Vaa mengul asu yi na o namba minnem mi bot

Minkana 3:1

OBALBAS: Vòligi é bot ba vogolo wò na be wog é dzom ba yègè ai na be furi ayegele té a mimbòen.

AKIA O NE DÒ BÒ:

• Vòligi é bot ba vogolo wò na be fas binying biaba. Siligi bò minsili mia bò na be fas, vòligi bò na be yem akia ya é mam ba yègè ma namba bò.

• Tindigi é ba ba vogolo wò na be bi mbembe nyien. Vòligi é bot ba vogolo wò na be fas bòbeben asu yi na be yem amu dzé ba bò mimbembe mimam. Vòligi bò na be bii mbembe étié nnem.​—Nala a bebe éding asu Yéhova, éding asu é bot bevòk ai asu minyegelen ya Bibel. Vòligi é bot wò kòbò ai bò na befas; te wò bam ai bò. Te wò samala bò, ve vaa bò awono a memana me ésié dzoé, tindigi bò na be bò é mam me ne mbeng.

• Vaa Yéhova duma. Ngonegé akia afé minyegelen ya Bibel, tin memvéndé, ai memvéndé ma lere bia abeng mefulu me Zamba ai éding a bele asu daan. Vòligi bò na be kare nòng ngap ai akia ya Yéhova a woren mam ai na be dzeng na be nyeb nyè a nnem.