Noeren garaiko uholdea: Nork entzun zuen Jainkoaren esana?

Noeren garaiko jendearen gehiengoak gaiztakeria asko egiten zuen. Hasiera 6:5

Adam eta Ebak seme-alabak izan zituzten eta lurra jendez betetzen hasi zen. Denborarekin, aingeru batzuk Satanen matxinadari batu zitzaizkion.

Lurrera etorri eta beraien gorputzak gizon-gorputz bihurtu zituzten emakumeekin ezkontzeko. Emakume horien semeak gainontzeko gizakiak baino indartsuago eta basatiagoak ziren.

Mundua gaizto jokatzen zuten pertsonez bete zen. Bibliak honakoa dio: «Ikusi zuen Jaunak handituz zihoala munduan gizakiaren gaiztakeria eta honen burubide guztiek txarrera jotzen zutela beti».

Noek Jainkoaren esana entzun eta ontzia eraiki zuen. Hasiera 6:13, 14, 18, 19, 22

Noe gizon zintzoa zen. Jehobak pertsona gaiztoak uholde handi baten bidez suntsituko zituela esan zion.

Jainkoak Noeri arka deituriko ontzi handi bat eraiki eta bertan bere familia eta mota guztietako animaliak sartzeko esan zion.

Noek uholdea zetorrela ohartarazi zuen jendea, baina ez zuten entzun. Batzuek Noeri iseka egiten zioten eta beste batzuek gorroto zioten.

Ontzia amaitu zuenean, Noek animaliak bertan sartu zituen.