Bò na é bot bevòk be tuene wog é dzom wò dzo

1 Kòrinti 14:9

OBALBAS: Vòligi é bot ba vogolo wò na be tuene wog é dzom wò yegele bò.

AKIA O NE DÒ BÒ:

• Éyòng wò komezen, tuene yègè é mam mese wò yi yegele. Dzeng na o tuene wog nlo adzo woé asu yi na o bò wò ébugubu ya felen, belen fe ai bibug bié wòmen.

• Belen ai minlòng bibug mi ne oveves ya wog, tege dang ayap. Tò ane o ne belen ai minlòng bibug mi tò meyap dzam da, mbeng o ne na o belen ai émi mi ne bitun ai oveves ya wog éyòng wò yi na wò ngoné minyegelen mia dang nfi.

• Timigi bibug bot ba tuene ki yem. Te wò dang belen ai bibug ya é bot ba vogolo wò ba tuene ki yem. Nge wò yeane belen ai akia ébug té, nge mvulna mot zing ya Bibel, metang ya okoba ngeki metum mezing, timigi dzam té mbeng.