¿Carea biara ɓʉda Ãcõrẽme ɓaida idjaɓa borocueira?

Ẽberãba ewariza o quĩrĩã ɓʉbʉrʉ Jeowaba jara ɓʉra aɓabe ʉ̃taa dji idi ɓʉɗeba idjia jaraida, aɓabe idjia quĩrĩãdrʉ, Jeowadrʉ biara ɓʉdrʉ idjia oida (Salmo 40:8). Ẽberã borocueɗacarea idjia acʉbi ɓʉda wãrãda aɓabe Jeowame ɓaida. Dadjirãba jara panʉne Ãcõrẽa acʉbi panʉda idjime ɓʉra aɓabe pananida idjaɓa jãʉ̃drʉ biara ɓʉda dewara cãyãbara. Dadjirãba jãʉ̃ o panʉne idjaɓa dewara ɓeada biara o panʉda, ¿cãrẽba poya carebaida bʉra jãʉ̃ oi carea?

1. ¿Cãrẽba poya carebaida Ãcõrẽne ɓai carea?

Dadjirãba oɗida Jeowa itea wãrãda quĩrĩã pananaera (1 Juaʉ̃ 4:10, 19). Ãcõrẽ Beɗeaba jara ɓʉ: “Jũma bʉ soɗeba, jũma bʉ jaureɗeba, jũma bʉ crĩchaɗeba, idjaɓa jũma bʉ ʉɓʉaɗeba bʉ Boro Ãcõrẽra quĩrĩãdua” (Marco 12:30). Dadjirãba jara panʉra idjaɓa dadjirãba o panʉra acʉbi panʉda wãrãda Jeowara quĩrĩã panʉda. Jãʉ̃gʉ quĩrãca umaquĩrã wẽrãme quĩrĩã panʉne ãdjirã wãrã ara quima edabadada, jãʉ̃gʉ quĩrãca wãrãda dadjirãba quĩrĩã panʉbʉrʉ Jeowara, oɗida idjia jara ɓʉra idjaɓa borocueɗida.

2. ¿Cãrẽ ne biada dia ɓʉda Jeowaba ãdji borocueɗada?

Bʉ borocueɗacarea, bʉra caita ɓaida idji cuariarãme Jeowaɗebemada idjaɓa bio ɓʉsriɗa ɓaida. Maʉ̃gʉbʉrʉ bʉra bio caita ɓaida Jeowame idjaɓa bʉa cawaida Jeowaba wãrãda bʉra quĩrĩã ɓʉda (Leadua Malaquías 3:16-18). Jeowara bʉ zeze quĩrãca ɓʉda, maʉ̃gʉbʉrʉ idjia dia ɓʉda dadji djabarãra cuariara naʉ̃ ẽjũãne, ãdjia quĩrĩã panʉda Jeowara idjaɓa quĩrĩãnida bʉra (Leadua Marco 10:29, 30). Waɗi borocuei naẽna, bʉa zocãrã oida ɓʉa. Bʉa bio cawaida ɓʉ Jeowara idjaɓa bio quĩrĩãida, idjaɓa acʉbida wãrãda ĩjã ɓʉda idji warra beɗeara. Borocuei naẽna bʉa jaraida Jeowaa bʉra idjiɗeda ɓaida. Bʉa jãʉ̃ra oibʉrʉ jũma borocueibʉrʉ bʉra dãrã naʉ̃ ẽjũãne ɓaida. Ãcõrẽ Beɗeaba jara ɓʉ: “Borocuebadaɗebemada [...] ʉ̃rẽbaɗaɗeba dadjirãra ẽdrʉbadaa” (1 Pedro 3:21).

BIO CAWAƊIDA NAɄ̃ BEƊEAƊE

3. Jũmarãba quĩchaɗida panʉ caidrʉ quĩrĩãnida

Dãrãbʉrʉ naẽna jãʉ̃ puru Israelɗe, ãdjia quĩchasiɗada poya quĩrĩãnida panasiɗada Jeowara idjaɓa dewara ãcõrẽ sewaiɗada Baal. Baribʉrʉ jãʉ̃ra sewa ɓasida. Maʉ̃gʉbʉrʉ Jeowaba diabuesida idji beɗea ĩjã ɓʉ jarabada Elía quẽãi carea. Leaɗapeɗa 1 Reye 18:21, beɗeaɗadua:

• ¿Israelitarãba cãrẽda oɗida panasiɗada?

Israelita quĩrãca, dadjirãba quĩchaɗida panʉ caidrʉ quĩrĩãnida. Leaɗapeɗa Luca 16:13, beɗeaɗadua:

• ¿Cãrẽ cãrẽã quĩrĩãnaẽ́da Jeowara, idjaɓa aɓariɗe dewaraʉda quĩrĩãnida?

• ¿Cãrẽda poya oɗida panʉda Jeowaba idjia unumãrẽã wãrãda idji beɗeara quĩrĩã panʉda aɓabe?

4. Quĩchadua jũmasã Jeowaba quĩrĩã ɓʉda bʉra

Jeowaba zocãrã ne bari dia ɓʉda dadjirãa. ¿Cãrẽda diaɗida Jeowaa dadjirãba? Acʉɗadua dji VIDEODA.

VIDEO: Dadjirãba diaɗida Ãcõrẽa (3:04)

¿Jeowaba sãwã acʉbi ɓʉda wãrãda quĩrĩã ɓʉda bʉra? Leaɗapeɗa Salmo 104:14, 15 idjaɓa 1 Juaʉ̃ 4:9, 10, beɗeaɗadua:

• Zocãrã ne bia dia ɓʉ Jeowaɗebema, ¿sãʉ̃gʉdrʉ biara quĩrĩã ɓʉ?

• Bʉa jãʉ̃ quĩcha ɓʉɗe, ¿cãrẽdrʉ quĩcha ɓʉda idji carea?

Ẽberã aɓaʉɗe dadjía ne bia diabʉrʉɗe, dadjirãba bia ɓʉaɗa jara panʉda idjaɓa acʉbiɗida idjime bio sobia panʉda. Leaɗapeɗa Deuteronomio 16:17, beɗeaɗadua:

• Bʉa quĩchabʉrʉɗe jũma Jeowaba dadjía dia ɓʉra, ¿bʉa biɗa aɓari quĩrãca dia quĩrĩã ɓʉca? ¿Bʉa cãrẽda diaida Ãcõrẽa?

5. Bʉa Jeowaɗebema ɓʉɗe ne zocãrã biada oida

VIDEO: Mʉ̃maarã pelota jemeneira biara ɓasida (5:45)

• Maʉ̃ ẽberã balón jemenebadji quĩrĩã ɓasi, baribʉrʉ ¿cãrẽã idu ɓʉsida?

• Idjia quĩrĩã ɓasida Jeowaɗebema ɓaida, maʉ̃gʉbʉrʉ idu ɓʉsida jãʉ̃ jemeneira. Bʉmaarã, ¿idji jãʉ̃ oɗara bio bia ɓasida? ¿Cãrẽ sãwãya?

Dji apóstol Paulo waɗi critiano naẽna, idjia eroɓasida traju biada. Idjira estudia ɓasida dji jaradiabari biame, idjia bio cawa ɓasida jãʉ̃ leyra judía. Baribʉrʉ jũma idu ɓʉsida critianone ɓaɗacarea. ¿Wãya jiruãbẽrã jũma quĩchasi jãʉ̃ jũma amena carea? Leaɗapeɗa Pilipo 3:8, beɗeaɗadua:

• ¿Cãrẽã Pauloba jarasida idjia jũma oɗara waɗi critianone ɓai carea jãʉ̃ra “nejarra quĩrãca” ɓasida?

• ¿Cãrẽda edasida jãʉ̃ jũma amena carea?

• Bʉmaarã, ¿biara ɓʉda Jeowaɗebema oi carea? ¿Cãrẽ sãwãya mãwã quĩcha ɓʉ?

JŨMA BEƊEAƊA

Jeowara quĩrĩã pananaera, dadjirãba ʉ̃taa dji idiɗida jaraɗi carea idjiɗe pananida maʉ̃gʉbʉrʉ idjaɓa borocueɗida.

Cawaɗara

• ¿Cãrẽ cãrẽãbʉrʉ Jeowara quĩrĩãnida dadji soɗeba idjaɓa aɓabe quĩrĩãnida idjira?

• ¿Cãrẽ ne bia dia ɓʉda Jeowaba idji borocueɗaɗebemada?

• ¿Jeowaɗebema ɓa quĩrĩã ɓʉ?

CAWADUA MÃSA

Acʉdua cãrẽã aɓaʉ trʉ̃ãbariba idjaɓa jãʉ̃ jemenebariba ãdjia osiɗada Jeowaɗebema ɓai carea.

Cũdra ɓeaba idiɗara... ¿Cãrẽda oida zocai ɓʉɗe? Jẽdaare oɗa quĩrãnebabʉrʉɗe (6:54)

Cawadua mãsa Jeowaɗebema ɓai carea.

“¿Cãre sãwãyabʉrʉ Jeowaɗebema ɓaida?” (Cartaba Jara ɓʉda, 2010, Enero 15)

Acʉdua naʉ̃ trʉ̃ãbi chiruɗebema sobia panʉ Jeowaɗebema ĩjã panʉ.

Mʉ̃a quĩrĩãida bʉra (4:30)

Leadua cãrẽ cãrẽã jãʉ̃ wẽrã idjia bio quĩchasida idjia oɗara, idji nẽbʉrʉɗada trʉ̃ jarabada “Ewariza idibadjida cãrẽ cãrẽãbʉrʉ naʉ̃ ẽjũãne panʉda”.

“Bibliara cawaɗapeɗa awara panesiɗaa” (Cartaba Jara ɓʉda, 2012, Noviembre 1)