Jehôva a kame Jehosafat

Jehosafat, kéza ya Judá, a nga mane tsam é baltar nge ki bautel Baal ya biyema be mbe bé kang é si dzèñ. A nga kômô naa ayong ése é yem metsing Jehôva. Ya dzam té, éde a nga lôm bitong bedjié ya belevitas nge ki belévite, a Judá ngura naa be yeghle ayong metsing Jehôva.

Mesi me mbe be minfeng me nga ko wong naa be ke lumane Judá amu be nga yem naa Jehôva a vole ayong dèñ. Ya ke kuiñ be nga kee kéza Jehosafat bedas. Ve éyong té éde Bammonitas, Bemoabitas ya é bôr be mbe mbe too a Seir be nga ke lumane Judá. Kéza Jehosafat a nga yem naa a ye yi avole Jehôva. Ya dzam té, éde a nga kôane befam, binenga ya boan a Jerusalén. A nga bo meyeghlan a tele be ôsu. A nga dzô naa : “A Jehôva, bii se ki wun aluman kaa avole dué. Éngôngoo dzôghe bia é dzam bia yiène bo.”

Jehôva a nga wokh meyaghlan méñ : “Éde a nga yalane ñi naa. Ô taa ko wong, ma ye wô vole. Tebeghane vôm mboo, kaa fonghan ye yen aval ma ye mina kôre.” Za aval Jehôva a nga kôre be ?

Kikiri, Jehosafat a nga top beyiè bya, éde a nga dzô be naa be wulu nsama bizima ôsu. Be nga kôrô a Jerusalén naa ba ke nseng aluman, é vôm be mbe bé lué naa Tekoa.

Nté beyiè bya be mbe bé yiè ôyap ôyô ya mevakh, Jehôva a nga luman akal ayong dèñ. A nga zamane Bamonitas ya Bemoabitas, ane be nga sum naa ba lumane bebién-bebién, besese be nga mane wu. Ve, Jehôva a nga kame bôr be ya Judá, bezima ya befara. Meyong mese me mbe be minfeng me nga wokh é dzam Jehôva a nga bo, ane be nga yem naa Jehôva a mbe é kôre ayong déñ. Za aval Jehôva a kôre ayong dèñ ? A bo de ébe abuiñ meval. Aa yi ki avole da so ébe boan be-bôt naa a bo de.