18. Ye ma yeane ve énying dzam abe Zamba, me duben fe?

YE MA YEANE DUBEN?

“Yen sik mendim! Dzé ya kamen ai ma ne me be duben?”​—Mimbòen mi apostel 8:36

Asu dzé ai akia afé wò yeane duben?

Éyong wò yi duben wò yi lere na o dzogèya énying o nga nying osusua ai na wò kèè ne wò nying akia ya Zamba a yi.

• Matéus 28:19, 20

  Wò yeane duben asu yi na o sié Yéhova.

• Salmen 40:8

  Éyong wa duben wa lere é bot bevòk na o woéya oyili yi na wò sié Zamba.

• Matéus 3:16

  Dzam deda ane Yésus, ba yeane wò du ai nyòl dzoé ése a mendim éteré.

2 YÉHOVA A SILI KI WÒ É MAM O SEKI DZAM BÒ

“Amu Éding Zamba ndzò dzi, na bi kala mebendé moé. Ndò fe mebendé moé me seki adit.”​—1 Yohannes 5:3

Asu dzé wò yeane ki mbara na o ve wòmen abe Yéhova?

• Salmen 103:14; Yésaya 41:10

  Ya sili ki na o tòbo ntut asu yi na o ve wòmen abe Yéhova. A yi wò vòli na o bò é dzom é ne susuo.

• Kolosi 1:10

  Éding dzaan asu Yéhova ya yi bia vòli na te bia bò é dzam a vini.

3 É MAM MA SILI ASU YI NA BI DUBEN

“Ma ding bò nyien woé a Zamba wòmò mvendé dzoé é ne a nnem wòm éteré.”​—Salmen 40:8

Dzé wa yeane bò asu yi na o ve wòmen abe Yéhova?

• Yohannes 17:3

  YEGÈ KALARA ZAMBA

  Dzengʼe na o yem Yéhova ban Yésus Kristu. Éyong wa yi bò tuène yem, éding dzoé asu daba ya yi nang.

• Hébréa 11:6

  WONOGO MBUNEN WOÉ

  Bi nfang afiri a mengaaga me Zamba ai a ngul metunega me Yésus ma koré bia a nsem ai awu.

• Mimbòen mi apostel 3:19

  VENGʼEN

  Singi abé ase o nga bò.

  DUGEN

  Nala a tilen na o tsendé mbe akol dulu doé ai na o bò é mam me ne susuo.

• 1 Pétrus 4:2

  VAA WÒMEN ABE YÉHOVA

  Wò ve Yéhova énying dzoé éyong wa kaa nyè a ngogelen na nnye étam wa yi lugu ai na nyien woé ngò wa yi nong étié osu énying dzoé.