã?

7. Dji ley Ãcõrẽ Boroɗebemada biara ɓʉda ẽberãrã ley cãyãbara

Naʉ̃ ẽjũãnebema bororã leyrãba obadada dadjirãra wagaɗi carea idjaɓa carebaɗi carea ẽberãrãra. Ara maʉ̃gʉ quĩrãca Ãcõrẽ Boro leyra eroɓʉda dji ẽberãrãba oɗamãrẽã. Leaɗapeɗa 1 Corinto 6:9-11, beɗeaɗadua:

• Bʉmaarã, ¿sãwã pananida ẽberãrãba ĩjãbʉdaɗe Ãcõrẽ leyra?a

• Jeowaba quĩrĩã ɓʉda ẽberãrã Ãcõrẽ Boroɗebemarãba ĩjãnida jãʉ̃ leyra. Bʉmaarã, ¿bia ɓʉca? ¿Cãrẽ cãrẽã mãwã panu ɓʉda?

• ¿Cãrẽ cãrẽã cawa panʉda ẽberãrãba ĩjãnaca ɓeara jãʉ̃ leyba awara poya oɗida? (Acʉɗadua dji caibea 11)

JŨMA BEƊEAƊA

Wãrã arada Ãcõrẽba ɓʉcãrĩda dji Boro manda ɓamãrẽã. Ãcõrẽ Boroɗeba idjia manda ɓaida bajãneba naʉ̃ ẽjũãra.

Cawaɗara

• ¿Cairãdrʉ mandaɗida Ãcõrẽ Boroda?

• ¿Cãrẽ cãrẽã Ãcõrẽ Borora biara ɓʉda naʉ̃ ẽjũãnebema bororã cãyãbara?

• ¿Jeowaba cãrẽda quĩrĩã ɓʉda ẽberãrãba oɗamãrẽã idji Boroba manda ɓecare naʉ̃ ẽjũãne?

CAWADUA MÃSA

Leadua Jesuba jaraɗara cawai carea sãma ɓai ɓasida Ãcõrẽ Boroda.

“¿Ãcõrẽ Boroba ne edebʉrʉ quĩrãca dadji soɗe?” (Acʉdua internene)

¿Cãrẽ cãrẽã Beɗea ɓeara Jeowaɗebemarãba panana quĩrĩã panʉda Ãcõrẽ Borome maʉ̃ cãyãbara panʉẽ́da borora naʉ̃ ẽjũãnebemarame?

Jũma soɗeba Ãcõrẽ Boro araare ɓʉda (1:43)

Cawadua Bibliaba jara ɓʉ ẽberãrã 144 mil Ãcõrẽba jʉrʉ edaɗa mandaɗi carea Jesume.

“¿Cairãdrʉ ʉ̃taa wãni?” (Acʉdua internene)

¿Cãrẽba cawabisia wẽrã aɓa quĩchai carea aɓabe bʉrʉ Ãcõrẽra ariɗe ɓʉda?

“Mʉ̃a cawasida cãrẽneba jũma ariɗe ɓaida” (¡Despertad!, 2011, Noviembre)

Ãcõrẽ Boroba manda ɓʉda ʉ̃taare poaga 1914 eɗa. Jãʉ̃gʉ poagaɗeba panʉda jĩrũarebema ewariɗe dji ẽjũãnebema bororã. ¿Sãwã cawa panʉda jãʉ̃ra? Ara naʉ̃da acʉɗida Ãcõrẽ Beɗeaba jaraɗara cawai carea sãwã ɓai ɓasida naʉ̃ ẽjũãra idjaɓa ẽberãrãba cãrẽda oɗi ɓasida poaga 1914 eɗa.

1. ¿Ãcõrẽ Beɗeaba naẽna cãrẽda jaraɗa?

Ãcõrẽ Beɗeaba dji carta Danielɗe jara ɓabadjia Ãcõrẽ Boroba mandai ɓasia “siete poa” ɓaɗacare (Daniel 4:16, 17). Dãrã ɓaɗacarea Jesuba jarasida jãʉ̃ ewarira “Ãcõrẽba ɓʉɗa [ewari]”, idjaɓa jaradia ɓasida jãʉ̃ ewarira waɗi jõbiẽ́ basida (Luca 21:24). Nama acʉɗida siete poa jõsida poaga 1914ɗe.

2. ¿Naʉ̃ ẽjũãra sãwãbʉrʉ ɓʉda idjaɓa ẽberãrãba cãrẽda o panʉda poaga 1914 eɗa?

Jesu nĩbabadarãba iwiɗisiɗaa: “¿Cãrẽneba cawaɗi bʉra zeboɗoda? Idjaɓa ¿cãrẽneba cawaɗi naʉ̃ ewarira jõbʉrʉda?” (Mateo 24:3). Jesuba panusia cãrẽda mãwãi ɓasia idjia mandabʉrʉɗe Ãcõrẽ Boro bajãnebemada. Maʉ̃ne jaraɗida, idjia jarasida djõnida, jarrabada ɓai ɓasia, idjaɓa de uremiada ɓai ɓasia (Leadua Mateo 24:7). Idjaɓa Ãcõrẽ Beɗeaba jarasida “jĩrũarebema ewariɗe minijĩchiada zeya” maʉ̃ne jãʉ̃ ewarira zarea pananida (2 Timoteo 3:1-5). Poaga 1914 eɗa jũma beɗeara mãwã panʉda idjaɓa ebuɗa unu panʉda.

3. ¿Cãrẽã wetara cadjirua ɓasida Ãcõrẽ Boroba ʉ̃taare manda ɓʉɗe eɗa?

Jesu Boro ɓeɗacarea Ãcõrẽ Boroɗebemada, idjira Diaurume bajãne djõbucasiɗaa. Diauruba poyaẽ́ basida. Maʉ̃ba Ãcõrẽ Beɗeaba jara ɓʉ quĩrãca, Diaurura idjaɓa “jũma idjiare panʉ siɗa naʉ̃ ẽjũãnaa ɓatabuesiɗaa” (Apocalipsi 12:9, 10, 12). Satanara bio quĩrũ nũmʉda idjira dãrã ɓaẽ́da cawa ɓʉ bẽrã. Maʉ̃ bẽrã djuburiabi ɓʉda ẽberãrã idjaɓa ne jũma cadjirua dia ɓʉda naʉ̃ ẽjũãne. ¡Maʉ̃ carea naʉ̃ ẽjũãra bio cadjirua nũmʉda! Baribʉrʉ Ãcõrẽ Boroba ara oida jũma cadjiruara.

BIO CAWAƊIDA NAɄ̃ BEƊEAƊE

4. Ãcõrẽneba beɗeabari ɓʉɗa acʉbisida cãrẽda mãwãi ɓasida 1914ɗe

VIDEO: Ãcõrẽ Boroba manda ɓʉda poaga 1914 eɗa (5:02)

Cãĩmocaraɗeba Ãcõrẽba acʉbisida dji Boro Nabucodonosor puru Babiloniaɗebemara, cãrẽda mãwãi ɓasia. Jãʉ̃ cãĩmocarada idjaɓa Danielba jaraɗara acʉbi ɓʉda jãʉ̃ beɗeara ɓasida dji Nabucodonosor Boro carea idjaɓa Ãcõrẽ Boro carea (Leaɗadua Daniel 4:17).a

Leaɗadua Daniel 4:20-26. Mãwãnacarea naʉ̃ dibujoɗeba panudua:

• (A) ¿Nabucodonosorba cãrẽda unusida idji cãĩmocaraɗaɗeba? (Acʉɗadua dji caibea 20, 21 siɗa).

• (B) ¿Cãrẽda mãwãi ɓasia bacurume? (Acʉɗadua dji caibea 23).

• (C) ¿Cãrẽda mãwãi ɓasia “poa siete” jõnacare? (Acʉɗadua dji caibea 26).

Bacuru cãĩmocaraɗebema idjaɓa Ãcõrẽ Boro

ÃCÕRẼNEBA BEƊEABARI ƁɄƊARA (Daniel 4:20-36)

Manda ɓabada

(A) Bacuru bio drasoa ɓʉ

Dãrã mandaẽ́ basía

(B) “Bacuru ɓʉatʉɗadua” idjaɓa “poaga siete mãwã ɓadua”

Wãya mandabarida

(C) “Wãya eroɓaida bʉ boro”

Naãrã mãwãsiɗe:

• (D) ¿Dji bacurura cai quĩrãca ɓʉda? (Acʉɗadua dji caibea 22).

• (E) ¿Aɓa sãʉ̃be mandasida? (Leaɗadua Daniel 4:29-33).

• (F) ¿Cãrẽ mãwãsi poa siete ɓaɗacare? (Leaɗadua Daniel 4:34-36).

NAÃRÃ MÃWÃSIƊE

Manda ɓabada

(D) Nabucodonosor, dji boro Babilonia puruɗebema dãrã mandaẽ́ basí

Dãrã mandaẽ́ basía

(E) Nabucodonosora loco ɓesida poaga 606 D.E.N.b maʉ̃ bʉrʉ poya mandaẽ́ basida poa sieteɗe

Wãya mandabarida

(F) Nabucodonosora biapeɗa wãya mandasida

Umé mãwãida:

• (G) ¿Dji bacurura caira quĩrãca ɓʉda? (Leaɗadua 1 Cronica 29:23).

• (H) ¿Aɓa sãʉ̃be mandasiɗada? ¿Sãwã cawa panʉda mandaɗaẽ́ basiɗaa Jesura naʉ̃ ẽjũãne ɓasiɗe? (Leaɗadua Luca 21:24).

• (I) ¿Sãma idjaɓa sãʉ̃be wãya ara osida naʉ̃ borora?

UMÉ MÃWÃIDA

Manda ɓabada

(G) Bororã Israel puruɗebemara Jeowaba ɓʉsida mandaɗi carea ãdjirãneba

Dãrã mandaẽ́ basía

(H) Jõbisiɗaa dji puru Jerusaleʉ̃ poaga 607 D.E.N.; bororã Israel puruɗebemara mandaɗaẽ́da 2.520 poagaɗe

Wãya mandabarida

(I) Jesura manda ɓʉda dji Boro Ãcõrẽ Boroɗebemara poaga 1914 eɗa

5. Poaga 1914 eɗa naʉ̃ ẽjũãra awara ɓesida

Acʉɗadua dji VIDEODA.

VIDEO: Poaga 1914 eɗa naʉ̃ ẽjũãra awara ɓesida (1:10)

Jesuba jarasida naʉ̃ ẽjũãra sãwã mãwãi ɓasia idjia mandabʉrʉɗe. Leaɗapeɗa Luca 21:9-11, beɗeaɗadua:

• Naʉ̃ beɗea nama jara ɓʉ quĩrãca, ¿cãrẽda ununada idjaɓa sãʉ̃gʉda ũrĩnada?

Dji apóstol Pauloba jarasida ẽberãrãba cãrẽda oɗi ɓasida jĩrũarebema ewariɗera ẽberãrãba mandabʉrʉɗe. Leaɗapeɗa 2 Timoteo 3:1-5, beɗeaɗadua:

• Naʉ̃gʉ textoba jara ɓʉ quĩrãca, ¿bʉa sãʉ̃gʉda ununa?

6. Cawa panʉbʉrʉ Ãcõrẽ Boroba ya manda ɓʉda jãʉ̃gʉba carebaɗibara ne bia oɗi carea

Leaɗapeɗa Mateo 24:3, 14, beɗeaɗadua:

• ¿Cãrẽ traju bio biara ɓʉ acʉbi ɓʉda Ãcõrẽ Boroba ya manda ɓʉda?

• ¿Bʉa biɗa cãrẽda poya oida jaradiai carea Ãcõrẽ Beɗea?

Ãcõrẽ Boroba ya manda ɓʉda idjaɓa dãrãẽ́ne ẽjũã jũma mandaida. Leaɗapeɗa Hebreo 10:24, 25, beɗeaɗadua:

• ¿Jũmarãra cãrẽda oɗida panʉa cawa panʉ bẽrã “Ãcõrẽba cawa oi ewarira dãrãẽ́ne zeida”?

JŨMA BEƊEAƊA

Ãcõrẽneba beɗeabadarãba ɓʉbadara idjaɓa jũma naʉ̃ ẽjũãne mãwã panʉra, acʉbi ɓʉda Ãcõrẽ Boroba ya manda ɓʉda. Jãʉ̃gʉ ĩjã panʉbʉrʉ dadjirãba jaradiaɗida Ãcõrẽ Boroda idjaɓa ãbaa jʉreɗida dadji djabarãme.

Cawaɗara

• ¿Cãrẽda mãwãsida poa siete jõnacare Danielba jaraɗa quĩrãca?

• ¿Cãrẽã bʉa quĩcha ɓʉda Ãcõrẽ Boroba ya manda ɓʉda poa 1914 eɗa?

• ¿Bʉa cãrẽda poya oida acʉbi carea Ãcõrẽ Boroba ya manda ɓʉda?

CAWADUA MÃSA

Leadua nẽbʉrʉbadara jara panʉra idjaɓa dewaraʉba jara panʉra cawaɗi carea cãrẽ mãwã ɓʉda poaga 1914 eɗa.

“Ewariɗe ne biara ame panʉda” (¡Despertad!, 2007, Abril)

Acʉdua umaquĩrãda cãrẽda osida cawapeɗa dji beɗea Mateo 24:14ɗe.

“¡Bio quĩrĩã ɓabadjida beisbol jemenebarida!” (Cartaba Jara ɓʉda, 2017, núm. 3)

¿Sãwã cawa panʉda Ãcõrẽ Beɗeaba jara ɓʉra Danielɗe dji waiɓʉa 4 jãʉ̃ra jãwã jara quĩrĩã ɓʉda Ãcõrẽ Boroɗebemaba?

“¿Sãʉ̃be eɗa manda ɓʉda Ãcõrẽ Boroba? (Dji 1)” (Cartaba Jara ɓʉda, 2014, Octubre 1)

¿Sãwã cawa panʉda “poa siete” jõsiɗada poaga 1914ɗe Ãcõrẽ Beɗeaba jara ɓʉ quĩrãca Danielɗe dji waiɓʉa 4?

“¿Sãʉ̃be eɗa manda ɓʉda Ãcõrẽ Boroba? (Dji 2)” (Cartaba Jara ɓʉda, 2014, Noviembre 1)

Ãcõrẽ Boroba ya manda ɓʉda, dãrãẽ́ne ara oida naʉ̃ ẽjũãra. Acʉɗida Ãcõrẽ Boroba cãrẽ ne bia oida idjaɓa cãrẽã dadjirãra jʉ̃ã panʉda.

1. ¿Cãrẽda oida Ãcõrẽ Boroba naʉ̃ ẽjũãra wãya ariɗe ɓai carea idjaɓa necai pananamãrẽã?

Armagedoʉ̃neba Jesu dji Boro Ãcõrẽ Boroɗebemada jõbiya jũma ẽberã cadjiruara idjaɓa ẽjũãnebema bororãra (Apocalipsi 16:14, 16). Jãʉ̃ ewariɗera naʉ̃ beɗea mãwãida: “Dãrãẽ́ne ẽberãrã cadjiruara neẽ́ ɓaida” (Salmo 37:10). Naʉ̃ Boroɗeba Jesuba carebaida dadjirãra necai pananamãrẽã idjaɓa naʉ̃ ẽjũãra ariɗe ɓai carea (Leadua Isaías 11:4).

2. ¿Sãwã pananida Ãcõrẽba obʉrʉɗe idjia quĩrĩã ɓʉra naʉ̃ ẽjũãra?

Ãcõrẽ Boroba mandabʉrʉɗe, “dji jipa ɓeada djibari ɓaɗida naʉ̃ ẽjũãne idjaɓa jãma dãrã pananida” (Salmo 37:29). Quĩchadua sãwã pananida ẽberã cadjiruara neẽ́bʉdaɗe, ẽberãrãba quĩrĩãbʉdaɗe Jeowaa idjaɓa bio quĩrĩãbʉdaɗe ãdjirãya. ¡Jãʉ̃gʉra bio biara ɓʉda! Ni aɓaʉda cacua biẽ́ ɓeaɗaẽ́da, maʉ̃ cãyãbara jũmarãra dãrã pananida.

3. ¿Ãcõrẽ Boroba cãrẽda oida ẽberã cadjiruara jõnacare?

Ẽberã cadjiruara jõnacare Jesura dji Boro ɓaida mil poaga. Jãʉ̃ poagaɗe Jesura idjaɓa ẽberã 144 mil idjiare panʉ biɗa carebaɗida ẽberãrãra ne cadjirua igaraɗi carea idjaɓa jipa panani carea. Jãʉ̃ ewarira jõnacare ẽjũãra quĩrãwãrẽã ɓaida idjaɓa ẽberãrãra ɓʉsriɗa pananida ĩjã panani bẽrã Jeowaɗera. Mãwãnacarea Jesuba dji zeza Jeowa dji Boro jiruãbẽrã diaida. Maʉ̃ba Jeowa “trʉ̃ra bio biya quirua” (Mateo 6:9, 10). Jũmarãba poya ununida Jeowara dji boro bio biara ɓʉda dewara ɓea cãyãbara bio waga ɓʉ bẽrã idji purura. Tẽãbe Jeowaba jõbiya Diaurura idji jairame idjaɓa jõbiya baridua ẽberã siɗa ĩjãnaẽ́ra idjiɗeda (Apocalipsi 20:7-10). Ãcõrẽ Boroba ne bia oira dãrã ɓaida.

BIO CAWAƊIDA NAɄ̃ BEƊEAƊE

4. Ãcõrẽ Boroba jõbiya ẽjũãnebema bororã

“Ẽberãrãba manda panʉda dewara ẽberãra biẽ́ ɓamãrẽã” (Eclesiastés 8:9). Ãcõrẽ Boroɗeba Jeowaba ara oida jũma cadjiruara ẽberã bororãba o panʉra.

Leaɗapeɗa Daniel 2:44 idjaɓa 2 Tesalonica 1:6-8, beɗeaɗadua:

• Jeowaba idji warra Jesu biɗa, ¿cãrẽda oɗida ẽjũãnebema bororãme idjaɓa ẽberãrãme carebabadada?

• Bʉa cawa ɓʉra Jeowaɗebema idjaɓa Jesuɗebemada, ¿sãwã careba ɓʉda ĩjãi carea wãrãda ãdjirãba ne jũma ariɗe oɗida idjaɓa ni aɓaʉda quĩrã awara oɗacada?

5. Jesura dji Boro bio biara ɓʉda

Jesura dji Boro bẽrã Ãcõrẽ Boroɗebemada, idjia ne zocãrã bia oida carebamãrẽã ẽberãrã jũma naʉ̃ ẽjũãne. Acʉɗadua dji VIDEODA cawaɗi carea Jesuba careba quĩrĩã ɓʉda ẽberãrãa idjaɓa poya carebaida, Ãcõrẽba dji ʉɓʉada diaɗa bẽrã.

VIDEO: Jesuba acʉbisida Ãcõrẽ Boroba oira (1:13)

Jesuba oɗara naʉ̃ ẽjũãne ɓasiɗe, jãʉ̃gʉba acʉbi ɓʉda idjia oira ewari zebʉrʉɗera Ãcõrẽ Boroɗeba. Ãcõrẽ Beɗeaba jara ɓʉɗeba, ¿bʉa sãʉ̃gʉda unu quĩrĩã ɓʉda? Leaɗadua jũma textora unui carea Ãcõrẽ Beɗeaba jara ɓʉra.

6. Ãcõrẽ Boroɗeba bio biara duananida

VIDEO: Biara duananida ewari zebʉrʉɗera (4:38)

Leaɗapeɗa Salmo 145:16, beɗeaɗadua:

• ¿Bʉa sãwã sentibarida cawa ɓʉ bẽrã Jeowaba “dia ɓʉda jũmarã ẽberãrã idjaɓa animarã ne jũmada ãdji quĩrĩã ɓeada”?

JŨMA BEƊEAƊA

Ãcõrẽ Boroba oida Ãcõrẽba quĩcha ɓaɗa quĩrãca naẽna. Ẽjũãra jũma quĩrãwãrẽã ɓaida. Ẽberãrãra dãrã pananida naʉ̃ ẽjũãne, jũma ẽberã biara dji idiɗida idjaɓa bia beɗeaɗida Jeowaa.

Cawaɗara

• ¿Ãcõrẽ Boroba cãrẽda oida Jeowa trʉ̃ra biya ɓamãrẽã?

• ¿Cãrẽ cãrẽã wãrãda cawa panʉda Ãcõrẽ Boroba oira Bibliaba jara ɓʉ quĩrãca?

• Ãcõrẽ Boroba o ɓʉɗebemada, ¿bʉa cãrẽda unu quĩrĩã ɓʉda?

CAWADUA MÃSA

Cawadua cãrẽda maʉ̃ Armagedoʉ̃.

“¿Cãrẽda maʉ̃ Armagedoʉ̃?” (Acʉdua internene)

Jesuba jarasida cãrẽda mãwãida ewari minijĩchiara zeɓʉrʉɗera

“¿Cãrẽda mãwãida minijĩchia ewari?” (Acʉdua internene jw.org)

Cuariarãba sãwã poya quĩchaɗida sãwãbʉrʉ pananida Ãcõrẽ Boroba mandabʉrʉɗe naʉ̃ ẽjũãne.

Quĩchadua ẽjũã quĩrãwãrẽãne ɓebʉrʉɗe (1:50)

Acʉdua dji nẽbʉrʉɗada “Mʉ̃ra sopua ɓabadjida zocãrã idiɗara eroɓaɗa bẽrã” cawaɗi carea umaquĩrãba bio djõma ɓasida politicaɗeba sãwã cawasida aɓabe bʉrʉ cãrẽneba poya awara oida naʉ̃ ẽjũãra.

“Bibliara cawaɗapeɗa awara panesiɗaa” (Cartaba Jara ɓʉda, 2012, Enero 1)