AYEGHLE 23

Aval avé bia tsili ye kule bekalare baa ?

Môr a séñ é vôm ba tsili bekalare é si America — É vôm ba tsili bekalare, é si America

Korea Nsama benkonghlan bekalare ya si Corée du sud — Si Corée du Sud

Fam Bengaa Jehôva aa lere nkonghlane kalare nkobe ya si Armenie — Si Arménie

Minenga Bengaa Jehôva aa lere nkonghlane kalare nkobe ya si Burundi — Si Burundi

Minenga Bengaa Jehôva aa lere nkonghlane kalare nkobe ya si Sri Lanka — Si Sri Lanka

Ôsiman ya naa môr ase a wokh « mbemba fuèñ » si ése ngura, ô nga ve naa bi kule bekalare a lôre minkobe 900 (Melere 14:6). Dzé é nga ve naa bi bo abîm ésèñ te ? Si ése ngura bi bele nsama be tsili ye be konghlane bekalare bese be ne nsaza—Bengaa Jehôva.

Kalare ase a tare kuiñ kobe nges. Tsin Ékôan, é tele ésèñ mintsilan bekalare ôsu. Ba deghe ésèñ mintsilan da bobane wéñ ya é di da bobane mintem mi ékôan m’izing. Amu a bele be tsili bekalare mesi mese, dzam te da ve Tsin Ékôan naa a bele abuiñ minlô medzô mia name bôr bese.

Ba lôme kalare ébe é bôr ba konghelane nye. Niane ntsilane ô mane-yang betsili ba lang ye deghe nge ékop é se, a kôre ye vèè, kalare a ke ébe benkonghelan be ne si ése ngura. Moan nsama te a tare lang e bo naa be yeme top « bifia bi ne sôsôe ye foghe-foghe » da yili naa bifia bia fônane nges nkobe weba.—Ecclésiaste 12:10.

B’ordinateur ba ve naa ésèñ é wule avôl. Bi se dzô naa b’ordinateur ba b’ésèñ ane moan môr. Ve, ba ve naa ésèñ é bo ébubu, keghe ki dzimele éyong. Bengaa Jehôva be nga kôm minsini aa wule e nden mba luè naa MEPS « Système électronique d’édition multilingue ». A ve naa be kule bekalare tang minkobe mintet ya biveghle bia yule ye bie éyong dzaa.

Amu dzé bia kule bekalare minkobe m’izing bôr be se ki abuiñ ? Amu nkômane Nzame ô ne naa « bôr bese be tobe nkôran ye tugha yeme be bebela ya bible ».—1 Timothée 2:3, 4.

Aval avé bekalare baa ba tsiliban ?
Amu dzé bia konghlane bekalare baa abuiñ minkobe ?