Sãwã ara o ɓʉda congregacioʉ̃ra

Ãcõrẽba ɓʉga nũmebicaa (1 Corinto 14:33). Maʉ̃ bʉrʉ idji purura jipa ɓʉda. ¿Sãwã o panʉ congregacioʉ̃ba Critoɗebema? ¿Cãrẽda poya oɗida jũmarã jipa ɓai carea?

1. ¿Caiba manda ɓʉda congregacioʉ̃ Critoɗebema?

“Critora idji ẽberãrã Boroa” (Epeso 5:23). Jesuba bajãneba acʉbi ɓʉ Ãcõrẽ puru naʉ̃ ẽjũãnebema. Idjia trʉ̃ ɓʉsida “dji nezoca jipa obari”, ãdjirãra djabarã wagabadara bio cawa panʉ bẽrã Ãcõrẽ Beɗeara idjaɓa abadaa Djabarã Borora (Leadua Mateo 24:45-47). Jesuba diabueɗarãba idjaɓa djabarã bororãba Jerusaleʉ̃nebema quĩrãca, djabarã bororãba jipa ede ɓʉda jũma congregacioʉ̃ra naʉ̃ ẽjũãnebemara (Hecho 15:2). Baribʉrʉ ãdjirãra mandaɗaẽ́da, maʉ̃ cãyãbara ãdjirãba jʉrʉɗida Ãcõrẽba jara ɓʉra idji beɗeaɗeba idjaɓa ĩjã panʉda Jesuba jara ɓʉra.

2. ¿Djabarã boroba cãrẽda o panʉda?

Djabarã wagabadarãba bio jaradia panʉda Ãcõrẽ Beɗeaba jara ɓʉra ãdjirãba bio cawaɗa bẽrã, maʉ̃ carea careba panʉda idjaɓa sobiabi panʉda ẽberãrã congregacioʉ̃nebemara. Ãdjirãba parata idiɗacada o panʉneba. Bibliaba jara ɓʉ bẽrã “parata awua panʉneba wagarãnadua, ãtebʉrʉ soɗeba waga quĩrĩã panʉ bẽrã mãwã oɗadua” (1 Pedro 5:1, 2). Djabarã carebabadarãba ãdjía careba panʉda. Dãrã ɓaɗacare ãdjirãra biɗa poya ɓeida djabarã wagabada quĩrãca.

Djabarã Bororãba jʉrʉ edaɗida ʉ̃cʉrʉ umaquĩrãrãa djabarã wagabada bororã panani carea. Jãʉ̃ ẽberãrãba acʉɗe wãbadada zocãrã congregacioʉ̃ra idjaɓa careba panʉda ãdjirãra sobiabi ɓamãrẽã. Ãdjirãba ɓʉbadada djabarã wagabadarãda idjaɓa djabarã carebabadara Ãcõrẽ Beɗeaba jara ɓʉ quĩrãca (1 Timoteo 3:1-10, 12; Tito 1:5-9).

3. ¿Ẽberãza Beɗea ɓea Jeowaɗebemaba cãrẽda o ɓʉ?

Congregacioʉ̃ne jũmarãba “bia beɗeaɗida Jeowaɗeda” ãbaa jʉre panʉne. Idjaɓa bio beɗea panʉda Jeowaɗeda jaradia panʉne Ãcõrẽ beɗeara; aɓaʉba oɗida ãdjia quĩrĩã panʉ quĩrãca (Leadua Salmo 148:12, 13).

BIO CAWAƊIDA NAɄ̃ BEƊEAƊE

4. Jesura dji boro biada idjira sobiabi ɓʉ bẽrã

Jesura edeca ɓʉda dadjirãa ne bia oɗamãrẽã. Leaɗapeɗa Mateo 11:28-30, beɗeaɗadua:

• ¿Sãwãbʉrʉ ɓʉda Jesura dji boro quĩrãca? Idjaɓa, ¿idjia sãwã sentibi ɓʉda dadjirã?

VIDEO: De uremiaba jũẽsiɗe dji puru Nepalda djabarã wagabadarãba bio carebasiɗada (4:56)

Ãcõrẽ Beɗeaba ebuɗa jara ɓʉda djabarã wagabadarãba cãrẽda oɗida panʉa.

Leaɗapeɗa Isaías 32:2 idjaɓa 1 Pedro 5:1-3, beɗeaɗadua:

• Jesuba sobiabi ɓasida djãrãra maʉ̃ carea djabarã wagabadarãba aɓarica o panʉda, ¿jãʉ̃gʉba sãwã sentibi ɓʉda?

• ¿Cãrẽ mãsa djabarã wagabadarãba o panʉda Jesu quĩrãca oɗi carea?

5. Djabarã wagabadarãba jaradia panʉda ãdjia oɗaɗeba

VIDEO: Djabarã wagabadara, ¡na wãnadua! (7:39)

Jesuba ebuɗa jaradiasida djabarã wagabadarãba sãwãbʉrʉ o panʉda congregacioʉ̃ne jipa edeɗamãrẽa. Leaɗapeɗa Mateo 23:8-12, beɗeaɗadua:

• ¿Cãrẽda jara ɓʉda Ãcõrẽ Beɗeaba djabarã wagabadarãba oɗamãrẽã? Bʉmaarã, ¿sacerdote bororãba o panʉda Ãcõrẽ Beɗeaba jara ɓʉ quĩrãca?

1. Djabarã wagabadarãba ara caita panʉda Jeowame dji biarã panani carea idjaɓa careba panʉda dji cuariarã ara maʉ̃ quĩrãca oɗi carea

2. Djabarã wagabadarãba bio sopua panʉda jũmarã itea congregacioʉ̃nebema

3. Djabarã wagabadarãba jaradia panʉda Ãcõrẽ Beɗea domiaza

4. Djabarã wagabadarãra jaradiabadaa. Careba panʉda jareɗi carea idjaɓa ne zocãrã oɗi carea

6. Carebaɗida djabarã wagabadarãra

Ãcõrẽ Beɗeaba jara ɓʉda cãrẽã dadjirãba carebaɗida panʉa djabarã wagabadarãra. Leaɗapeɗa Hebreo 13:17, beɗeaɗadua:

• ¿Cãrẽ cãrẽã Ãcõrẽ Beɗeaba jara ɓʉda dadjirãba bororãba jara panʉra ĩjã oɗida? Bʉmaarã, ¿jãʉ̃ra bio biara ɓʉda?

Leaɗapeɗa Luca 16:10, beɗeaɗadua:

• ¿Cãrẽ cãrẽã bio biara ɓʉda dadjirãba carebaɗida djabarã wagabadara ne jũmane?

JŨMA BEƊEAƊA

Jesu manda ɓʉda dji congregacioʉ̃ critiana. Djabarã wagabadarãba ĩjã panʉda Jesuɗera. Dadjirãba careba panʉda ibiyaɗeba ãdjirãra bio waga panʉ bẽrã idjaɓa jaradia panʉ bẽrã ãdjia oɗaɗeba.

Cawaɗara

• ¿Caiba manda ɓʉda dji congregacioʉ̃ Critoɗebema?

• ¿Djabarã wagabadarãba sãwã careba panʉda congregacioʉ̃ra?

• ¿Ẽberãza Beɗea ɓea Jeowaɗebemaba cãrẽda o ɓʉ?

CAWADUA MÃSA

Acʉdua cãrẽã jarabadada djabarã bororãba idjaɓa djabarã wagabadarãba bio sopua panʉda dadjirã cãrẽã.

Zareabi panʉda djabarãra dewararãba ẽpẽ panʉne (4:22)

Cawadua cãrẽda o panʉda djabarã wagabada bororã.

Djabarã wagabari boroba o ɓʉra dji puru zaqueɗe (4:51)

Leadua wẽrãrãba cãrẽda poya oɗida congregacioʉ̃ne.

“Wẽrãrã Beɗea ɓeara Jeowaɗebemara, ¿dji bororã panʉca?” (Cartaba Jara ɓʉda, 2012, Septiembre 1)

Cawadua djabarã wagabadarãba obadara sobiabiɗamãrẽã dji djabarãra.

“Djabarã wagabadarãba dadjirãra careba quĩrĩã panʉda ɓʉsriɗa pananamãrẽã” (Cartaba Jara ɓʉda, 2013, Enero 15)