AYÈGÈ 11

Kòbega ai ayong ase

Romani 12:11

OBALBAS: Kòbega ai ayong asu yi na o ve é ba ba vogolo wò awono.

Bò na é mam wò yi yegele me kèè namba nnem woé wòmen. Éyòng wò komezen ayegele doé, nòng abog na o fas nfi o ne été. Dzeng na o tuene man yemen ai dò, nala a yi bò na o kòbò ai nnem woé ose.
Tsogo é ba ba yi wò vogolo. Fasa na o yen nfi é bot bevòk ba yi nòng a nlangʼen wò yi bò ngeki a ayegele wò yi ve. Dzeng akia o ne ve ayegele asu yi na o namba minnem miaba.
Kòbega ai odidiga. Belen ai ayong nkòbò. Belen ai minfongʼen mi nyòl ai émi mi asu na o lere bot é dzam wò woren.

Bò okala, te wò fongʼen akia deda abog ase, nala a za ndegele é ba ba vogolo wò. Minfongʼen mi nyòl mié mia yeane toben ai ayegele wò ve. Kòbega ai ayong ase éyòng wò ngoné minlo medzo ai éyòng wò yi na é ba ba vogolo wò be furi ayegele wò ve a mimbòen. Te wò dang kòbò ai ayong abui atarigi a mekèè a kui a memana, o za ve bot sòm a nyòl.