AYEGHLE 7

Za meyeghle bia ñong bisulan bia ?

Ésulan Bengaa Jehôva ya Nouvelle Zélande — Si Nouvelle Zélande

Ésulan Bengaa Jehôva ya Japon — Si Japon

Étông moan Bengaa Jehôva a lang bible e Ouganda — Si Ouganda

Bengaa Jehôva be bèè ya Lithuanie ba lere éveghla nkanghle — Si Lithuanie

Bechrétien be yaa ntet mimbu ôsu be nga yiyiè bya, ye bo meyeglan, e lang ye fe e yeghe medzô ma so Kalare Nzame bisulane biaba (1 Becorinthien 14:26). Aval te éde bia bo bisulan bia ému wi.

Nya ayeghle a so Kalare Nzame été. A mane sono, ékôan ése da sulane naa be zu wokh ntun wa tobe bibukh 30 ô lereghe naa Kalare Nzame a ne éban éning dzaa ému. Môr ase a yiane kulu Bible naa a lang bifus ba tu. Éyong ntun te ô man-yang, bi nga yeghe « Ô momo ». Ayeghle te da tobe awala daa. Môr ase a dzeng naa a ve éyalane a va kôm é nda dzèñ. Ayeghle Ô momo te da boban bikôan a dang 120 000 bi ne si ése ngura.

É Sikolo a yeghle bia. Bia tobane fe ngoghe ézing ya sono akal ésulan é ne nkabane ngap élal, bia luè naa Éning moan chrétien ye minkanghle, é mam bia yeghe été ma so e Kalare ésèñ akal minkanghle a kuiñ ngoan ése. É ngap ôsu bia luè naa Mengos me ya nsisim, ma vole bia naa bi vebane bifus bi ya bible. Akore ya été bi siane é ngap bèè bia luè naa tugha yeghe ésèñ minkanghle, été, bia yen bifônan ya bingengeng bia vole naa bi yem kobe ye yem e yeghle é bôr bevokh medzô me Nzame. Ngap te é bele é moandzang a ve bong be ya sikolo te melepgha (1 Timothée 4:13). É ngap da sughlan bia luè naa éning moan chrétien, é bele minlang mia wulu ye minsili ya biyalane bia ve naa bi tugha wokh Kalare Nzame.

Nge wa so bisulane bia, wa ye yen naa bi bele ngul ayeghle. Waa ye ki dzôban.—Ésaïe 54:13.

Bisulan Bengaa Jehôva bia bobane ya ?
Ésulan é vé wa kômô tare zu tobe ?