Nkôman Nzame ô ne ya ?

Nzame a kômô naa boan be bôr bese be ning mbèmbèè ye mevakh aa mvoghe été e paradis si va.

« É se bobane ! » ô ne dzô nale. Ve Kalare Nzame a yemele naa é ne bobane ngalan Édjié Nzame. Nzame a kômô naa boan be bôr bese be tugha yeme nkôman wèñ ye Édjié dzèñ.​—Bya 37:11, 29 ; Ésaïe 9:7.

Nzame a kômô mbeng waa.

Aval ane mbemba ésaa a dzeng mevèñ é boan bèñ, nale fe ésaa waa a ne ayôp a dzeng naa bi tobe mevakh été mbèmbèè (Ésaïe 48:17, 18). A kakh naa « é môr a bo nkôman Nzame a ye ning mbèmbèè ».​—1 Jean 2:17.

Nzame a kômô naa bi wule mezen mèñ.

Kalare Nzame a kare bia naa : Mvele waa a kômô bia yeghle « menzen mèñ » ndamben bi wule « minkîn mèñ » (Ésaïe 2:2, 3). Éde a nga top « ngura ayong naa ô beghe éyôla dzèñ » akal naa nkôman wèñ ô tobane si ése ngura.​—Bisè Mintôl 15:14.

Nzame a kômô naa bi wume nye élat été.

Nya n’yebe Nzame aa kane ki bôt ; ve a lare be y’ édzing é ne bebela (Jean 13:35). Éde, za a yeghle befam ya binenga bese aval be ne wume Nzame élat été ému ? Mina ye yen éyalane ya nsili te é moan abakh nyi été.